Na Vakalesui Mai ni Sakaramede

vakayacori tiko na sakaramede ena kena tauyavutaki na Lotu vakalesui mai

Ena gauna a tauyavutaki kina na Lotu i Jisu Karisito ni Yalododonu Edaidai ena 1830, a vakalesuya mai na Turaga na cakacaka vakalotu tabu ni sakaramede. A vakaroti ira na Nona tamata me ra “dau soqoni vata wasoma me ra kania na madrai kei na waini me ra vakananuma kina na Turaga ko Jisu” (Vunau kei na Veiyalayalati 20:75).

Na gauna oqo e vakaraitaka na kena tauyavutaki na sakaramede ena veivanua duidui eso. E dina ga ni ra veisau na tamata kei na veivanua, ena veigauna kece e dau vukei ira na tisaipeli i Jisu Karisito na sakaramede me ra dau nanumi Koya ka me tiko vata kei ira na Nona Yalotabu.

	Veiyalayalati Vou	iVola i Momani	Vunau kei na Veiyalayalati	Noda gauna	Ni sa lako tale mai o Jisu Karisito
O cei	Jisu Karisito kei iratou na Nona tisaipeli mai Jerusalemi	Jisu Karisito kei ira na Nifai	Josefa Simici kei ira na imatai ni lewe ni Lotu vakalesui mai i Jisu Karisito	Yalododonu Edaidai e vuravura raraba	O Jisu Karisito kei “ira kecega sa solia [Vua] ko Tamana mai vuravura” (Vunau kei na Veiyalayalati 27:14)
Na cava	Madrai kei na waini me vakananumi kina na yagoi Jisu kei na dra (raica na Maciu 26:26–28; Marika 14:22–24; Luke 22:17–20)	Madrai kei na waini me vakananumi kina na yagoi Jisu kei na dra (raica na 3 Nifai 18)	Madrai kei na waini, vakalougatataki ena masu matata e kunei ena Vunau kei na Veiyalayalati 20:77, 79	E dau vakalougatataki na madrai kei na wai, ka vakalougatataki ena masu matata e kunei ena Vunau kei na Veiyalayalati 20:77, 79	Na soqoni a liutaka o Jisu Karisito, ka “na gunuva vata kei [keda] e vuravura na vua ni vaini“ (Vunau kei na Veiyalayalati 27:5)
Ena gauna cava	Tekivu wavokita na 33 S.K., ena bogi ni bera na Vakamatei ena Kauveilatai i Jisu Karisito	Tekivu wavokita na SD 33, ni oti na Tucaketale i Jisu Karisito	A tauyavutaki na Lotu ena ika 6 ni Epereli, 1830 …	Ena veimacawa ena soqoni ni sakaramede	Ni sa lako tale mai ki vuravura o Jisu Karisito
Ena vanua	Ena “dua na rumu levu e cake” ni dua na vale mai Jerusalemi (Marika 14:15)	Ena “vanua ko Vanuasautu” (3 Nifai 11:1)	Ena vale nei Whitmer e Fayette, New York, Amerika	Ena veivalenilotu e vuravura raraba	“E vuravura” (Vunau kei na Veiyalayalati 27:5)
Cava na vuna	Me soli vei ira na tamata na madigi me ra nanumi Jisu Karisito ka “vakavouya na nodra veiyalayalati me ra taura na yaca ni iVakabula, me ra dau nanumi Koya tikoga, ka muria na Nona ivakaro.”

Vakananuma Vakatitobu

Ena vaqaqacotaka vakacava na nomu veimaliwai kei Jisu Karisito na nomu kila na inaki ni sakaramede?