“Usa ka Chat uban ni Lili mahitungod sa pagpakigbahin sa Ebanghelyo,” Higala, Pebrero 2025, 40–41.
Usa ka Chat uban ni Lili mahitungod sa Pagpakigbahin sa Ebanghelyo
Si Lili usa ka 10-anyos nga taga-Hungariy. Among gipangutana siya og pipila ka pangutana kon giunsa niya pagpakabuhi ug pagpakigbahin sa ebanghelyo.
Sultihi kami bahin sa imong kaugalingon.
Ganahan kaayo kong mokanta, ug ganahan sab kong mosayaw. Kon dili ko mokanta ug mosayaw, malingaw ko sa gawas sa kinaiyahan uban sa akong mga higala. Ganahan usab ko nga mobasa.
Unsa kini sama ang pagkamiyembro sa Simbahan diin ikaw nagpuyo?
Sa lungsod nga akong gipuy-an, wala mi yunit sa Simbahan, mao nga mobiyahe mi og 30–40 minutos aron makatambong og mga miting ma-Dominggo ug mga kalihokan sulod sa semana. Layo kaayo siya nga biyahe kaysa kasagaran apan ok ra ko. Maayo kaayo kini nga higayon sa pagpaminaw og musika ug pagsurangsurang sa akong igsoong mga babaye ug igsoong lalaki, haha.
Ako ra usab ang miyembro sa Ang Simbahan ni Jesukristo sa mga Santos sa Ulahing mga Adlaw sa akong eskwelahan. Nag-eskwela ko sa usa ka Kristiyanong eskwelahan ug nakahimo og maayong panaghigalaay sa akong mga klasmeyt. Ang tanan nakong mga magtutudlo ug mga higala nagsuporta kanako sa akong pagtuo, ug ako maisugon nga mabuhi ug makigbahin sa akong mga gituohan.
Mahimo ba nimong isulti kanamo ang bahin sa usa ka higayon nga gipakigbahin nimo ang imong mga gituohan ngadto sa lain?
Usa niana ka adlaw sa eskwelahan, naglingkod ko sa usa ka bangko nga nagbasa sa Basahon ni Mormon. Usa sa akong mga klasmeyt nangutana kanako bahin sa libro. Gisultihan nako siya bahin niini ug gipakigbahin nako ang akong mga pagbati kon ngano nga ganahan kong mobasa niini. Gipahimuslan usab nako ang oportunidad sa pagpakigbahin sa akong pagpamatuod mahitungod ni Jesukristo.
Unsa nga tambag ang imong ihatag ngadto sa usa ka tawo kinsa gikulbaan mahitungod sa pagpakigbahin sa ebanghelyo?
Magtutok sa pagbati sa Espiritu Santo. Batia lamang kini. Mahibaloan nimo sa higayon nga kinahanglan nimo nga mosulti.