Hodizyeeł ba Baa hasti’ Ádaat’éhígíí

Exodus bináaltsoos biyi’, Moses Dził Hóreb bił yikaa éí doo áda’áhalyáada silį́į́’—nihi áłdó’ kwiidádinííłgo hwííndzin—ch’ił sikaad dook’ą́ą́łgo yiyíilts’ą́. Bich’į’ nizhníyáago, “Diyin God hoołtsą́ągo dówózhii diltłi’ígíí biyi’dę́ę́’ áhá łní, Mózes, Mózes. Áko ázhdííniid, Kǫ́ǫ́ sézį́. Diyin [God] ábiłní, … nikéé’ hadiidlé, háálá sínízínígi hodiyingo haz’ą́.” Nítsaago áho’dolzéé’, ahojooba’ dóó yaa tsídidókosígíí, Mózes bikee’ haidídlą́’ dóó hasht’e’ ádiilya ákó Bóhólníihii bizaad yididoots’ííł dóó Bihodiyindi bił hólǫ́’do.

Dził baa hasti’ bił ádzaaígíí ’áyóo’áhoodzáágo bił ahodizyeeł, Mózes diyinii bee bééhodilzin bichį́ koi’la dóó t’áá ííyisíí łá’go ádzáago beehózingo éí díí na’niłkaadii ájooba’go nilį́į ntéé’ yá yáłti’í bidziili silį́į́’ bitsą́ą́dóó, ákó naasgo ’ániid bee íina’ ályaago dadííyá. Éí bik’ehgo, nihidó’ Diyin yaa nanit’inii daniidłįįdohgo t’áá ’ííghísíí hódahgo ’ałkéé’ diyin k’ehjí ádadíilníił ákó bił ahodizyeeł baa hasti’ diinįįhgo ha’dádiníít’éedo.

Saad áho’dolzéé’ éí Látin bizaadee revereri wólye, ákó “’áyóo’áhoodzáágo bíjizį́į́gǫ́” ólye. Nahat’á bee yisdá’iildéehii ntsáhakeesgo, díí saad ajiit’éigii bil áłtahgo éí ílį́k’ehgo aa ntsáhákees, ayóó’ó’óní dóó baa ahééh hwiinidzin. Saad ba’ályaa baa dahasti’ígíí dine’ dahojoolbá’ígo dabijéí dóó Diyin God yéego yich’į́’ ndahałah dóó Jesus Christ bii’ ninidaazíinii bił dahózhó adeil’é.

Hodizyeeł ba baa hasti’ ádaat’éhígíí éí íiyisíí saad nííl’yá’ nihił holǫ́go át’éhígíí; éí diyinii bidiit’į’ dóó bich’į’ ayóó’ííní’níigo dóó bighá’ sidzį́’ Yá’ąąshdi Honílóonii dóó nihi Yisdá’iiníiłii, Jesus Christ. Nihí sizíinii ntsaago yidilnish. Yáá’ádaat’éhígíí nihi ntsikees, nihi jéí dóó nihi íina’ Diyin bich’į́’ adeil’é. Áko, ahodizyeeł éí doo ts’ídá diyin k’ehjí bits’ą́ą́ ninit’í’ígíí at’éeda; éí yee bijéí at’é—níít’ą́ągo bee diyin k’ehji ’ályaa, ’áádóó diyinii bidi’t’í’go ’ályaa, dii nihee álchíní nida’nihíneestą́ą́’ yee da’hataałgo: “Shił áho’dolzéé’go, shijéí bee ’ééhózin Yá’ąąshdi Honílóonii dóó Jesus t’áá ’ayidí na’aash.”

