Aan te Euangkerio
Iesu Kristo e Kamaiuira man te Bure ao te Mate
Ibukin Ana anganano, ngaira ni kabane ti karekea te tai ni karekea te rau ao te kimwareirei ae akea tokina.
Christ Creating the Earth (Kristo ngke E Karika te Aonaaba), iroun Robert T. Barrett; O My Father (O Tamau), iroun Simon Dewey; The Burial of Christ (Taunakin Kristo), iroun Carl Heinrich Bloch; Christ Calling Peter and Andrew(Kristo Ngke E Wetea Anterea), iroun James Taylor Harwood
Ti arana Iesu Kristo bwa ara Tia Kamaiu. Anne ibukina bwa E kabooira man ara bure ao e tokanikai iaon te mate. E kamaiuira! Ana anganano ibukira, e aranaki bwa te Mwakuri ni Kamaiu, bon te kabanea ni kakaawaki n te bwai are ea tia n riki. Bwa ibukina, te mate bon tiaki te toki. Bwa ibukina, a kona ni bane ni kabwaraaki ara bure, manga kaitiakaki, ao n rikirake n tamaroa ni katoa bong.
Iesu Kristo Bon te RikiTemanna
Imwain rokora n te aonaaba, ti maeka ma ara karo ake i karawa. Ngkai te Moan bungiaki, Iesu Kristo e buoka karikan te aonaaba ae tamaroa aei. E rineaki bwa e na riki bwa ara Tia Kamaiu ao e kariaia bwa e na bungiaki nako aon te aba bwa E aonga ni katea te banna ni katoto ae kororaoi, reirei Ana euangkerio, ao ni katia te Mwakuri ni Kamaiu ibukira.
Iesu Kristo E Kabooi Ara Bure
Ngke e a ataia Iesu bwa e nang mate, E nakon te onaroka are e aranaki bwa Keketemwane n tataro. Inanon te tataro anne, E waaki ni kabooi ara bure. E tauraoi ma nanona ni korakai bwa ti aonga ngaira n aki korakai, ngkana ti rairi nanora. Ngkai ti rairakinako man ara bure ao n onea mwiina n iriira te Tia Kamaiu, ti kona ni karekea kabwaraan ara bure ao ni kamarurungaki. N te kawai are ti aki kona n ataia, Iesu e atai raoi arora n tatabemaniira nako. E namakina ni kabane rawawatara, aorakira, ao marakira. Aio te moan mwakoro n te Mwakuri ni Kamaiu.
Iesu Kristo E Tokanikai iaon te Mate
Christ Creating the Earth (Kristo ngke E Karika te Aonaaba), iroun Robert T. Barrett; O My Father (O Tamau), iroun Simon Dewey; The Burial of Christ (Taunakin Kristo), iroun Carl Heinrich Bloch; Christ Calling Peter and Andrew(Kristo Ngke E Wetea Anterea), iroun James Taylor Harwood
Imwiin Ana tataro i Keketemwane, Iesu e bwainikirinaki, kabureaki, ao e motikaki taekan bwa e na mate iaon te kaibangaki. E ngae ngke bon iai irouna te mwaaka ni kabane, Iesu e kariaia bwa e na mate iaon te kaibangaki. Taan ririmwiina a katuka rabwatana ma te tangira inanon te ruanimate. A aki ataia bwa e ngae ngke e mate rabwatana, Tamneina e bon teimatoa ni maiu n te aonaaba n tamnei. Teniua te bong imwiina, Iesu e a manga maiu ao e kawariia, ni kakoaua bwa E kona n tokaninkai iaon te mate. Ibukina bwa Iesu e mangauti, ngaira n tatabemaniira ti na manga maiu imwiin matera. Aio e na kabwanina te Mwakuri ni Kamaiu.
Kakaawakin te Kiritimati ao te Itita
Angiin te aonaaba a bukamarui bong ni motirawa aika uoua ake e buokiia n uringa ana Mwakuri ni Kamaiu Iesu Kristo. N tain te Kiritimati, ti uringnga ma te kakaitau bwa Iesu e a tia n anganano ni butimwaea te mition n roko iaon te aba, e ngae ngke e na raonaki n te korakai ao te mate ibukira. Itita e bukamarua ana tokanikai te Tia Kamaiu iaon te bure ao te mate, are e anganiira te kantaninga ibukin te kimwareirei n taai aika a na roko ae akea tokina.
Tera ae e Taekinaki n Koroboki aika a Tabu iaon Ana Mwakuri ni Kamaiu te Tia Kamaiu?
Ibukina bwa Iesu e kinaira raoi, E kona n anga “kamaiuara,” ke ni buokiira (taraa Aramwa 7:11–12).
Burabeti ake ngkoa a kakoaua bwa te Tia Kamaiu e kona n ota n rawawatara ao kainnanora (taraa Itaia 53:2–5).
Te Atua e kanakoa Iesu bwa e na kamaiuira ibukina bwa te Atua e tangiriira n tatabemaniira (taraa Ioane 3:16–17).
Iesu e tataro ibukiia taan iriiria, n raonaki ma ngaira, bwa tina kawakinaki mairoun teuare e buakaka ao ni katiteuanaaki ma ngaia ao Tamara are i Karawar (taraa Ioane 17).
Te Tia Kamaiu e kaoira bwa tina rimwiina ao n oki nakoina (taraa Reirei ao Berita aika Tabu19:16–19, 23–24; 132:23).