“I Tangiria n Nakon te Bwaretaiti”
Ngke I tataro ao I bubutia te Atua ibukin te kawai ae boou, I namakinna riki n rairaki nakon te koaua are I kunea.
Tamnei iroun Getty Images, katokaaki bwa te katoto
Ia tia n riki bwa te membwa ae e kakaonimaki n te ekaretia teuana, ma ngkanne I waaki ni kamatebwaia ana reirei n taekan moone. Te iango aei e reirei bwa te tamnei, imwiin te mate n rabwata, e nakon te tabo ae titebo ma te karabuti, are e na kaitiakaki iai imwain ae e nakon te bwaretaiti.
Ngke I iangoa taekan te korakai iroun te tamnei i moone, I iangoa oin tamneiu n taai aika a na roko ao au reitaki ma Iesu Kristo. I waaki n tataro, “Tera ae I riai ni karaoia bwa n aki roko i moone? I kan nako n te bwaretaiti.”
Te moan bwai are e roko n au iango bon maiuakinan Tua ake Tebwina. I namakinna bwa ngkana I karaoia, ana nanoanga te Uea e na kariaia bwa N aki roko i mone. I a motinnanoia ni kawakin tuua ao Ia moanna ni kakaonimaki n aki mamatam ni katoatai, tataro, kamatebwaia koroboki aika a tabu, ao n iango.
N te tai aei, I namakina te wirikriki bwa N na titirakina te taokita te titiraki ae I aki tatabekia mai imwaina n te kiriniki are I mwakuri iai bwa te mataniwi n tia mwane.
“Dr. Thibaut,” I taku, “iai te Uea Iesu Kristo n am ekaretia?”
E kaotia bwa ngaia kain ana Ekaretia Iesu Kristo Ibukiia Aika Itiaki ni Boong aika Kaitira. Man te tai anne ao imwiina, te Tamnei e kaira ara maroro. I titirakinna te kaokoro imarenan ana ekaretia ao au ekaretia. E tuangai taekan ana Boki Moomon. Ngke ti reitinakoa ara maroro, te kimwareirei e kaona nanou. I namakinna bwa I a karekei kaekaan au tataro.
Uoua te bong imwina mitinare a anganai ana Boki Moomon, are I a warekia ao ni kamatebwai iai. I kunea bwa e kakaongora n reiakin bwaai aika a boou man koroboki aika a tabu. I a waaki n ira Tuan te MauriI.
Ngke I a ataia ae e a bua nanou man au ekaretia, are I a tia n rang bekutata inanona, I a mimi bwa tera ae e a riki. I tataro ao I butiia te Atua ibukin te kawai ae boou aei. Ngke I karaoia, I namakina riki te kairaki n te koaua are I a kunea. I a baireia bwa Nna kaina te Ekaretia, e ngae ngke I ataia bwa N na kaitibo ma te bwainikiriinaki.
E bon roko te bwainikirinaki, ma te Uea e kakorakoraai. I ataia bwa ana Ekaretia Iesu Kristo Ibukiia Aika Itiaki ni Boong aika Kaitira bon te kaeka nakon au tataro ae nano: “I tangiria n nakon te bwaretaiti.” I ataia bwa I kona n roko ikekei ngkana I mate, ngkana I tiku ni kakaonimaki nakon ana tua te Atua.