Jesus Christ bikééʼ ninida’sídzínígíí, hodizyeeł nihéélyá’ígíí binideilnish ákó nihi íina’ ’ąą’át’éedo díí Diyin God dóó Biye’ Jesus Christ t’áá iiyísí bee ahił ídlíi, t’aa bił Diyin bee hádíít’éí bidziil ánihósin. Lą’ígo kót’ao nihijéí bidíís’náago, dóó ládo’ nihi íina’ nitsáago ba’hózhó’do, dóó bąąh íni’ígíí biyi’do dóó yiniił dóó doo ił hózhó doo ba’haza’da’do. Ííshją́’ hodizyeeł bich’į’ ba baa hasti’ ádaat’éhígíí éí t’áá ákwiijį́’ adeił’ǫ́’ bee ’iil’į́į́ dóó bitsx’égo ba’áhééh kwiinidzíngó adeil’é—bich’į́’ sohodizin ádaatéí bee ’Áyóo’áhoodzáágo, ílį́k’ehgo aa ntsáhákees doo ayóó’ó’óní ííł’į́’.

Doodago k’ad, nahasdzaan bikáá’ danighán hodizyeel ba baa hasti’ ádaat’éhígíí doo choideíł’íída. Ákó, nahasdzaan bikáá’ doo áho’dolzéé’ígíí bił yá’áda’tééhgo, díí naaltsoos ’aseezį’ t’óó ba’į́’ígíí, náalkidi dahane’go éí doodai beesh ntsikees danil’ǫ́’ dabiyi’. Ba baa hasti’ ílį́k’ehgo aa ntsáhákees baa adingo éí ájit’éhígíí dóó ajił’į́’nígíí náasgo ba’í’ yileeh, ádó ła’ oochííłdę́ę́’ tsxį́į́łgo doo iłnílį́į́go at’į́į́h dóó na oochííłgóó doo iłhasííd biyi ahídool’ghąął.

Doo áho’dolzéé’ bik’e ajił’ǫ́’ éí Diyin God bił ahaazhdeet’ąnígíí bits’ą́ąjį́ áhóloos dóó nihíyi ła’ adayoolíłii yáago at’į́į́h Diyin bidáa’go. Na’ ałdó’, bahasti t’áá’ nihi téiya adónsíkeesgo; da’nídzinígí t’áá’ ádzaagóó adeilyahdo báda’íílts’ó’go; dóó dabahasti ádaat’éhígíí dadijóó’łahgo ákó biniinaa doo dahódiyinjį́’ nihikaa, Diyin God bich’į́’ nidi, dóó na’ ałdó’ diyingo bee ájít’éigo nihiTaa’ Yá’ąąshdi Honílóonii bá’ ałchiní nidlį́’jį́’. Doo áho’dolzéé’go ba baa hasti’ ádaat’éhígíí bich’į́’ nidlį́’go éí t’áá íiyisíí ch’į́į́dii nihich’į́’ neeyííłná’ díí nihich’į́’ íishją́ ályaa yę́ę́’ taah yóósnil, éí ts’ídá bee diinįįhgo yisdádíkaa yoołkááł goné’.

Áho’dolzéé’ ba baa hasti’ olyé’ígíí dóó t’áá íiyisíí biniyé’ígíí Diyin bizaad biyi’ dabikáá. Doctrine dóó Covenants biyi’ ła’ bikáá díí áho’dolzéé’ NihiTaa’ Yá’ąąshdi Honílóonii dóó Biye’, Jesus Christ, bee ’alááh adzííl diyin bibeehaz’aanii dayósbánígíí.

Sodizin bá hooghan dah’ooldahígíí éí nihiTaa’ dóó Biye’ t’áá biláahdi baa hasti’ dóó ílį́k’ehgo aa ntsáhákees bee t’áá ałtsxó’ áda’ííl’j, tʼáá bił áhól’tą́ díí hait’éego Nííl’j’. Diyin Íi’sizį́į nihidóloosígíí éí t’áá íiyísí bee na’ánishii nahálingo bee hait’éego Nííl’ǫ́’, Nihizhéé dóó Biye’ yeeh baa hasti’ bá’sohonizingo, yeeh át’éegi dóó diyin yeeh hadit’éí’ígíí. T’áá’ baa ádahwiilyą́ą’ díí ła’ ha’át’ííshį́į́ danilįį’go NihiTaa’ Yá’ąąshdi Honílóonii dóó Biye’, Jesus Christ, dóó Binanitin, bits’ą́ąji danihidóloos, tʼáá bił áhól’tą́ díí adat’éego béésh nitsékees náasgo bee ná’anish, díí éí béésh t’áá bí nitsékees (AI wólyé’) bee hach’j’ tʼáádoo le’é dabikáá’ígíí dóó ádaháask’ídígíí adeil’é.

