Namakinan Mwaakan te Nakoanibonga

Kamataata n te tamnei iroun Matisse Hales

“Mwaane ao aine iai kakaokoroia ma ti te arona ni mwiokoaia ae kakawaki ni mweengaia ao n te Ekaretia. Mwaakan te nakoanibonga e kona ni buokiia aomata n tatabemaniia nako ni karaoi mwiokoaia akanne ibukin kabwaiaia aomata ni kabane.

“Ibukina ngkai mwaakan te Atua e mena iaon te aba n te bong aei, a tauraoi kakabwaia aika moan te korakora nakoia membwa n te Ekaretia ake a tau, kara ke ataei, te mwaane ke te aine, ae tuai n iein ke ae e a tia ni iein.”

—Beretitenti Joy D. Jones, Beretitenti ni Kabuta n te Moanrinan

“Te mwakuri n ibuobuoki e kabuburai tamneira, karababai ara taratara ao n anganiira te kariaia ni karekea mwaakan te Atua ni kamwaitaki riki. E ata aei Tamara are i Karawa ao ai arona naba ma Tatan. Inanon ana kakatai n aki momotirawa ni kararoaira man mwaakan te Atua, teuare e buakaka e na karawawataira ke ni karikiira bwa ti na namakina ae e aki tau ara anganano. …

“… Tai nanououa n am mwakuri n akoi.

“Man karaoan ara mwakuri n ibuobuoki ma nanora nakoia tabeman bwa mwakoron maiura, ti na kunei ana bwai te Atua aika raba. Ti na kunea te rau, kunea te korakora, ao ni karekea riki rakan te mwaaka ngkai ti beku ibukin ara Tia Kamaiu, Iesu Kristo.”

—Beretitenti Bonnie H. Cordon, Beretitenti ni Kabuta n te Bootaki n Ataeinnaine

“N angiin te tai, aine a kabotauiia ma tabeman. Ma akea mai buakora ae namakina te nakoraoi n te kakabotau anne. Aine n tatabemaniia iai aia konabwai ma aia taarena ae irengan man onoti, ao bon bwaintangira ni kabane mairoun te Atua. Tii ibukina ngkai Ngai ao ngkoe ti kaokoro—ke mwaitiia aine a bon kaokoro—e aki karikiira ae ti karako ke n raka arora. Ti riai ni kakaei ara bwaintangira ao ni karikirakei, n uringnga bwa antai ae e anganiira, ao ngkanne ni kabonganai ibukin Ana kantaninga. Ngkai ti tibwai ara bwaintangira ni kakabwaiakiia tabeman, ti rinanon mwaakan te nakoanibonga inanon maiura.”

—Titita Jean B. Bingham, te Beretitenti ni Kabuta n te Bootaki n Aine

“Mwaitin te tai kakaei tibwanga ni karikirakea am atatai ibukin ‘reirein te nakoanibonga.’ Ngaira n tatabemaniira nako ti na ukera te atatai aei i bon ibukira.

“Kamatebwaian booki aika tabu ao aia taeka burabeti aika ngkai e na katea aara ae maiureireibwa e aonga n rikirake rabakaura aio. Ngaia are te ongotaeka nakon ana tua te Atua ao ni maiu ni koaua nakon ara berita aika tabu ake ti a tia ni karaoi rinanon otenanti n te nakoanibonga. Ti anganaki te atatai ‘teutana imwiin teutana, te reirei teuana imwiin teuana’[2 Nibwaai 28:30]. Rinanon oin ara kaotioti, e ‘timtim’ i aon tamneira ‘n aron te aoi mai karawa’ [Reirei ao Berita aika Tabu 121:45].”

—Sister Lisa L. Harkness, Te Moan ni Kauntira n te Beretitentii ni Kabuta n te Moanrinan

“Ngaira n tatabemaniira nako ti rinanon te mwananga. … Ti mwananga rinanon kangaanga n te reitaki, kangaanga n te kataumwane, kangaanga ni marurungin te rabwata ao te iango. Ti mwananga rinanon mwioko aika a karawawata ao rinanin bwaai aika ti na riai ni karaoi ni katoa tai. Tabeman ibuakora a mwananga rinanon te nanokawaki, ke tao inanon te maroaa ke te botu. A kakaokoro ara kangaanga, ma a bane n reke iroura.

