Ni Karekea Onrakeni Kristo
Iroun Unimwaane Jeffrey R. Holland
Man te Kooram n Abotoro n te Tengaun ma Uoman
Man te bootaki ni marooro irouia kairake n ikawairni mwakoron aban te aonaaba, “The Measure of the Stature of the Fulness of Christ“,” e kanakoaki i Stanford, California, USA, ni Beberuare 9, 2020.
N tain te Itita aei, karaoa kawaim nakon Iesu Kristo ao ukora bwanaana ni kakoaua ibukin te rau.
Be Not Afraid, by Michael Malm
I konaa n anga tabeua iango ni waakin ami kakaei ae matoatoa are kam na karaoia n ukora “onraken” ataakin Kristo (taraa I-Ebeto 4:13). Au kantaninga bwa tabeua a na iai bonganaia nakoimi n te tai n rikirake aei inanon maium ao inanon kangaanga ake kam na kuneingkami ni mena inanona.
Tabeman ibuakomi kam mena n te tabo are kam tangiria bwa kam na mena iai, ke tao kam bae n ataia bwa kam na nakea ma maiumi. Tabeman ibuakomi taraan ae a reke irouia kakabwaia aika mwaiti ao rinerine aika a kakateke n taai aika a na roko. Tabeman ibuakomi a namakinna, inanon te tai bwa tao tera nako bukina; a karako kabwaiaia ao e aki rang kakukurei kawaia imwaiia.
Ma te tabo are ko nako iai ao arom ni mwakuri rinanon ami kangaanga ni uarokoiko ikekei, I tuangkami bwa kam na nakomai nakon te Tia Kamaiu, Iesu Kristo, ngkai bon te moan mwaneka ae kakawaki ni karokoaki n tokin kawaimi, ni kunean oin kukureim ao korakoram, ao ni karekean tokin kawaimi ao te tokanikai (taraa 1 Nibwaai 10:18; 2 Nibwaai 26:33; Ominaai 1:26; Reirei ao Berita aika Tabu 18:11).
Akanne ni kabane a riki bwa am bwai ngkana te kaeka nakon te titiraki anne “Ko na nakea?” (Mote 4:15) bon “Ike ko na nako iai, te Uea.”
Te maiu e kona ni karawawata. Iai marakira ao baika ti uringaaba iai ao kangaanga aika a koaua aika ti na rinanona ao ni butimwaia. Iai nanokawakira ao rawawatara, aekakina nako taai aika a nakoraoi ao taai aika nakobuaka. Ma te Uea ao burabeti a bon tau aia taeka ni kaunganano n taekan kaaitaran kangaanga akanne ni kanoa te tienoro ae rang ni bubura.
“I katuka te Rau I Roumi”
A na kabanea n tataro te Tia Kamiu iaoia ana reirei ngke e toua kawaina nakon te maraki ao korakaina i Ketetemwane ao i Kaewarii bon taeka aika a rangi n roota te nano. N te tairiki anne, te tairiki are ngaia te kabanea n tairiki n rawawata n te maraki ae e a tia n riki n te aonaaba ke tao e na manga riki, e taku te Tia Kamaiu: “I Katuka te rau i roumi, I anganingkami au rau. … “A na tai rawawata nanomi, ao a na tai maku” (Ioane 14:27).
E bon kakubanako taraan te maiu n tain te kabanea ni maraki! E kanga n taekina anne, ngkai E ataa te bwai ae E na kaitaraa? E kona n atonga anne ibukina bwa Ngaia te Ekaretia ao te euangkerio ae e kakukurei! Ibukira, e a kaman reke te tokanikai. E iangoi taai aika a na roko ma mwiina ae na riki, E tibwaua ana nonori ibukin te kangaanga.
I taku bwa iai mai ibuakora ae a bon tiku naba inanoia nikiran mwiin kateia tenaan Puritan are e kangai bwa e kaairua bwa ti na karauaki nanora ke ni buokaki, ao ti kantaningaaki bwa ti na aki kukurei n taekan te bwai teuana ni katoa te tai. Au reke n anne bwa “kam na kabebetei nanomi” (Ioane 16:33) inanon ukeran “ataakin tiara bwa onrakeni Kristo” (I-Ebeto 4:13) tao te tuua ae, inanoia Aika Itiaki aika a kakaonimaki, e kuri tabangaki aki irana; ao ni koauana akea riki ae na kona ni karawawata iai nanon te Uea ae moan te nanoanga.
N tabetaben nanou n aron ae n tabo tabeua inanon maiuia, temanna mai buakoia natiu e rootaki n te kangaanga ke n aki kukurei ke n aki ongotaeka, ma n anne N na bon rawawata ngkana I namakinna n te tai anne bwa te ataei anne e aki onimakinai ni buokia ke n iangoia bwa nanoia are a tangiria e aki bongana irou ke e aki mano n au tararua.
N te tamnei naba anne, e bitaki nanou bwa akea mai ibuakora ae na kona n rangi ni karabwarabwa n aron uruakin nanon te Atua ke Natina, te Tia Kamaiua te aonaaba, ngke A kunea bwa aomata aki namakina kakoauaan Aia tararua ke ni mano ni Baia ke n onimakin Aia tua. Raoraou, ibukin anne n tii ngaia, iai tabera bwa ti n kukurei!
Ana “Akoi E Tau”
Teuana riki te reirei ibukin kakaean Kristo ao tiara n ataakin Onraken e riki ngke e atia Iesu ni karaoa te kakai ni kamwarakeaia 5,000 man nimaua te mwakoro ni kariki ao uoman te ika (Mataio 14:13-21). (Ma ko na ataia, tai raraomaeakina ae e na bane ana kakai Kristo ibukin buokam. Ana “akoi e tau” [2 I-Korinto 12:9]. Anne bon te reirei ae akea tokina n te kakai aei, n te maiu n tamnei. E mwaiti ana kakabwaia n tau ibukiia aomata nako ma bwaene aika onrake ma n nikirana! Kakoaua ao kukurei n are E anga are “te berena ni kamaiu”! [Ioane 6:35].)