T’áá ákót’éego nanitin bich’į́’ ályaa saad si’ą́’go Sódizin bighándi bee áłts’áadee hane’ígíí. T’áá át’é nanitin, naaltsoos, bik’éhgo é’él’į́ bee hadilyaahígí dóó saad hózhó’ó’ ályaa díí Diyin Íísizíínii bik’éhgo lą́’ áazl’į́į́ ákó bahasti’ bíni’dii iłíi, da’ílį́nii dóó Jesus Christ bizaad binanitin bik’éh dahwiníil’į́. Sodizin Báhoghan at’ah danílǫ’ ániid ndaakaiígíí hane’ bich’į́’ ályaa, Elder David A. Bednar nanitin: “Diyin k’ehjí dóó béésh nitsékees nanitł’a’go áłna’ástiin jinił’o, Sodizin at’ah danlínígíí dah óodlaanii ajoobá bee dóó sodahdilzingo (1) diyin bina’nitinígíí bá’hódóziił díí béésh nitsékees chidayóół’ǫ́’ dóó (2) Niłch’i Diyinii shił hólǫ́’do jinzǫ́, dóó diyingo ííshją́ą́ ályaaígíí biká’ ájíít’ǫ́.”

Shik’is dóó shiláhkéí, ániidi béésh nitsékees nanitł’a’go adályaa, ndi díí yaa tsídadikosígíí, ’áyóo’áhoodzááígíí dóó ił hózhó’ tsídoolyizgo ííleehgo doo beełt’eeda díí bił azchį́įhgo áho’dolzéé’ bik’idadinitaal Íi’sizį́ Diyinii bits’ą́ą́dę́ę́’ nanihííł’ná’go. Christ bikéé’ deiniikáago, ádaa adáweełyą́ ákó Diyin God dóó Biye’ bił bee áha’dádoot’ą́nígíí doo bidziil yileehda dii béésh t’áá bí nitsékees bi t’ó’ ba’í’go náaltsoos bik’eda’’ashchóo’ dóó níndaalk’id jiníl’įįgo. Béédeelniih ániidi béésh nitsékees t’áá ba’da’ííníídl’ǫ́’ “ágaan bits’íís” wolyéí éí yitsésk’eh góne’ íígháá’ ákó doo bíigháda dóó t’o ba’i’go ntsáhákees dii hwiidíisná’hígíí, nanitingo dóó oojó’į́įgo Íi’sizį́ Diyinii téiya bitsą́ą́dóó níizhdííleeh bitsáá’jį iyííł’į́’. Ákó Nephi ani: “O Diyin Bóhólníihii, ni éí na’ííníshłí, dóó hool’áágóó éí na’ííníshłíi dooleeł. Bíla’ashdla’ii éí doo ba’ííníshłíi da.”