”Kawakinan ara berita aika tabu tiaki nanona bwa kangaanga aikai a na kamaunanakoaki, ma ae bon nanonaki bwa e berita te Uea nakoira bwa e na memena irarikira.”

—Titita Michelle D. Craig, Moan Kauntira n te Beretitentii ni Kabuta n te Bootaki n Ataeinnaine

“I katamneia mwaakan te nakoanibonga kanga te karai teaina, ae rang tikiraoi, ae maran man mainaina are e roko mairoun te Atua ae karauaki ni kabaeaki ni karinaki ao n otinako, e waerake ao ni katobibi, taraan ae e karekea oin kawaina inanon maiura. Ma n te tai ae bati te banna are e kangaanga ataakina e a kaotaki. Te baire anne e katana ana baonikarea te Atua, te tabo ae rangi n tabu ike ti kabaeaki iai iaon te aba ao i karawa. …

“Ngkana I noora rabunan te baonikareainanon te tembora ae tabu, I namakinna bwa bon teuana mai buakon kanikina ae mwaakaroiroi bwa e kanga te Uea n anga mwaakana nakoia natina aika kakaonimaki bwa a aonga ni botiia ao ni kabaeiia n ikotaki inanon te baire are e kangaanga kabwaraana, ae tabu.”

—Titita Sharon Eubank, Moan ni Kauntira n te Beretitentii ni Kabuta n te Bootaki n Ainee

“Rinanon oin au taneiai ni maiu n rabwata, I ataia bwa kawakinan ana tua te Uea, reken te onimaki, ao kakoauana n ae bwanin bon taian kawai are ti na kona ni karekea mwaakan Ana nakoanibonga. …

”… Ngkana ti teimatoa ni kakaonimaki, ti kona ni karekei mwaakan nakoanibonga ao kakabwaia akanne inanon waakin maiura ni kabane. E kona n anganiira te kamanomano, te mweengaraoi, te korakora, te rau, ao berita ake ti na karekei n akea tokina. Rinanon mwaakan te nakoanibonga anne, e na buokai naba te Tamnei ae Raoiroi n uringi au taneiai inanon maiu are e reitinako ni katea au kakoaua ao au onimakii iroun te Atua.”

—Titita Cristina B. Franco, Kauoman ni Kauntiira n te Berettentii ni Kabuta n te Moanrinan

“A nako ririki ma kanoaia n te tai are I karekea au kakabwaia n tamanuea, ma I bon teimatoa n uringa te taneiai ae maiureirei aei. …

”Te taneiai anne e kanakoraoi angiin baibaire ake I karaoi rinanon maiu. I ataia bwa ngkana I kan karekei kakabwaia aika tangiraki aikanne, I bon riai ni karaoa tabeu.

”I nooria bwa e mwaiti riki ae tangiria Tamau bwa N a karekea, ae mwaiti riki nakon are e taekinaki n au kakabwaia n tamanuea.”

—Sister Becky Craven, Kauoman ni Kauntira n te Beretitentii ni Kabuta n te Bootaki n Ataeinnaine

“I kaaina Ana Ekaretia Iesu Kristo ibukiia Aika Itiaki ni Boong aika Kaitira ngke 26 au ririki ni maiu. E ngae ngke iai namakinan te rau inanou ngkai I rimwin are I tangiria ni kan kakabwaiaki iroun te Atua man karaoan berita aika tabu ma Ngaia, I ataia bwa au atatai n te berita ae tabu anne kanga aiaron te koraa ae uarereke n te tai anne.

“Ngkai e waaki nako te ririki ma kanoana ao ngkai I a tia ni karaoa au kekeiaki ni kawakina te berita ane tabu anne n te bwabetito ao berita riki tabeua ake I a tia ni karaoi ma Tamau are i Karawa, I namakinna bwa e a tia ni kakabwaiaai ma au atatai ae nano riki lbukina, ibukin au Tia Kamaiu, ao ibukin tabeu ngkai te nati aine ni berita irouia ara Karo ake i Karawa.”

—Sister Reyna I. Aburto, Kauoman ni kauntira n te beretitentii ni kabuta n Aia Bootaki Aine