Ngke e a tia Iesu ni kamwarakeia aomata ake a uanao, E kanakoia ao E katokaia Ana reirei n te booti n akawa n rinuka nakon iteran Naman Kariraia. Imwiina E “ararake n te maunga ni kaokoroa n tataro” (Mataio 14:23).
E nang bong ngke a nako ana reirei n te booti, ao e buaka te tairiki anne. E rang matoa te ang mai moana. Ibukin te ang, mwaane aikai a bon aki te roko ni irakea te ie ma a bon mwakuri n tii bwennarina—ao te mwakuri e na bon karaoaki.
Ti ataa aio ibukina bwa n te tai are “ngke e a kan te ngaina” (Mataio 14:25)—taoimarenan te aoa 3:00 ao 6:00 a.m.—a tia ni bwetua nako tabeua te maaire (taraa Ioane 6:19). Imwiin anne, e a reke te kaibuke n te buaka ae moan te korakora.
Ma, n taainako, E tarataraiia Kristo. Noorakin aia kangaanga, e anaa te kawai ae e baitii te Tia Kamaiu nakon aia booti, n nakonako iaon taari nakoia bwa e na buokiia.
Finisher of Faith, by J. Alan Barrett
“Tai Maku”
N aia tai n toka rengerenge, a taraia ana reirei ao a noora n te roo te bae e kamimi ae kakamwakurin te kunnikai te niniira ae roko ni kawariia iaon taari. A tang ma te mwaaku n noorana, bwa a taku bwa te anti iaon naao. Ngkanne, rinanon te buaka ao te rotongitong—ngke e a taraa n rangi n rietaata taari ao man taraa ni uarereke aia booti—ikanne e a roko te kabanea ni karaunano ni bwanaa ibukin te raoi mairoun aia Mataniwi: “Boni Ngai; tai maku” (Mataio 14:27).
Te rongorongo man te boki ae tabu e kauringiira bwa nakora nakon Kristo, ukoran Bwaninna, ke okina nakoira n uota te bwanin anne, te moan mwaneka ena kona ni kanoaira n te bwai teuana ae e rangi ni kakamwaku. E na riai n aki, ma n tabetai e bon kona. Teuana mai ibuakon taeka ni karariki n te euangkerio ae e raoiroi bon taekan te ibuobuoki ao te katantan are ti a tia n anganaki bon ngaia te bwai are ti na konaa, n arora n aomata ni uarereken ara taratara, ti birinako mai iai.
Bwa tao tera nako bukina, I a tia n nooria taan kakae ae a birinako man te bwabetito. I a tia n nooria elders ni birinako man weteaia man te mition. I a tia nooria taan tangira ni birinako man aia mare. I a tia n nooria kaain te aro ni birinako man weteaia aika kanganga. Ao I a tia n nooria aomata ni birinako man kaainakin te Ekaretia.
N angin te tai ti birinako man bwaai aika a na kamaiura ao ni karau nanora. N angin te tai ti noori motinnano ibukin te euangkerio bwa te bwai ae na maakaki ao imwiina e a mwanuokinaki.
E taku Unimwaane James E. Talmage (1862–1933): “Inanon maiun te aomata nako ae e a ikawai a kaoti taneiai kanga ai aron te ikakorakora n te mwananga iaon te booti are e aitara ma te ang ao naao aika kakamaaku; n angiin te tai boong ni korakai ao ni kangaanga a roko moa imwaain te tokanikai iaoia; ao imwiina, ni mwitin te tai te buoka n te kamaiu e a kairiruaaki n te maaku ae korakora. [Ma,] ngke e roko iaoia [reirei aikai] ribuakon taari ae reimaurua, e na roko naba nakoia ake a korakai rinanon te onimaki, ao bwanaan te Tia Kamaiu—‘Boni Ngai; tai maku.’”1
Nakomai Nakoina
Te bwai ae tamaroa n te kakao ni butimwaea te Tia Kamaiu, n nakomai Nakoina ao ni karekea Bwaninin arona, bon anne ae a kona ni karaoia aomata nako. Anne e aki nanonaki bwa te aomata nako ake ko ataiia a tangiria ni kawakini tuua, ke te aomata nako are ko kaitibo ma ngaia e na kawakin tuua. Ma tera ae e nanonaki iai bon te kona n reke kawakinan tuaa n akean te bwai n tangira ae e okoro ke te bwaibwai ni karaoana.
I bubuti ibukin te onimaki ae e “raneanea man oota ao ni itiaki ao ni marurung,”ibukin Kristo bwa e na “roko inanon [kateira] nako,”2 ao ibukin ataakin Kristo bwa e riki bwa tiara ae bwanin inanon maiura (taraa I-Ebeto 4:13).
E na kaewenakoko te maiu aei. A na roko kangaanga. Uruakinano a na roko. Aika ko tangiriia a na mate. Ngaia are, bwa ko nanakea, karaoa kawaim nakon Iesu Kristo moa. Uringa bwa marakina ao Mangautina e karika tokanikaira iaon te rawawata ao te mate. Karaoi am berita ma Ngaia ao kawakin ngkai ko waakina mwanangam.
Inanon mamaarau ni kabane, are I bane n atai, I ingainga ibukira bwa ti na karekea “ataakin tiara bwa onrakeni Kristo.” I tangiria n Nakoina. I Tangiria, ngkana e kona, n roko nakoiu. Ao I rangi n tangira te kakabwaia anne ibukimi ni kabane.