Nani’la íishją́ ályaa, Diyin yá yáłti’í Joseph Smith bee nabídineeztą́ą́’ Diyin bighán ádaalyaa’ígíí éí hodizyeeł Ba’ ályaa. Bínanitin ahólzhiizhjį́’, nihi Diyin yá yáłti’í, President Russell M. Nelson, bidziilgo nanihínitin nihisódizin bee áho’dolzéé’ ádaol’į́’ díí Diyin bighan ntsáagí baa hasti’ígíí biyi’. Diyin Bóhólníihii bighan biyi na’nihidinéeztą́ą́’ nihiTaa’ dóó Biye’ bich’į́’ hodíyink’ehgo yá’ájííkaa. T’áá ’aa ákwiinisǫ́ǫ́’ ayóó bits’ą́ą́dǫ́ǫ́’ bóhoo’aah dóó bohóneedlį́ díí Diyin bighan ntsáagí ałtsé’ tǫ́’ ya’ájíghą́’go dóó bee ba’hast’į́’ ó’ool’įįł biniyé’ hasht’e’ ánidadiil’į́’go éíya nihikee’ nahjį́’ adeil’į́’’ dóó ligai’ígíí nihi ’éé’ bi’yikaa. Mózes na’hal’ǫ́’, t’áá’ aníí adéét’ǫ́’, bá’adáhwiinídzin nahasdzáan bikáágoo nihikee’ hadádiilyé’go éí ałtséédi nihidadííltaal hódiyingo haz’ą́ągi dóó ts’ida yéego hódahdigo dóó diyink’ehgo hinii’náadoo.

Shik’is dóó shiláhkéí, doo éí dzil bikáá’ hadadiiná’da, Mózes ádzaa’ígíí t’ao, hodizyeeł ba baa hasti’ ádaat’éhígíí hadádidiil’į́į́ł dóó Diyin yaa nanit’inii ídahídiikaahgo yéego nihi diyin k’ehjí bidziil dóó bá dahodiníilzin dooleeł. Bi’k’ída’dinítááł, díígíí t’ao, nihigan nihokáa’jí baa nida’áldeehígíí bits’ą́ąjį’ hwidéiniilzin Díí niha’ádoonííł nihiTáá Yaashdi Hólǫ́onii bizhi binaajį́ Jesus Christ bich’į́’ yéego dóó bitsxé’go sódadołzingo dóó Hasda’iiníilii hózhǫ́’o bee éédahonósin díí Diyin God bizaad biyi’ bidadinóółkaalgo deínóhłta’ dóó Diyin God yá dahalné’ii bina’nitin’ bits’ą́ą́dǫ́ǫ́. Na’ áłdo, diyini hwił hólǫ́ hweelyééh Diyin Bóhólníihii bił ahádadi’t’áánígíí bik’éh hójiił’ǫ́ díí Bibee haz’áanii iináago ’ák’eh hół’į́ joogaałgo. Díí adajiił’ǫ́ nihijéí ’áhodiilzee’ áyósin. Ajilinígíí bik’izhdees’iigo dahaghan ii’sizíiniijį’ yisdáhoot’i’jį’’áhodiilzee’ iyiil’i’—nihe’ oodlą’ bee hasihgo ii’sizíínii naghą’, Mózes dzil taadiyáadi nahólǫ́’.

Diyini nihił hólǫ́do díí sodizin bighandi hodilzin bee oodlą́’ ajił’ǫ́, t’áá bił nihíjéí ndeigiiz Diyin Bóhólnííhii bich’į’ ba’hast’į sodizinjí bee dahwiitaałgo. Nááná łá’jį’—Mozes nahólǫ́’—nohokáá’ naanihínitł’ahígíí bits’áajį’, éí t’áá ííyisíí díí béesh bee hane’ nihiistł’óhnígíí éí doodai ha’át’íída łá’ doo bił’áhídjidlíída bee ba’hast’į’go, díí biniinaa yéigo hadeilzííd bááh dóó tó’ dadíníilzingo deidą́ą́’go, t’áá bił nihitsékees dóó nijéí bee niil’ǫ́’ díí Hasda’iiníiłii dóó Nihá Ninánídláhígíí bił ałhadadíít’aah bik’eh. Díí baah dóó tó’ dilzingo yidanígí bik’eh hójil’ǫ́’ díí ’áhodiilzee’ bee Yisdá’iiníiłii ahił ídlíinii aniidi adeil’é dóó díí Damǫ́ǫ́go ba’hózhǫ́’go dóó íina’ łá’ aneidoodlíił.

