Kalinaw atol sa Sakramento

Sa akong gipuy-an, ang akong pamilya ug ako ra ang miyembro sa Simbahan. Ako ra ang miyembro sa akong eskwelahan. Kinahanglan nga akong barogan ang pagtuo kang Jesukristo uban sa akong mga higala sa daghang higayon. Dili kini sayon, apan nasayod ko nga kinahanglan nakong pilion ang matarong. Usa ka paagi nga ako mopili sa matarong mao ang pagpaambit sa sakramento.

Gikulbaan ko sa pagpasa sa sakramento sa unang higayon. Dili ko gustong makasala. Ang akong higala mitudlo nako unsay buhaton. Gitabangan ko niya sa akong unang Dominggo. Dominggo pod kadto sa puasa, mao nga nagpuasa ug nag-ampo ko nga dili ako makahimo og sayop. Mibati ko og kalipay human nagpasa sa sakramento, ug nasayod ako nga naghimo ko sa matarong nga butang. Mibati ko og kalinaw.

Ang sakramento nagtugot sa tanan nga mobag-o sa ilang mga pakigsaad. Nindot kaayo ang bation nga makatabang sa uban. Akong sultihan ang ubang bag-ong mga deacon nga gikulbaan bahin sa pagpasa sa sakramento nga mag-ampo ug magpraktis. Mao kini ang labing maayo nga kasinatian. Bisan kon gibati nimo nga dili nimo kini buhaton sa husto, makahimo ka sa pagbuhat og maayo ug mobati nga maayo pagkahuman.

Mga Paghulagway pinaagi ni Chrisanne Serafin