Bits’ą́ą́dę́ę́ Nihéénila’

Ałhááda’ii’niiłgo éí bee haz’ánígi t’áá át’é o’ool’įįł, dine’é dah yíkahígíí dóó dimííl yázhí nááhai dine’ kót’ao áda’ał’į́į́. T’áá ’áłahjį́’, dine’ ałhááda’ii’niiłgo k’e ha’nínígíí bidziil adeil’é, ayóó’dahóo’ní dóó ahééh danízin dóó iigeh, achį́ gone’ béé hanííh dóó doo na’anishda bee haniihgo ílínó’ bik’i asdzoh adeil’é. Dóó dine’ doo t’eiyá t’áá Diyin God adééyiil’á’ígíí ałhááda’ii’niiłda. Díkwíí shį́į́ ’ał’ąą ádat’éego nel’į́įgo bich’į́’ dadidííl’chí’do ndi, penguins daalyééhígíí éí tse bik’inizdidlaadgo bi’aad yádééyiniił, dóó bonobos daalyééhígíí (mągitsoh bik’é’ adaat’é’) éí tsin nineest’ą’ nidééniih áko bik’is lá’į́’ dahólǫ́’do biniye’.

Nishą́’ háát’į́’ ałhááda’nisínį́į? Ba’ntsinkees háádą́ą lá’ bik’ínínitááh—éí doodai į́įnil’ááh—ła’ t’áá ayóó’ át’éego choisínił’t’é ayóó’íí’níí’ní’ígíí bá’. Ni t’eiyá nił beehozingo ayóó’íí’níí’ní’ t’áá ííyisíí yinizinígíí ba’nidíní’ááh dóó ahool’ááhgo nee’ááhdo ninízingo. Ha’át’íishą’ át’é? Nimá’iish bá’? Nik’is’iish? Nee’awéé’iish? Bá’ ólta’í’iish? Nichei’iish? Ha’bííníih bik’íníyáago? Ha’bííníih bánitsinikeesgo díí ayóó’íí’níí’ní’ígíí bein’ą́ągo ’ąą’ííl’ééhgo shą́’? Ákó, hádą́ą́’ shą́ háishį́į́ háatíí’ída neinlá’ ayóó’ nóólingó, dóó hábííniih?

Tsosts’id shi’nahai yę́ę́’dą́ą́, shimá dóó shizhé’é bił shighán Aréíbiyadi, áłchíní binaalkidí lé’ Chitty Bang Bang wólyé’go naaskid. Naalkidí éí chidí lé’ t’áá bi naabaas dóó tó’iłkaa na’eeł dóó naa’t’a’! Shił beehózin shighán Englandi daane’é chidí’ yázhí’ Chitty Chitty Bang Bang na’holó’ ádeil’yíílá’, dóó doo ládo’ ła’ nisínda nidę́ę́’! Dii na’gísí bee t’áá jidííłts’ǫ́ǫ́dgo chidí bit’a’ hanánidá’. Shizhé’é naanish bá Englandgo naa’yá’ dóó na’shídiłk’id doo’iish háat’íida ła’ ninízinda, dóó bil hwééshní díí chidí’ Chitty Chitty Bang Bang daolyé’ígíí t’áá ííyisí ła’ nisín.

Nadzáado chidi’ adin. T’ó sha’nánahókád dóó yee yoosnah nizį́į́h. Ndi, neeznájį́’ azl’į́į́go shi’dizhchį́ béé hanííhjį’ áhoolzhį́į́zh, dóó ła’ ałtsíísigo nizhónígo bił ’asdisgo shiba’ si’ą́. Ayóó’ at’éego ba’shił hózhóód, dóó dooladó’ ayóó hwił chohoo’į́į́’da nis’ǫ́, shich’į́ ’ályaa’ yę́ę́’ ąą ’ííshlaa dóó shi chidi bik’ínitą́’. Ayóó’ shił hózhóódgo yicha. Na’gísí bee t’áá diłts’ǫ́ǫ́d dóó chidí bit’a’ haníídéé, t’áá nilei chidi na’alkidi biyi na’hólǫ́. Ayóó’ ba’ áhéénisingo shich’į́’ ályaa shizhé’é áhehéé bidinííd. Díkwíí shį́į́ nahai azlį́į́’ chidi bił nashnéego dóó t’áá naash’ą́ą’go ánahóólzhizh. Bántseskeesgo shizhé’é ayóó bił nizhónígo chidi shein’ą́ kasidą́ą́’ t’áá shił nizhónígo sheit’ą́ągo nahólǫ́.