Ákó, nihidiyinii łáago átiih bee akoniidzin díí dahódiníilzingo díí Diyin Bóhólnííhii bidzil biyi’ sodadilzingo—nihi Diyin bighán—dóó bił bee ahá’dadeet’ą́ náasgo dahíínííná’, t’áá ííyisíí nahasdzáán bikáa’gi íína’ yéigo nihich’į’ ndahwii’nándi.

She’asdzáá dóó shi ’áhodiilzee’ dził ba’hast’į’ na’hólǫ́’ yi’ííl’tsaa’ díí nihi íína’ bee nanitinígíí íílnéehgo, akó dahódiníílzingo t’áá ííyisíí łaago adzaa. Aadą́ą́dą́ą́’ na’hólǫ́’ bénáshniih, she’asdzáá éí azee’ ál’į́įdi t’áá náádzihgo, ya’iishjáashtaa’go yishaał díí nihee awee’ naaki gone’ doolééłígíí éí t’á’doo yóó’iilnéehgo, éí t’áádoo ałtso hadidzaago bidizchį́į́’ ńt’ę́ę́’ dóó áádoo hasda’yáada. Íídą́ą́’ Diyin God bich’į́ ’áhodiilzee’ bił yéigo sodiszin ííshla’, shiká anilyeed díí t’áá ííyisíí shích’į’ nahwii’náahgo bik’idííshaał bi’keed. T’áá hóshch’į’, shił ch’į́’diníídlaad dóó ayóó’ at’éego diyini shijéí biyi yá’át’ééh iyííla’: She’asdzáá dóó shi bik’éh didíídleełgo t’áá altsxó nihi íína biyi’ yá’át’ééhdo, Jesus Christ t’áá ’ánííni binahat’á bee yisdá’iildéehii bits’ą́ą́dę́ę́ ił hózhǫ́’ji yíníítą́’go. Doo ha’át’íída łá’ bee azhdooliił da, ayóó’bąąh yinííłgo nanitl’a silį́į́’ yidą́ą́’ ndi ba’hast’į́’go ’áhodiilzee’ naasdlį́į́’, tse bik’íjóswod nahólǫ́’ nihi oodla’ anéeyidláá’ dóó Diyin Bóhólníihii bił aha’díínít’ánígíí bidziil iyíílaa’ dóó Yee Hahaasdzíí’ shich’į́’ dóó sha’áłchíní.

Shik’is dóó shiláhkéí, ’áhodiilzee’ ba baa hasti’ éí t’áá’ ííyisíí bee ahééh hwiinídzin, t’áá’ aaníígo ił hózhó’go nitsáago iyííł’į́’, nihitsekees diyingo ííshją́ą́ ályaaji ánihiloos dóó nihi íína’ adéil’į́įgo ayóó’ ba’hózhó’do. Diyingo haz’ánígi nídasizįįhgo ííł’į́’ dóó nijéí deigo Diyin bich’į́’.

T’áá aaníigo baa hashne’ nihich’į́’ díí yá’át’ééhgo íína’ t’áá akwiiji boltáá’ binideelnishgo, hojooba’ deigo áyósin dóó Diyin God binanitin bik’éh dadidit’ííłígíí nitsáago iyííł’į́’ dóó Diyin Bóhólníihii bił aha’díínít’ánígíí bidzííl iyííł’į́’. Yííłtsą́ hodizyeeł ba baa hasti’ ádaat’éhígíí niheelyáago adídadííltsoł—díí dził biyi’ Diyin Bóhólníihii bighandi, sodizin bá dahooghaangóó éí doodai t’áá nihighandi—t’áá ííyisíí ’áyóó ’ahoodzaa’go dóó áyóó’anolingo nihił hadidoobííł díí bee ayóó’ó’óní Nihitaa’ Yá’ąąshdi Hólóonii doo Jesus Christ bich’į́’ yikaa’do. T’áá shí ’áhodiilzee’ bee yííłtsą́ díí t’áá aaníí ádaat’éí, Yisdá’iiníiłii dóó nihá Niná’idláago, Jesus Christ bízhi’ ba’hasti’ binahjį’ ádishní, amen.