Me Baleta na Noda Gauna

Ena ika 23 ni Sepiteba, 1995, a vosa o Peresitedi Gordon B. Hinckley (1910–2008) ena dua na soqoni ni marama ena iSoqosoqo ni Veivukei ka vakamacalataka “Na Matavuvale: Ai Vakaro ki Vuravura Raraba.” Oqo eso na ka a tukuna ena gauna oya:

“Au vakabauta ni ra sa vakalougatataki na gone vakayadua ka sucu tu ena dua na vuvale era sa kidavaki, susugi, lomani, ka vakalougatataki kina vakaitubutubu, na tama kei na tina, ka veidinadinati tu vakairau vakakina vei ira na luvedrau.

“Na levu ni nomu susugi ira deivaki na luvemu ena sala ni kosipeli i Jisu Karisito, ena loloma kei na vakanamata cecere, na levu ni kena kune na vakacegu ena nodra bula.”

“Ena levu ni veika vereverea e vakauti tu me ka dina, ena levu ni veicavilaki baleta na itagede kei na ivakarau eso , ena levu ni veivagolei kei na idre me kilai tu na veitakavi malua ni vuravuara, sa nanumi me keitou veivakasalataki ka veivakaroti. Ena vuku ni ka oqo oi keitou na Mataveiliutaki Taumada kei na Matabose ni Kuoramu ni Apositolo Le Tinikarua keitou sa veivakaroti ki na Lotu vakakina ki vuravura me sa ivakasala ka ivakadei ni itagede, ivunau, kei na ivakarau e baleta na matavuvale era sa dau cauraka wasoma na parofita, daurairai, ka dauvakatakila ni lotu mai na kena ivakatekivu.”

“Keitou vakatura vei kemuni kece na kena wiliki vakamatau vakavinaka, kei na yalomasumasu na ivakaro oqo. “Na kaukauwa ni dua na matanitu sa yavutaki ena loma ni lalaga eso ni nodra itikotiko. Keitou vakamasuti kemuni na noda ena veivanua taucoko mo ni vaqaqacotaka na nomuni matavuvale me salavata kei na veika yaga dokai-ni veigauna oqo.”