Pagtan-aw ngadto sa Kahayag

Ni Elder John A. McCune

Sa Seventy

Gikan sa usa ka interbiyo uban ni Kristin Pedersen.

Batang lalaki nga naglakaw padulong sa panimalay nga adunay hayag nga mga bintana diha sa kangitngit

Niadtong bata pa ko, ang akong pamilya mipuyo sa usa ka umahan. Ang akong buluhaton mao ang pagpakaon sa mga baka. Ang kamalig kay layo gikan sa akong balay. Dili kini sayon nga buluhaton nga akong trabahoon.

Naay pipila ka adlaw maglakaw ko diha sa kangitngit. Kon oras na sa paglakaw pauli sa panimalay, mibati ko og tumang kahadlok! Ingon og layo kaayo ang akong balay. Kon makasulod nako sa gate duol sa akong balay, daganon na nako ang nahibiling agianan padulong sa panimalay.

Nakita nako ang kahayag nga miagi sa mga bentana sa akong balay. Kon motutok ko sa kahayag, dili ko mahadlok. Ang kahayag mihatag nako og katuyoan. Apan sa dihang wala ko nagtutok sa kahayag, ang akong kahadlok labing naghingapin.

Sayon ra kaayo nga mobati og kahadlok sa kalibotan karon. Apan kon magpabilin kitang nakatutok sa kahayag ni Kristo, ang atong mga kahadlok mahimong dili kaayo gamhanan. Kada adlaw, makapili kita: Magkapunting ba kita sa kangitngit o motutok sa kahayag?

Kita mga anak sa Dios. Siya mogiya kanato nga luwas ngadto sa atong langitnong panimalay.

Ang Kahayag ni Kristo

Himoa kini nga buhat sa pagpahinumdom kanimo sa pagtutok sa kahayag ni Kristo. Sa unsang paagi nga ang imong pagtutok ngadto Kaniya nakatabang kanimo sa pagbuntog sa imong mga kahadlok ug mobati og kalinaw?

Pagdrowing og litrato sa imong kaugalingon diha sa sentro sa adlaw. Dayon guntinga ang litrato!
Ibitay ang litrato diha sa inyong bintana aron ang kahayag latas nga makasidlak.

Pahina nga anaa sa PDF nga kalihokan sa paghimo og usa ka adlaw