Զորացնել մարդկանց գրագիտության միջոցով

Չեռնոգորիայում ռոմական (գնչուական) համայնքը բախվում է լուրջ մարտահրավերների, այդ թվում՝ գրագիտության ցածր մակարդակի: «Դեֆենդոլոգիա» հասարակական կազմակերպությունն անխոնջ աշխատում է փողոցներում երեխաների մուրացկանությունը դադարեցնելու ուղղությամբ՝ նրանց դպրոց ընդունելով և դպրոցից հետո աջակցություն ցուցաբերելով: Եկեղեցին համագործակցել է «Դեֆենդոլոգիայի» հետ՝ երեխաներին գրենական պիտույքներ, կոշիկ և հագուստ տրամադրելու համար: Այս նախագիծը ոչ միայն օգնում է երեխաներին մնալ դպրոցում, այլև կրթում է ծնողներին կրթության կարևորության մասին: Այս ջանքերին աջակցելով՝ մենք կարող ենք երաշխավորել, որ ռոմա երեխաները հնարավորություն ունենան սովորելու և զարգանալու:

Սլովակիայում Երեց և Քույր Անդերսոնները համագործակցեցին տեղական ղեկավարների հետ՝ Լաշկովցեում Ուսուցման և հիգիենայի կենտրոն հիմնելու համար: Այս կենտրոնը ծառայում է որպես վայր, որտեղ ռոմա ընտանիքները կարող են բարելավել իրենց կրթությունը, հիգիենան, սոցիալական հմտությունները և աշխատանքի հեռանկարները: Կենտրոնը ներառում է մանկապարտեզի և երիտասարդների միջոցառումների համար նախատեսված դասարաններ, ինչպես նաև լվացքատուն: Այս նախագիծն այնքան հաջող է եղել, որ արդեն իսկ ընթացքի մեջ են լրացուցիչ կենտրոնների կառուցման ծրագրերը: Ուսուցման համար անվտանգ և աջակցող միջավայր ապահովելով՝ մենք կարող ենք օգնել ռոմա ընտանիքներին հաղթահարել աղքատությունը և կառուցել ավելի պայծառ ապագա:

Գրագիտության խթանումը պահանջում է համատեղ ջանքեր: Ահա մի քանի եղանակներ, որոնցով կարող եք գործողություններ ձեռնարկել այս երկրներում գրագիտության նախագծերին/նախաձեռնություններին աջակցելու համար.

1. Կամավոր ձևով նվիրաբերեք ձեր ժամանակը։ Անկախ նրանից, թե դա երեխաներին ուսուցանելն է, դպրոցների վերանորոգմանը օգնելը, թե համայնքային կրթական ծրագրերին աջակցելը․ ձեր ժամանակն ու հմտությունները կարող են էական տարբերություն ստեղծել։

2. Նվիրատվութուն արեք։ Ֆինանսական ներդրումները կարևոր են կազմակերպությունների համար՝ իրենց աշխատանքը շարունակելու համար: Մտածեք գրագիտությունն ու կրթությունը խթանող հեղինակավոր կազմակերպություններին նվիրատվություն անելու մասին կամ ներդրում կատարեք Հիսուս Քրիստոսի Վերջին Օրերի Սրբերի Եկեղեցու մարդասիրական օգնության ֆոնդում:

3. Բարձրացրեք իրազեկվածությունը։ Օգտագործեք ձեր ձայնը՝ գրագիտության խնդիրների վերաբերյալ իրազեկվածությունը բարձրացնելու համար: Կիսվեք տեղեկատվությամբ սոցիալական ցանցերում, կազմակերպեք միջոցառումներ կամ մասնակցեք արշավների՝ ուրիշներին գրագիտության կարևորության մասին կրթելու համար:

4. Եղեք փոփոխության ջատագով։ Աջակցեք գրագիտությունն ու կրթությունը խթանող քաղաքականությանն ու ջանքերին։

5. Աջակցեք տեղական ջանքերին։ Փնտրեք հնարավորություններ աջակցելու տեղական ջանքերին, որոնք օգնում են ձեր համայնքի կարիքավորներին: Անկախ նրանից, թե դա գրադարանում կամավորական աշխատանք է, գրքեր նվիրաբերելը, թե համայնքային կրթական ծրագրերին մասնակցելը, յուրաքանչյուր գործողություն կարևոր է:

Գիտակցելով գրագիտության կարևորությունը՝ ընտրեք վերը նշված օգնության ձևերից մեկը և պարտավորվեք մասնակցել՝ լինի դա կամավորություն, նվիրատվություն, իրազեկության բարձրացում, փոփոխությունների ջատագովություն, թե տեղական ջանքերին աջակցելը: Ձեր ներդրումը կարևոր է:

Գրագիտության խթանումը կարևոր է անձնական և հասարակական զարգացման համար: Այստեղ ընդգծված ջանքերը ցույց են տալիս կրթության վերափոխող ուժը և համախմբված գործողությունների կարևորությունը: Գրագիտությունը սատարելով՝ մենք կարող ենք ապահովել, որ երեխաներն ու ընտանիքները հնարավորություն ունենան սովորելու, աճելու և բարգավաճելու: Օգնելու վերաբերյալ լրացուցիչ տեղեկությունների համար այցելեք Caring.ChurchofJesusChrist.org կայքը:

Հետևելով Փրկչի սիրո և ծառայության օրինակին՝ Հիսուս Քրիստոսի Վերջին Օրերի Սրբերի Եկեղեցին աջակցում է անհատներին և համայնքներին օրհնող ջանքերին։