Usa na ka Misyonaryo

Si Thad mitabang ni Mama sa pag-andam sa lamesa alang sa panihapon. “Mahimo ba nakong sul-obon ang akong sanina alang sa simbahan karong gabii?” Nangutana si Thad. “Tungod ba kay ang mga misyonaryo moanhi karong panihapon?”

Mipahiyom si Mama. “Nagtuo ko nga nindot kana nga ideya.”

Sa wala pa ang panihapon, si Thad misaka sa taas ug misul-ob sa iyang puti nga polo ug korbata.

“Nganong nagkurbata man ka karon?” ang iyang magulang nga babaye, si Mindy, nangutana. “Dili karon Dominggo.”

“Ang mga misyonaryo moabot,” miingon siya. “Gusto kong mahisama nila!”

Ang doorbell mibagting, ug si Thad ug si Mindy nanagan paingon sa silong. Nakakita sila og duha ka misyonaryo nga nagsul-ob og puti nga mga polo nga misulod. Nanglikod sila, mipanalangin sa pagkaon, ug misugod sa pagpangaon. Si Thad nag-amping nga dili magkahugaw og spaghetti sa iyang limpiyo nga puting polo.

“Ganahan ko sa imong kurbata,” miingon si Elder Cowley. “Morag usa ka og usa ka misyonaryo.”

Mingisi si Thad. “Moserbisyo ko og misyon kon modako nako.”

“Nindot kaayo kana nga tumong!” Matod ni Elder Wakefield. “Mahimo man ganing magsugod ka nga usa ka misyonaryo karon.”

Mitarong og lingkod si Thad sa iyang lingkoranan. “Unsaon man?”

“Mahimo ikaw nga maayong ehemplo ngadto sa uban. Makaserbisyo ka sa Imong pamilya. Ug mahimo ka nga maayong higala.”

Naghunahuna si Thad bahin niini. “Makahimo ko ana.”

Pagkasunod adlaw, naningkamot si Thad nga magbinuotan kang Mindy. Mitabang siya ni Mama sa mga buluhaton. Mipakigbahin siya sa iyang mga dulaan dihang ang usa ka higala mianha aron makigdula.

Sa pagtapos sa adlaw, gigakos iya ni Mama. “Mahimo kang maayo kaayo nga misyonaryo sa umaabot.”

Mipahiyom og dako si Thad. “Nagsugod na ko karon!”

Mga Paghulagway pinaagi ni Melissa Manwill Kashiwagi