Te Aonaaba e Kainnanoia Aine aika a Kakaonimaki

Kabwarabwara n te tamnei iroun Toni Oka

Ni moan ana bong te Tina Ewa, iai tabeia aine ae moan te kakawaki ni buoka kakoroan nanon ana baire te Atua ibukiia Natina. N te namwakaina aei, e reke ara tai ni reiakina riki taekaia tabeman aine ake bwaeoniia ni boong ake ngkoa ni Kaokan te euangkerio. N aron te katooto, n te iteraniba 16 ti kona ni wareka taekan Jane Manning James ao ana katooto n ninikoriana n nanomatoa. Ngkai ti kamatebwaia Reirei ao Berita aika Tabu 25, ti ongo ana taeka te Uea nakon Emma Smith n tuangnga bwa e na karaoa ikoikotakin kuuna n taromauri aika tabu.

E reitinako Kaokan Bwaai inanon ara bong, ao te aonaaba e kainnanoa kakawakin aia anganano aine aika kakaonimaki n aron ae e rianako riki. N te iteraniba 12, ko kona ni warekia bwa a kanga naakana ibuakora ake a beku bwa Aobitia ni Kabuta n te Ekaretia n tia n noora mwaakan te nakoanibonga ni mwakuri inanon maiura. Te mwaaka n te nakoanibonga aei, e tauraoi nakoia mwaane ao aine, ngaia are e anga te kona bwa e na reitinako ana mwakuri te Atua n te aonaaba.

N aki tabe bwa aine ngaira ke mwaane, ara ririki, ara reeti, ke aroaro tabeua riki, ngaira ni kabane bon natin te Atua aika e tangiriia ma karekean tibwangara mai ieta ma ara konabwai.

Raomi ni Koaua,

Iroun Joy D. Jones

Beretitenti ni Kabuta n te Moanrinan