Liège, Peretita

’Ua tae mātāmua paha te ’evanelia a Iesu Mesia tei fa’aho’i-fa’ahou-hia mai i Peretita, ’a ha’amata ai te hō’ē feiā mo’a nō te mau mahana hope’a nei tei fa’afārihia i Turekia ’o Mischa Markow te i’oa, i te ha’api’i i te ’utuāfare Esselaman i te matahiti 1888. I muri a’e i tō rātou bāpetizora’ahia, ’ua ha’amata te mau misiōnare nō Helevetia ’e nō Heremani i te tāvinira’a i Peretita. I roto e piti ’āva’e, e 80 ta’ata tei tomo mai i roto i te ’Ēkālesia, ’e ’ua fa’anahohia te mau ’āmuira’a i Liège, i Bruxelles ’e i Anvers. I teie mahana, e tai’ohia Te ’Ēkālesia a Iesu Mesia i te Feiā Mo’a i te mau Mahana Hope’a nei i Peretita :

• (Fātata) e 6 600 mero

• E 2 titi (11 pāroita, 2 ’āma’a)

• 1 hiero (tei fa’aarahia i te matahiti 2021, e patuhia i Bruxelles)

Te mau ha’amaita’ira’a nō te ’imi-maita’i-ra’a i te mau pāpa’ira’a mo’a

Tē parau nei Karen Wery nō te pāroita nō Namur nō tōna ’utuāfare : « Tē ’imi ’āmui maita’i nei mātou i tā mātou mau pāpa’ira’a mo’a ’e tē fa’a’ite nei i tō mātou mau mana’o ’e tō mātou mau fa’aurura’a i te tahi ’e te tahi. Tē fa’a’ohipa nei māua i te mau pāpa’ira’a mo’a, ’oia ato’a te mau video ’e te tahi atu mau mātēria, mai te ve’a Hoa, nō te tauturu i tā māua mau tamari’i ’ia māramarama maita’i a’e i te ha’api’ira’a tumu. Te hope’ara’a rahi roa a’e ’o tā mātou i fāri’i ’o te hotura’a ïa te tāhō’ēra’a i roto i tō mātou fare ».