Tangin te Beero!

Apuauro Fa’aofo e a tia n tainako n tatangira rongorongon te utu. N oki rikaaki inanon 2017, neiei ma ana utu ae kairake a mwaing nako Apia Samoa Pesega 6th Uoote, ike e weteaki iai buuna bwa e na riki bwa te bitiobi. Bon te tai ae waekoa, Apu e nooria bwa ana uoote ae boou akea ana burokuraem ibukin rongorongon te utu ae e a tia ni barongaaki. Iai te bwai ae E tangiria ni karaoia ibukin anne.

Raoraona man ana uoote e ingainga ni kan ibuobuoki. Foketi Manon Fuimaono-Malo e karekea tatangiran ana katei riki mairoun tibuna te unaine, are e aki toki ni bubuokia ni kakaia kain ana utu. Ngkai Manon ao Apu a maroroakina aia iango, a kunea bwa ti uoua ke teniua utu n aia uoote ae iai aia kombiuta, ao angiina kain te utu akea aia atatai n te FamilySearch, te bwai ni mwakuri iaon te webu are e reke man Ana Ekaretia Iesu Kristo ibukiia Aika Itiaki ni Boong Aika Kaitira ni kawakin mwiin rongorongon te utu. Bon te kakaewenako are a riai n tokanikai iai.

Ma aia boutoka kain aia kauntira n te uoote, a katea te komete n rongorongon te utu ao ni waaki ni kawariia utu nako ni buokiia ni katea aia kateiriki. “Au umwanikuuka e a bitaki nakon te tienta n rongorongon te utu,” Apu e ngare. “Ti karekea te whiteboard ma rinanin utu ni kabane n te uoote, ao ti bae ni kaitibo ni katoa kauoua n Tabati n ribooti iaon ara kakawari.”

Aia mwakuri e kanakoraoa butin ana waaki rongorongon te utu n te uoote. Te komete e uoti araia kain te utu nakon mweengan Apu, ike e kona iai ni kabongana ana kombiuta ao intanete ni karini ara iaon te tatabeiti n te FamilySearch.

“Anne e riki inanon Turai-Aokati,” e taekinna Apu. “Te kouru bwa utu nako a na kona ni uoti 2 ara nakon te tembora inanon Nobembwa.”

Imwain ae reitinako, kometen te utu (riki Manon ao kainnabana) a mwakuri ni mweengan Apu e kuri katoabong, n tabetai a moantaai n roko n te moaningabong ao a tiku nako naba nakon te bwakanako n tai n te tairiki. N tokina a baireia bwa e na nakoraoi riki ngkana a bairea te waaki ibukin te uoote ni kabane: 12 te aoa te marataon ibukin rongorongon te utu.

N tairikin te Kanimabong n Tebetembwa 2017, te Pesega Uoote te ka-6 a ikotaki n aia tabo n taromauri ni kauka te waaki n rongorongon te utu n te bootaki n taromauri. N aia moan waaki, utu nako a anganaki te beeba ae rababa ni matenten ao a tuangaki bwa a na korea rongorongon aia utu nakon te kaua n atu n aia kateiriki. Ngke a bane ni katekeaki beeba iaon te oo, a mimi kain te uoote n noori mwaitiia aia utu n irekereke imarenaia. “A noori ara aika okioki ao imwiina a kaoti rannimata ao inga ngke a ataia bwa bon aia koraki,” e taku Apu. “Te waaki aei e katea tein te waaki ao te tamnei ae moan te tamaroa are e tiku iroura n nikiran te tairiki.”

Mai imwiin anne, utu a ikaruoruo ni mwakuri ma kain te komiunite ni karini ara n te FamilySearch. Te beero e kabaeaki nakon te uaiteboote n te bwaranta, ao ni katoa tai are e kawakinaki te ara ae e boou ibukin otenanti n te tembora, temanna e na korea te ara aei iaon te boote ao imwiina e katanga te beero.

“N te moan tai, te beero e aki tang ni katoa tai, tao ti teuana te tai ke uoua n teuana te aoa, ma ni kabane a tei ao a takarua ngkana a ongo,” Apu e kauringnga. “Ngkai e waaki nako te tairiki, te beero e tatang riki ni katoa tai—kaanga ni katoa 10 te miniti—ao n te tai ae waekoa, ibetutu ma te takarua ao te rannimata ni kimwareirei ae aki karongoa.”

Manon e uringa naba te bwai are a rinanona ma mataiakinana. “E korakora kukureia ni kabane kain te uoote ake a mwakuri raoi. E tang te beero ni katoa tairiki ngkai ni kabane a namakina te tamnei ae tamaroa n tamnein Eria inanoia.”

N te tai teuana ngke a mwakuri, tarin Manon, Gilderhenomal Sapini Fuimaono e otinako n ana te bwai teuana man ana kaa. Aia tabo n taromauri e tei n te tabo ae mwaiti te auti ni maeka iai, ao Samii e rang mimi—riki ni bwakanakon te tai—n noriia tabeman kain rarikiia n ikotaki i tinanikun mataroan te oo. A weteia ma te kan atatai ae korakora, “Tera ae e riki n ami umwantabu n te tairiki aei?”

Irouia kain rarikiia aikai, a tuai man nonora te umwantabu n taotira irouia aomata aika mwaiti, ake a ririaki irarikin aia tabo n tei kaa, are e a bon tena naba ma te oo.

Sapini e nanououa ngke e bon ata ae aia tabo n tei kaa e roo, are akea kaina bwa tii tebwitabun kaa iai. Ma kain rarikiia a bon aki rau bwa te tabo n taromauri e a katobibiaki irouia aomata aika a mwaiti ake a karaurau ni maenako inanon te tairiki.

Imwiin te maroro ae bati, Sapini, Manon, Apu ao tabeman man aia uoote a titiraki ngkana tao kain rarikiia a tia n nooriia kaain te rabuna are teiterana n te tairiki anne. “Ti namakinna ni koaua bwa aomata ake araia ake ti kakaiia a mena ikekei ni buokiira n tokanikai iaon te kouru ae moan te tamaroa,” e taku Manon.

Aikai bon tabeua man waaki aika a riki n tain te kakae iaon rongorongon te utu, ike bubua aara ake a kawakinaki ibukin te otenanti n te tembora.

“I teimatoa n iai te tangira inanou ngkana I iangoi tairiki aika tamaroa,” e taku Manon. “I rang kukurei ni buokiia kain ara uoote ni mwakuri korakora ni buokiia ara bakatibu ni katia te mwakuri n te tembora ibukiia. Te rabuna e a rang ni mmani n te tairiki anne ao ti namakina te kimwareirei irouia tamnei ake a tia n tataninga n te tai ae maan ibukin araia bwa e na tauraoi nakon te tembora.”