Bántsidéékeesgo ałhááda’ii’niiłígíí táá’go ’ał’ąą bistł’ǫ́.

1. Díí beelyáago t’áadoo le’é, ła’ héédeesį́’go, ííleehgo éí doodai yił íísdisgo dóó ayóó’jó’nííní’ ba’jini’áago. T’áá aaníígo nitseheekeesgo dóó naanish bił bijííláago ákó yá’áhééh nizingo baazh dooleeł.

2. Díí bee lą́ aslį́į́’go dóó t’áadoo le’é aa ’ályáago, beelyá’ígíí t’áadoo le’é bił asdisgo bits’ą́ą́do hwéén’áánígíí—łá’di hwiił ho’nóóhniihgo, ba’ áhééh hwiidzíngo dóó ayóó ił hózhógo—t’áádoo aa ’álneehgo bee be’astł’ónígíí k’e’jó’aadgo dóó bił asdisígíí bik’idjizóózgo ák’ónída hwił beehoziih t’áadoo le’é hach’į́’ ’ályaaígíí.

3. Dóó ákódíí ła’ t’áá íiyisíí be’astł’ónígííéí t’áadoo le’é hweelyé’go. T’áadoo le’é t’áá aaníígo hweelyao éí bee lą́ aslį́į́’go biláadi nitseheekees dóó ’áadoo ’aa ’álneehgo. Éí biláadi, jó ndi, hweelyáago bą́ą́h ’ílǫ́’ ba’ ákóozhnizíí dóó bich’į́’ ba’ ahééh jinzo. T’áadoo le’é t’áá aaníígo hweelyao, nihił ílǫ́’, ádá’ t’áá íiyisíí chodeil’į́’ t’áá nihi iiná’ hool’áágo, dóó nihééni’áanígíí ba’ ahééhwindzingo beedeelniih.

Hweelyáa’ígíí ei doo t’ó’ at’éeda ndi t’áá ííyisíí aaníígo dóó ’aa’ álneehgo bila’ di bá’ ntseheekeesgo bee ályaa. Hweelyáago bá’ ahééh hwiindzingo dóó t’áadoo le’é bich’į́’ ályaa’ígíí dóó bich’į́’ í’í’yilaa’ígíí bijei bił ’ałhidííl’t’į́’ ájíílaa’go ákó beinilá’ígíí dóó ba’ jinlá’ígíí bá’nazt’į́’ígíí bitsxe’ ii’yił’į́’. Chídí daané’é bá’ntsiskeesgo lá’į́’go nizhónígo nibééhwiishniih, ná’ áłdó shizhé’é’ bee’ayóó ó’ó’níni dóó bijooba’ę́ę́’ yishni’go, niléí shich’į́’ iyííla’ yę́ę́’ dóó náana łá’ dikwíí shį́į́ bijooba’go ’aa’ tííd.

NihiTaa’ Yá’ąąshdi hólóonii lá’į́’go adinídíín dóó t’áá aníinii nihéénila’go t’ááłá’í nidzíígo yee’táánihigis, Ba’áłchíní ’ilį́į́go dánidl’į́’. Tóháálį́ náhólǫ́ diné doo kééhat’íní góne’ Ayoo’ Ná’aníí’go Niheenila’ígíí Nil’į́į́go Bijéí ayóó’ jooba’deeh háálį́. “T’áá ’ałtso yá’ át’ééh hweelyáago dóó t’áá ’ałtso haałt’é nizhónígo hweelyá yá’ąąshdeeh, dóó nihiTaa’ adinídííni bits’ą́ą́dę́ę́’.” NihiTaa’ bił bee aha’dadeet’ą́, dóó lá’do Nihéénila’ígíí nil’į́į́ dóó nihi éí ajooba’ nidl’ǫ́ niháda’íílya’.

