“Miti ya Thamani ya Bonsai na Shuhuda za Thamani,” Liahona, Sept. 2025.
Miti ya Thamani ya Bonsai na Shuhuda za Thamani
Kila ushuhuda ni zawadi ya thamani kuu ambayo inahitaji bidii ya kibinafsi na imani kwa ajili yake ili iweze kudumu kama kitu cha uzuri na shangwe.
Picha kwa hisani ya mtunzi
Katikati ya Tokyo, Japani, niliona kitu fulani katika bustani nzuri ambacho kilinishangaza. Kando na njia katikati ya bustani ulikaa ukuta ambao juu yake kuliwekwa zaidi ya sufuria ndogo kadhaa, kila moja ikiwa na mti wa bonsai. Kila mti mzuri wa kipekee ulikuwa na ishara ndogo ambayo ilionyesha umri wake. Mingi ilikuwa na umri wa zaidi ya miaka 100.
Mmoja, wenye umri wa miaka 390, bado ulizaa matunda. Mwingine ulikuwa na vigogo viwili vilivyofungana—kimoja kimekufa, kiingine kikiwa hai. Ilikuwa ni umri wa kushangaza wa miaka 590.
Nilifikiria jinsi kila mti wa bonsai ulivyokuwa umekua na kupogolewa kwa sifa na shangwe kuu. Baadaye, yaelekea miti hiyo ikawa urithi wa familia. Niliwafikiria wazazi waliozeeka wakiwapa kazi watoto wao jukumu la kurutubisha kwa upole mti wa bonsai wa familia, kuutunza salama kutokana na madhara na kuuhifadhi kwa vizazi vijavyo.
Miti hii midogo huko Tokyo imenusurika kupitia vita vya kutisha na nyakati za amani, kupitia dhoruba kubwa na nyakati za hali ya hewa tulivu. Ni ushuhuda wa ajabu kwenye ibada, desturi na utunzaji wa upendo.
Zawadi ya Thamani
Tangu kuona miti hii ya bonsai, nimevutiwa na wazo la jinsi familia nyingi katika Kanisa la Yesu Kristo la Watakatifu wa Siku za Mwisho zinavyoanza na mwanafamilia mmoja mwanzilishi akipata ushuhuda wa thamani wa injili ya urejesho.
Ushuhuda wa kila muumini mpya wa Kanisa huanza pale “wanapotoa nafasi” au kupanda neno la Mungu katika mioyo yao na kisha kulilisha (ona Alma 32:28). Kadiri ushuhuda unavyokua, vitendo vya muumini huyo mpya vinachongwa na kupogolewa kwa njia tofauti ya maisha.
Kupitia majaribu mengi na dhoruba za maisha, ushuhuda uliolelewa juu ya Yesu Kristo na Kanisa Lake unakua imara. Kama mti wa bonsai, ushuhuda unashirikiwa na kupitishwa kama zawadi ya thamani kwa vizazi mfululizo ili pia waukuze na kuurutubisha.
Kila kizazi kina jukumu kubwa la kuufanya ushuhuda huo uwe wake. Ni zawadi ya thamani lakini rahisi kuvunjika. Ili kudumu kama kitu cha uzuri na shangwe kunahitaji bidii kubwa ya kibinafsi na imani.
Hatujui ni mkubwa kiasi gani mti ambao Lehi aliuona katika ndoto yake. Lakini tunajua ulikuwa wa kupendeza sana na kwamba hangeweza kusubiri kushiriki matunda yake na familia yake (ona 1 Nefi 8). Familia ya Lehi ikawa mfano dhahiri wa vizazi vingi—wakati mwingine kufanikiwa katika kupitisha desturi za haki, na wakati mwingine, kwa huzuni, kuona shuhuda zikinyauka na kufa mbele ya dhiki, kutotii na majaribu.
Tunafurahia kwa wale ambao, kama Watakatifu wa Siku za Mwisho wa kwanza katika familia zao, wanalea shuhuda zao changa kwa kufanya na kushika maagano matakatifu. Na tunawashukuru wale Watakatifu waanzilishi kwa jinsi wanavyopitisha upendo wao juu ya Mungu kwa vizazi vijavyo.
Wazazi, walimu, vijana na vijana wakubwa ambao wanatoa kipaumbele kwa mikutano ya Jumapili, huduma hekaluni, na kuhudhuria seminari, chuo, na mikutano kwa ajili ya vijana na vijana wakubwa—kumweka Mwokozi kwanza katika maisha yao—wanatoa udongo wa kiroho na kurutubishwa kwa ajili ya shuhuda za vijana ili zikue.
Kama vile miti ya bonsai niliyoiona huko Tokyo, shuhuda zetu juu ya Yesu Kristo na injili Yake ya urejesho ni mali ya thamani kubwa ambayo itawabariki wale tunaowapenda. Unawezakuwa urithi wetu tunapoulea kwa umakini, kuuthamini na kuushiriki kutoka kizazi hadi kizazi.