« E aha te mau parau mau tā te Poro’i nō te Fa’aho’i-fa’ahou-ra’a mai e ha’api’i nei ? », Liahona, Tēnuare 2025.

Mai, pe’e mai

Te Fa’aho‘i-fa’ahou-ra’a mai

E aha te mau parau mau tā te Poro’i nō te Fa’aho’i-fa’ahou-ra’a mai e ha’api’i nei ?

Iosepha Semita e tūturi ra i roto i te uru rā’au

I te ’āmuira’a rahi nō ’Ēperēra 2020, ’ua tai’o te peresideni Russell M. Nelson « Te fa’aho’i-fa’ahou-ra’a-hia mai te ’īra’a o te ’evanelia a Iesu Mesia : E poro’i i tō tē ao nei nō te piti-hānere-ra’a o te matahiti ». ’Ua parau ’oia i muri iho : « ’A ’imi maita’i i te reira ’ei ta’ata hō’ē ’e ’e te mau melo o tō ’outou ’utuāfare ’e tō ’outou mau hoa. ’A feruri hōhonu i te mau parau mau ’e ’a feruri i te hope’ara’a tā teie mau parau mau e fa’atupu i roto i tō ’outou orara’a, mai te peu e fa’aro’o atu ’outou i te reira, ’ia fa’aro’o i te reira ’e ’ia ha’apa’o i te mau fa’auera’a ’e te mau fafaura’a ’o te ’āpe’e atu i te reira ».

E tauturu teie tāpura i muri nei ia ’outou ’ia pe’e i te a’o a te peropheta ’ia ’imi pāpū maita’i i te poro’i. ’Ia nā reira ’outou, ’a feruri ’ia tāpa’o ’eiaha noa i te mau ’ohipa ’ā’amu o te Fa’aho’i-fa’ahou-ra’a mai, ’oia ato’a rā te rima o te Fatu ’o tē arata’i nei i teie mau ’ohipa. (E roa’a te parau pāpa’i o te poro’i i roto i te Vaira’a buka ’evanelia ’aore rā i te pae hope’a o te ha’api’ira’a mātāmua o te Mai, pe’e mai nō teie matahiti.)

Paratarafa	’A ’imi maita’i : E aha te mau parau mau tā ’oe i ’ite mai ?	’A feruri hōhonu : E aha tā teie mau parau mau e ha’api’i nei ia ’oe ?	Ha’apa’o : Nāhea ’oe ’ia fa’a’ohipa i teie mau parau mau i roto i tō ’oe orara’a ?	Fa’a’ite atu : Nāhea ’oe ’ia fa’a’ite atu i teie mau parau mau i tō ’oe ’utuāfare ’e i tō ’oe mau hoa ?
1
2
3
4
5
6
7
8
9

Nō te aha te mau poro’i ?

’Ua ’ite ānei ’outou ē, e ono ana’e poro’i tei piahia e Te ’Ēkālesia a Iesu Mesia i te Feiā Mo’a i te mau Mahana Hope’a nei ? ’Ua piahia nā poro’i mātāmua e toru i rōpū i te matahiti 1841 ’e te matahiti 1865. E nā poro’i hope’a e toru ’ua piahia mai te matahiti 1980 mai ā :

« Poro’i nō roto mai i te Peresidenira’a Mātāmua ’e te pupu nō te Tino ’Ahuru ma Piti ’āpōsetolo a Te ’Ēkālesia a Iesu Mesia i te Feiā Mo’a i te mau Mahana Hope’a nei » (1980), tei ha’amanahia e te peresideni Spencer W. Kimball (1895–1985) ’e ’ua tai’ohia e Elder Gordon B. Hinckley i te 150ra’a o te matahiti nō te fa’ati’ara’ahia te ’Ēkālesia.
« Te ’Utuāfare : E Poro’i i tō te Ao nei » (1995), ’ua tai’ohia e te peresideni Gordon B. Hinckley i te rurura’a rahi a te Sōtaiete Tauturu nō te fa’a’ite te parau ha’amanara’a a te ’Ēkālesia nō ni’a i te ha’api’ira’a tumu o te ’utuāfare.
« Te Fa’aho’i-fa’ahou-ra’a mai o te ’īra’a o te ’Evanelia a Iesu Mesia : E poro’i i tō te ao nei nō te piti-hānere-ra’a o te matahiti » (2020), ’ua tai’ohia e te peresideni Russell M. Nelson i te ’āmuira’a rahi nō ’Ēperēra 2020—200 matahiti i muri mai i te ’Ōrama Mātāmua. Tē ha’apāpū nei te reira ē, e peropheta Iosepha Semita nā te Atua ’e Te ’Ēkālesia a Iesu Mesia i te Feiā Mo’a i te mau Mahana Hope’a nei ’o te ’Ēkālesia a Iesu Mesia tei fa’aho’i-fa’ahou-hia mai.

’Ua fa’ata’ahia teie mau poro’i nō te mau ta’ata ato’a nā te ao nei. E « natura tura ’e te mo’a ho’i te reira ’e … ’ua piahia ’ei fā nō te fa’ahaerera’a i mua, nō te patu ’e nō te fa’atano i te mau ’ohipa a te ’Ēkālesia ’ei bāsileia nō te Atua i ni’a i te fenua nei ». E ’itera’a pāpū varavara ’e te pūai te mau poro’i ē, e peropheta ora tō tātou e arata’i nei i te ’Ēkālesia ’e te ao nei i teie mahana.