Maji 2025

Lewe ni iVola
iTukutuku e Vakaraitaki
Domodra na Yalododonu Edaidai
Lako Mai, Mo Muri Au
- Na Vakalesui Mai ni Sakaramede
- 7 na Sala ni Marautaki ni iVakatagi Veivakauqeti
iTabagone Qase Cake
- A Vosa na Kalou Vei Ira na Yalododonu Taumada—E Vosa Beka Vei Au?
  Savannah Lunt
- E Rawa Beka niu Nuitaka Dina na Veidusimaki ni Parofita?
  Savanna Cummings
iTukutuku Tomani Tiko
Tabana ni Pasifika

Loma ni Waqana e Muri

Maji 2025

Cakacakaniliga ni Valenivola ni Lotu

Sitoa ni Tabaivola E. B. Grandin

Sitoa ni Tabaivola E. B. Grandin — Na ivakaraitaki ni daudroini me baleta na sitoa ni tabaivola nei E. B. Grandin e Palmyra, Niu Ioka, Amerika.

Ni oti na nona vakadewataka na iVola i Momani, a vakarautaka o Josefa Simici me tabaka na dautabaivola ni Palmyra o Egbert B. Grandin e 5,000 na ilavelave ni ivola. Na imatai ni ilavelave a tabaki ena 1830 ka ra qai wasea na daukaulotu, ka vakavuna me ra lewena na Lotu vakalesui mai i Jisu Karisito e lewe levu.

O Martin Harris, e dua vei iratou na Tolu na iVakadinadina ni iVola i Momani, a mokititaka na nona iteitei ni matavuvale me sauma na tabaivola. Ni sa basika mai na dredre vakailavo, a kerea na veidusimaki mai vua na Turaga.

“Au sa vakaroti iko tale ga mo kakua ni kocokoco ena vuku ni nomu iyau, ia mo solia wale ga me tabaki kina na iVola i Momani, ka tiko kina na dina kei na vosa ni Kalou—

“Ia mo kacivaka yani na itukutuku rekitaki, io, kacivaka ena veiulunivanua, kei na veitikina cecere, ka vakakina ena kedra maliwa na tamata ko na vakatarai mo raici ira.” (Vunau kei na Veiyalayalati 19:26, 29).