Ndi doo ha’át’iida nidadidíílyééłda ntę́ę́’ díí tsída alááhdi NihiTaa’ nihééniláago, Diyin God biDibé Yázhí ayóó’yó’ó’níni, Biye’ Jesus Christ. T’áá ’ałtso NihiTaa’ nihéénilá’ígíí éí Yisdá’iiníiłii bits’ą́ą́dę́ę́’ nil’į́į́nígíí át’é’ jó’ yee’ náá’iisnii’ Gethsemanedi dóó tsin ałnáozʼai bikáaʼdę́ę́’ dóó Yik’eh deesdl’į́į́’go Náá’iiná bee há’hoolzhíízh. Jesus Christ, ajooba’ Niná’nídláii, éí nihiTaa’ adinídííni tsída alááhdi nihéénilá’ígíí át’é’. “Diyin God Biye nihéénilá’ígíí bee hashtʼeʼ iyííl’áá’ [nihá’] t’áá iyíísíí’ nizhónígo át’éego.”

Díí bá’ yádííshtiih nisin éí łá’ t’áá ’ałtso ádaat’éíi bík’istiihgo hool’áágóó t’áá ánínígíí hweelyá bighą́’go yikáá’ ánalwó’go ííł’į́’ ákó nihiTaa’ t’áá ’ałtso nihił hólǫ́’go nizínígíí nihéédoolyééł—éí t’áá iyíísíí ntsehéékees nihéélyáago, béé lą́ dásiidlį́į́’go Nidádiil’yao dóó nihi ii’istíín t’áá iyíísíí binii’di nidádiil’yao, béé iiná’ ił hózhǫ́ dóó hách’į́náhwiiná’ígíí dóó nihi’ná’idik’id hólǫ́’nígíí ałkéé’ sinilgo bik’iishdii’tiih: Éí t’é Diyin God t’áá aníígo bá’ałchíní danidl’į́’. Éí t’áá ánínígíí ayóó’ anólin! Dóó lá’do nizhónída! Dóó doo t’ó’ alyáá’ígíí át’eeda.

Jó’ nda’ bá’dísiniłtsąago ná’hólǫ́’! Nila’ t’áá áníí Bitsi’ ayóó áyo’níínii nil’į́’. Nila’ t’áá áníí Biye’ ayóó ’ilį́į́go nil’į́’. Dóó atiin bik’éhgo yinaalígíí éí Bi ił hózhǫ́ binahat’á bikáá’ át’é. Oo’íinii Béé ayóó’ó’óní, Bí t’áá iyíísíí nahósin t’áá doo naahasdzaan bikááji ni’oolnééhgo dóó há’át’íí nits’íís béé iiná’ íínilá’ígíí koji’, dóó há’át’íí Bijooba’go nahat’á t’áá ákwíí yiską́ągo ná’ ííleeh. Dóó shó’, Kedę́ę́’ łá’ íji bánidíídaałgo Ntsikees, ákó aláahdi nahat’á’ígíí nizhónígo Needoolyeeł, éí t’áá hool’áágóó Bił iiná’ dooleeł.

T’áá ánínígíí hweelyáago éí doo t’áá ání át’éegi bina’íizhdiłkid dá ndi bik’idádiníítaał dóó nidádidííyeeł. Niheeliyá’ígíí áyiidą́ą́’ nihiTaa’ nihéidini’ą́ą. Bá’ílíinii’ígíí biniyé’ niheeliyáago t’áá íídą́ą́ Yisdá’iiníiłii nihá neinlá’. Ndi díi da’ts’į́’ nanihineeztą́ą́’, dádóóniid, dóó dikwíí shį́į́ nahai t’áá áníní dáhóótaal, díi nizhónígo bik’í’ tsídadikos yę́ę́’ adóó ásdįįd dóó bidziili dóó hozyéélígíí doo dániihda silį́į́’.

