Democratic Republic o Congo

O ira na imatai ni saumaki mai na Democratic Republic of the Congo era a papitaiso ena taudaku ni vanua ni bera nira lesu ki na nodra vanua ka qai wasea na nodra vakabauta vei ira tale eso. Ni ra yaco yani na daukaulotu ki na DRC ena 1986, era sa soqoni oti tu e veimacawa e vica na ilawalawa saumaki mai. A tauyavutaki na imatai ni iteki ena 1996, ka vakatabui na imatai ni valetabu ena vanua oqo ena 2019. Nikua, na Lotu i Jisu Karisito ni Yalododonu Edaidai ena Democratic Republic of the Congo sa vakaoqo:

• 115,000 na lewenilotu (vakacaca)

• 27 na iteki, 289 na tabanalevu kei na tabana, 5 na tabana ni kaulotu

• 1 valetabu (Kinshasa) kei na 3 sa kacivaki (Lubumbashi, Kananga, kei Mbuji-Mayi)

Vakavinavinakataka Na Yavu ni Veivakabulai

Ni kaulotu tiko o John Lwamba mai Lubumbashi, sa takali na tuakana. E kaya o koya, “A dredre sara vei au meu ciqoma baleta ni o koya na imatai ni tamata ena noqu matavuvale me mai takali. Ena veivuke nei noqu peresitedi ni kaulotu kei na ivolanikalou, au a rawa ni ciqoma, me tekivu mai na siga o ya, na veika oqo sa kauti au voleka yani vua na iVakabula. Au kila ni gauna a tucake kina o Koya, era na tucake tale na lewe ni noqu matavuvale era sa takali yani.”