“Mga Bahandi sa Langit,” Liahona, Peb. 2025.
Paggamit sa mga Magasin sa Simbahan
Mga Bahandi sa Langit
Ang karon nga bulan nga pagtuon sa Doktrina ug mga Pakigsaad naghatag og gibug-aton sa mga paagi nga kamo “[makatigom] og mga bahandi alang sa inyong kaugalingon didto sa langit” (Doktrina ug mga Pakigsaad 6:27). Susiha kini nga mga artikulo sa magasin sa Simbahan aron makat-on pa og dugang mahitungod sa langitnong mga bahandi sama sa espiritwal nga mga kasinatian, pagsimba sa templo, ug sa usa ka relasyon ngadto sa Dios.
Pagkat-on gikan Niini nga Isyu
Pag-ampo alang sa Uban
May nahibaloan ka bang usa ka tawo nga nagsagubang og lisod nga panahon? Sunda ang ehemplo ni Elder Dieter F. Uchtdorf ug sa iyang asawa, si Harriet, pinaagi sa pag-ampo alang niana nga tawo (tan-awa sa pahina 2). Hinumdomi ang pagsalig sa kabubut-on sa Dios, bisan og ang tawo nga inyong giampo wala dayon makakita sa mga panalangin.
Suhira ang mga Dapit sa Kasaysayan sa Simbahan
Usa ka nauli na nga misyonaryo kinsa nagserbisyo sa mga luna sa kasaysayan sa Simbahan sa New York ug Pennsylvania mipakigbahin sa unsay nahitabo didto ug kon nganong importante kini karon (tan-awa sa pahina 12). Unsang mga dapit o mga kasinatian ang mahinungdanon alang sa imong paglambo isip disipulo ni Jesukristo? Ikonsiderar ang pagsugilon sa imong pamilya o mga higala mahitungod sa usa niini nga sagradong mga panahon sa imong kinabuhi ug kon nganong mahinungdanon kini kanimo.
Tan-awa ang Kinabuhi gamit ang Mahangtoron nga Panglantaw
Basaha ang artikulo diha sa pahina 36 sa pagkat-on mahitungod kon sa unsang paagi ang pagtuga sa templo makapalapad sa atong panglantaw sa plano sa Dios. Unsay imong mga kasinatian nga nakatabang nimo sa pag-angkon og mahangtorong panglantaw—o sa paghunahuna og celestial, sama sa gitudlo ni Presidente Russell M. Nelson? Ikonsiderar ang pagsulat sa imong mga kasinatian diha sa usa ka journal o sa pagpakigbahin niini diha sa pamilya ug mga higala.