Na Lotu e Mongolia

Sa tubu cake tikoga na Lotu i Jisu Karisito ni Yalododonu Edaidai e Mongolia mai na imatai ni gauna era yaco mai kina na veiwatini daukaulotu qase ena 1992. Era a papitaiso na isevu ni saumaki mai Mongolia ena 1993, ka tauyavutaki na imatai ni tabana ena yabaki vata ga oya. Ena 1995, a tauyavutaki kina na imatai ni tabana ni kaulotu. Nikua, na Lotu e Mongolia sa tiko kina e:

• 12, 400 na lewenilotu (vakacaca)

• 2 na iteki, 24 na tabanalevu kei na tabana, 1 na tabana ni kaulotu

• 1 valetabu (me tara e Ulaanbaatar)

Veivakalougatataki Vakayalo

E kaya o Munkh-Od Altansukh (e cake, imatau) mai na iTeki o Ulaanbaatar East, “Au rawata na veika vakayalo e sega ni tukuni rawa ena veimataqali cakacaka eso me vaka na vulici ni ivolanikalou, veiqaravi vei ira na tani, kei na sokalou ena valetabu. Au kila ni veika lalai ka rawarawa ni kosipeli ka dau vakayacori vakawasoma ena vukei keitou me keitou tubu vakamatavuvale ki na bula vakacerecerei.“