Dali, Sunod Kanako nga mga Kalihokan

Makasunod ni Jesukristo sa tibuok natong kasingkasing (tan-awa sa Doktrina ug mga Pakigsaad 4:2). Paggunting og 10 ka gagmay nga kasingkasing nga hinimo sa papel. Sa matag kasingkasing, pagsulat og usa ka paagi nga ikaw makasunod sa Manluluwas. Ipahimutang ang mga kasingkasing nga magsapaway nga gilingin ug ipapilit aron makahimo og korona.

Ang Dios makahatag kanato og mga tubag sa atong mga pangutana pinaagi sa Espiritu Santo (tan-awa sa Doktrina ug mga Pakigsaad 6:23). Usahay kita kinahanglan gayod nga motutok aron masabtan ang mensahe. Pagkuha og usa ka flashlight ug palonga ang mga suga sa kwarto. Usa ka tawo ang mogamit og flashlight aron magdrowing og hulagway o mga letra sa bungbong. Ang uban mosulay sa pagtag-an kon unsa kini. Sa unsang paagi nga ang flashlight susama sa Espiritu Santo?

Ang mga kasulatan nagtudlo nga kita kinahanglan nga mag-ampo kanunay sa Langitnong Amahan (tan-awa sa Doktrina ug mga Pakigsaad 10:5.). Paggamit og pintal o mga pangmarka aron ipanindot sa usa ka hamis nga bato og mga pulong o mga litrato nga nagpahinumdom nimo Kaniya. Kon mauga na ang bato, ibutang kini tupad sa imong higdaanan aron mopahinumdom nimo sa pag-ampo kada buntag ug gabii.

Ang mga kasulatan nag-ingon nga kinahanglan kitang motabang sa “pagdala og mga kalag ngadto ni [Kristo]” (Doktrina ug mga Pakigsaad 16:6). Nangahulogan kini sa pagtabang sa uban nga makat-on mahitungod sa Langitnong Amahan ug sa Iyang plano alang kanato. Paggunting og mga kard gikan sa papel ug pagsulat og kasulatan diha niini. Paghatag og kard ngadto sa usa ka magtutudlo, higala, o sakop sa pamilya aron sa pagpaambit sa ebanghelyo kanila.