“5 ka Paagi sa Pagpakigbahin sa Ebanghelyo,” Higala, Pebrero 2025, 38–39.
5 ka Paagi sa Pagpakigbahin sa Ebanghelyo
Mga paghulagway pinaagi ni Josh Talbot
Diha sa mga kasulatan, si Jesukristo mihangyo kanato sa pagpakigbahin sa Iyang ebanghelyo ngadto sa uban (tan-awa sa Marcos 16:15). Ania ang lima ka yano nga paagi nga imong mapakigbahin ang imong pagpamatuod sa Manluluwas sa imong mga higala ug pamilya!
Pagdala og higala.
Ang tanan gihangop sa simbahan! Pagdapit og higala ngadto sa Primary o sa kalihokan sa simbahan.
Pagbaton og hulagway ni Jesukristo diha nimo.
Guntinga ang hulagway ni Jesus ug dala-dalaha kini aron ikaw makahinumdom sa pagsunod sa Iyang ehemplo. Kon ikaw usa ka maayo nga ehemplo, imo usab nga gipaambit ang ebanghelyo!
Isulat ang mga kasulatan nga imong ganahan.
Samtang ikaw magbasa sa mga kasulatan, isulat ang pipila ka bersikulo nga imong ganahan. Kon ikaw makakita og usa ka tawo nga naglisod, mahimo ka nga mopakigbahin og kasulatan ngadto kanila!
Ipaambit ang imong pagpamatuod.
Mahimo nimong mapaambit ang imong pagpamatuod ni Jesukristo sa panimalay, eskwelahan, o simbahan. Tutoki lang ang imong mga gibati alang Kaniya ug isulti kon unsa ang anaa sa imong kasingkasing. Paklia ngadto sa pahina 16 aron makita kon giunsa pagpaambit ni Kupa ang iyang pagpamatuod diha sa simbahan!
Pag-ampo alang sa uban.
Si Jesukristo nagtudlo kanato nga mag-ampo kanunay (tan-awa sa 3 Nephi 19:15–36). Kon ikaw dili pa segurado unsaon sa pagpaambit sa ebanghelyo ngadto sa usa ka tawo, paglitok og pag-ampo alang kanila, ug ang Langitnong Amahan motabang kanimo.