“Kukuva Matua na Noda Veiyalayalati,” Liaona, Maji 2025.
Vakayagataka na Mekasini ni Lotu
Kukuva Matua na Noda Veiyalayalati
Na itukutuku ena mekasini ni Lotu ena vula oqo ena rawa ni vukei iko ni ko vakasaqara mo “kukuva matua na nomu veiyalayalati” o sa cakava (Vunau kei na Veiyalayalati 25:13).
Vuli mai na iLavelave Oqo
Rogoca na Domo mai Lomalagi
Ena tabana e 2, e vakananuma vei keda o Elder Neil L. Andersen ena Kuoramu ni iApositolo Le Tinikarua ni rorogo ni vuravura e rawa ni vagolei keda tani mai na domo ni Yalotabu. E tu beka eso na ka dau veivagolei tani ena nomu bula ka dau dredre kina na nomu veitaratara kei na Kalou? E rawa ni o cakava e dua na takete ena vula oqo me vakalailaitaki na veivagolei tani vakaoqo, me vaka na vakayagataki vakalevu na gauna ena sokalou ena valetabu se lolo mai na sala ni vakauitukutuku raraba.
Vukei Ira na Tani me Ra Ciqoma na Veivakalougatataki ni Kalou
Na itukutuku ena tabana e 18 e vakamacalataka na sala e rawa ni ra kunea kina na lewe ni Lotu na reki kei na nodra vakaitaukeitaki ena valetabu ni Turaga, veitalia se o vakawati se sega. Na cava e rawa ni o cakava mo vukei ira kina na nomu itokani Yalododonu me ra kila ka ciqoma na veivakalougatataki sa solia na Tamada Vakalomalagi vei ira kece na Luvena era maroroya na veiyalayalati kei Koya?
Ciqoma ka Kila na iVakatakila
Wilika na itukutuku ena tabana e 44 mai vei Elder Christophe G. Giraud-Carrier ni Vitusagavulu mo kunea e lima na vakasama me baleta na ciqomi kei na kilai ni ivakatakila. Na tiki ni nomu bula cava o gadreva kina na veidusimaki vakalou? Vakasamataka mo vakayagataka na ivakavuvuli a vakavulica o Elder Giraud-Carrier ni ko vakasaqara na veivakauqeti mai vua na Kalou ena vula oqo.