Mga Pakigsaad uban sa Dios

Ni Presidente Dallin H. Oaks

Unang Magtatambag sa Unang Kapangulohan

Gipahiangay gikan sa “Mga Pakigsaad ug mga Responsibilidad,” Liahona, Mayo 2024, 93–96.

Hulagway uban sa mga panel nga nagpakita sa usa ka doktor nga nagsusi sa usa ka batang lalaki, mga misyonaryo nga nagtudlo, si Joseph Smith nga nakigsulti sa usa ka grupo sa unang mga Santos, ug usa ka templo

Ang usa ka pakigsaad mao ang pasalig sa pagtuman sa piho nga mga butang. Pananglitan, ang mga doktor ug mga bombero nakigsaad sa pagtabang sa uban. Ang mga misyonaryo misaad sa pagserbisyo sa mga tawo ug sa pagtudlo sa ebanghelyo.

Ang mga propeta sama ni Nephi ug Isaias misulat mahitungod sa mga pakigsaad nga gihimo sa Langitnong Amahan uban sa Iyang katawhan dugay na kaniadto. Mabasa nato ang mahitungod kanila diha sa mga kasulatan.

Sa dihang gitawag sa Dios si Joseph Smith isip propeta, Iyang gigiyahan si Joseph sa pagpahiuli sa mga pakigsaad nga nawala. Si Joseph mitudlo sa mga miyembro sa Simbahan mahitungod sa bunyag, sa sakramento, ug sa templo.

Karon, si Presidente Nelson nagtudlo kanato sa pagsunod sa dalan sa pakigsaad. Ang mga templo gitukod sa tibuok kalibotan. Nakatabang kini sa daghang mga miyembro sa Simbahan sa paghimo og mga pakigsaad uban sa Dios.

Mopamatuod ko nga kon kamo maningkamot sa pagtuman sa inyong mga pakigsaad, si Jesukristo mopanalangin kaninyo.

Hinumdomi ang Inyong mga Pakigsaad

Si Presidente Oaks mitudlo kon sa unsang paagi ang espesyal nga mga butang makatabang kanato sa paghinumdom sa atong mga pakigsaad. Pananglitan, ang singsing sa kasal nagpahinumdom sa mga tawo sa ilang mga pakigsaad sa kaminyoon.

Adornohi kini nga taming aron sa pagpahinumdom kanimo sa mga pakigsaad nga imong gihimo o buhaton! Samtang motuman kita sa atong mga pakigsaad, ang Langitnong Amahan manalipod kanato, ug kita makapabilin nga duol Kaniya.

PDF nga kalihokan nga adunay dako nga blanko nga taming