Díí bik’ishdiitį́į́hgo hweelyá’ígíí doo ílíigo—dóó t’áá át’é yá’at’ééhi, hozyéélígíí dóó ha’oolní bits’ą́ą́dę́ę́’ íígó’ígíí—doo bee lą́ aslį́į́’go doo jinizingo, doo ’aa ’ályáago dóó t’áá’doo ninízhdííláago, ha’átíí’ tó’ bá’í’go nihitsą́’ ádin doolééł lá’! Doo’ lá’dó hájooba’ hásinda Hweenlá’ígíí bá’! “Ha’át’íishą’ diné yiłyeel baa yiyeelgo dóó doo neidiileehgo shą?” Gé’ shó, díí doo bił hózhǫ́’da éí beelyáago, ná’áldó’ doo bił hózhǫ́’da hweedoolééłígíí nil’ǫ́.

Hóshdę́ę́’ nihidííshni niháadoolyééł, nda k’ad `áłtsę́ éí doodai nana k’ad nda nitsáago, doo’ lá’dó nizhónígo bá’ ákwíínidzingo Diyin God t’áá’ iyíísíí bá’ ałchíní dánidl’į́. T’áá’ni bee be’astł’ónígíí k’e’di’aał, bił asdisígíí bik’idizóóz, tsits’aa ’ąą ’adííliił dóó ayóó’ hojooba’ bee nididíílééł díí ts’ídá yéígo bik’iishdídootííł t’áá’níígo si’ą́ni’ígíí, Diyin ii’ sizíinii nijéí yá’ oo’íinii nil’ǫ́ ákó t’áá aaníígo Aláahgo Ayóó’át’éii biyázhí beehozin.

Hóshdę́ę́ ayóó’at’éí t’áá aaníí ni’istíín íínil’áago dóó haa’ahałyąago dóó ba’hózhǫ́’go diniih, ákó t’áá át’é ná’ alyáá yę́ę́’ łágo at’į́į́h. Bijooba’, Bizhí dóó Bighaan niniih, ni ’iiná biyi’ ha’at’íida áhooníł ndi, éí doodai doo áhooníłii da. T’áá ni bee adinííl’ą́’ ná’dinil’į́’ dóó nana łá’go bich’į́. Yisdá’iiníiłii bił bee aha’deet’ą́ago bistł’óoni ayóó bitsxé yileeh, dóó hweelyáago biyi’dę́ę́’ jinił’ǫ́, hwii ’iiná aniidí ádindíín, nizhóní dóó laanąą asingo nasdlį́’.

T’áá shǫǫdi, sodilzingóó bik’ididiitííł díí t’áá aaníígo nánihidi’doochííł beehozini ni’istíín bini’di ninidiinláago? T’áá shǫǫdi bee lą́ asinłį́į́’go ninididííleeł shą́? Ákó’ shą́ k’adiish yéego biyi’ji, yéego t’áá jíík’égo, yéego lá’į́go ndi íínit’ííd yę́ę́’dą́ą́—dóó akwíínidząągo shą́’ lą́’íigo bił neelyáago?

