“Hello gikan sa Colombia!” Higala, Pebrero 2025, 9–10.
Hello gikan sa Colombia!
Mga paghulagway pinaagi ni Andy Elkerton
Ang Colombia anaa sa amihanan-kasadpang bahin sa Habagatang Amerika [South America]. Sobra sa 50 ka milyon ka tawo ang nagpuyo didto! Ang opisyal nga pinulongan sa Colombia mao ang Kinatsila [Spanish].
Rosas nga mga Dolphin
Ang rosas nga dolphin sa Amazon nga suba makahimo sa pag-usab sa kolor! Matawo sila nga abohon ug dayon mahimo nga rosas kon sila modako.
Ang Nawala nga Siyudad
Ang La Ciudad Perdida (“ang Nawala nga Siyudad”) usa ka karaan nga lungsod diin ang mga tawo nagpuyo sa gibanabana nga 1,225 ka tuig nang milabay. Anaa kini sa tunga-tunga gayod sa kalasangan sa Colombia.
Keso sa Tsokolate
Ang paborito nga makaon sa Colombia mao ang init nga tsokolate nga adunay natunaw nga keso niini.
Mga Bangaw nga Suba
Ang Caño Cristales usa ka suba nga nailhan nga “tubig nga bangaw” o ang “suba nga adunay lima ka kolor.” Aduna kini daghang mabulokon nga tanom sa suba.
Kalasangan
Mga katunga sa Colombia natabunan og kalasangan. Ang duha nga labing dako nga kalasangan niana nga nasod mao ang Amazon ug ang Chocó.