Bánitsinkees shį́į́’, “Ha’át’íishą adííshleeł ákó Diyin God shéédooleeł?” Jó, ákó, adin. Neelyá’ígíí bits’ą́ą́dę́ę́’ Neinlá. Éí t’áá aaníígo át’é. Hóshdę́ę́ yá’iniloos. Diyin báʼałchiní nilį́. Bee ayóó ó’ó’ní nilį́. T’áá doo nanitł’áago ’aniniłíní. Ná’doolyééłígíí t’áá doo bich’ą́ą́h doo siniłbą́ą́go ntsinkeesiih. T’áá aaníí doo t’áá ’áníit’é “dasiilbą́ąda”—’ałtsoní nihiTaa’ nihéénilá’ígíí éí Diyinii Messiah be’woosbą’, be’ajooba’, dóó bidiyingo jooba’ binahjį’ t’éiyá, ndi Bijéí yee’jooba’go bá’ ałchíní t’ááłá’í nitį́į́hgo bá’dooyééł yinizín. Ákó, díí aniid éí doodai aniid ánádzaago nich’į́ k’idinidlaad bik’i’díintáágo, nihił dahózhǫ́ ahééh hwiindzingo Nihéénilá’ígíí bich’į́.

Naadiin ’ałnį́į́’ biyi’ shináhai yę́ę́dą́ą́’ shi oodlą’ bik’ínítááh, chʼééh nisdzidgo baa ákoniizíí’ t’áá aaníígo Diyin God biye’ nishłį́. Díí sheelyá’ígíí yéígo ádishdléego, ayóo shiłbééhózin íínisht’é’gi dóó háitéego ayóó’ shidó’ní. Łá’ ádaat’ée shiká ’eelwod bik’i’díitáágo nooseełgo éí Diyin God Bizaad bee ak’eda’ashchínígíí, shi sohodizin bee ak’ihojídlí’ígíí, diyin bighan dahódisin, ła’ biká ’ánashwó’go, bá ahééh nisingo dóó ShiTaa’ bił sodizin diyingo baa dahasti’go `áash’ǫ́. T’óó shił adahayóí ła’ áłtséedą́ą́ shi iiná’ biyi’ yínííł, ti’hooshníh dóó doo shił hoots’íída yę́ę́’ łá’go ánádzaago, yilzhólígo dóó bik’’i’jééyáado ntę́ę́’ díí nizhóní t’áá aaníí át’é’ii shił beehózingo.

Moroni yéego ánihiłni “Diyin God néénila’ígíí t’áadoo nahjį’ bein’níni” ndi “hágo Christ baahohkááh dóó t’áá ’ałtso yá’át’ééhgo niheedooleełígíí dainótą́’.” Christ bich’į́’ ’adáatso’dlį́į́go nihookáá’go bik’edi ayóó’ó’óníni dóó ił hózhó, hozyéél, baa hásih, adinidiin, t’áá ’aanííni át’éii, ił ííshją́ą́ e’él’íinii, ééhózingo dóó hojíyąago díí t’áá ’ałtso hweedooleełígíí—nihitsiits’iin wódahgo si’ą́ągo, nihighaan bee bich’į’ dah doolníhgo dóó nihila’ ąą’át’éiigo, biba’ needooleełígíí. Dóó needooleełígíí nidiinilá jó’ nił ééhózingo bee dádinitł’iz dóó sínizí Diyin God ayóó’ó’óníni bitsi’ nil’į́’, Diyin God ayóó’ó’óníni biye’ nil’į́’ dóó Ba’haałt’é néénila’, diyingo Biye’ niha’nídlá, t’áá ákogi ádaat’éii nihá haadzíí’ dóó diyingo niha ’ályaa.

Ni Diyin God be’awéé’ nil’į́. Díí sin yá’át’ééhi doo t’áá ákogo át’éii bee dáhwiitaał. T’ááshǫǫdí bee lą́ adį́į́łeeł bee ééhózingo dóó ak’idiitįįhgíí bits’ą́ą́’ Ninidíní lao dóó ’aa ’ídílííł? Dóó shą́’ yéígo ádínil’tą́’ ílį́į́ní át’éehígíí? Nana hweelyáago éí doodai aniid nda’hweelyáago dóó biní’ ni ’iiná łá’go át’ę́ego ííle’. Díí t’áá ííyisíí nizhónígo ’ályaa Diyin God hasht’eh ánilaa Biye’ nééniláago. T’áá aaníí ánit’é’ii ił hózhǫ́ nił hólǫ́’do! Jesus Christ bízhi’ binahjį’, amen.