Bilahashdá’ii Yá’aashdę́ę́’ Biká’a’ayeed

Diyin God Joseph Smith bił hoone’ yá’aashdi kééhwíítin yaahdą́ą́’. Diyin God biniłch’i bá’ałchíní dadníídlin. Diyin God bibá’ałchíní naasgoo dinóséél nizingo, nahadzáán niha’áyiilááh dóó nihtsíís niheeyilyah, dóó yóhool’á’ígíí binahjį’ daatsí diyinjí néídidoołeeł, dóó Diyin God bibeehaz’áánii yikéh hołį́į́’ doo. T’áá haishį́į́h Diyin Godjí binahat’á yikéhgo yoosbąąhígíí éí hool’áágoo aaha’niih daabí doo (Abraham 3:26).

Diyin kéhjí nahat’á éí Diyin God biYéh yikidíílniid nihi Yisda’iinííłii nilį́į́ł doo. Lucifer, Chíídii, éí łágo át’éii diné bóhólnííhii yits’ąąjí sílį́į́h áko “yaako chí́’bidineelchąą’.” Nahasdzáánjį’ hadbidinooch’ąą’ Satin éí nanhint’ááh doo, “nihinanilǫ’ doo, diné yidahá’tł’ó doo, áádóó t’áá haishį́į́h doo Diyin God dahyoodl’a’ígíí naalt’éhí danilį́į́h doo” (Moses 4:4).

Diyin God binahat’á éí bá’ałchíní t’áá át’é “bisąą’jí’ígíí nahat’á’ígíí nahbidinoot’á, “áko inda dahdinoosééł” (2 Nephi 2:11). Diné shidoh hódoolłééł nizingo ná’ídilts’ǫǫ’go t’éíyá bidoh hódoołeeł, áko tsííkéhjį’ Chíídii bidooyá’át’ééhii bichi’ nihidziil doo, áko nahwídint’ááhgo t’éíyá dahdiniilseeł. Tsídá alááhgo diyin kéhjį’ diniilseelgo éíyá t’áá nihi yá’át’ééhii dóó doo yá’áshóónii nihił bee hozin doo. T’áá haishį́į́h yá’át’ééhiiji néidiila’ígíí éí hool’áágoo iinajįł yikééyigaał doo. T’áá haishį́į́h doo yá’áshǫǫ dajį’ yigaałígíí — t’áá aniiltso nahidinit’ááhgo at’é—áká’ádoolwoł’ nidzin, Diyin God bee ayóó’óó’ní biníínaa niha áyíílaah.

Tsidá alaadi átsííjį’ adziil éí Yisda’iinííłii Jesus Christ, éí nihá tí’hodoosní niha ninádoodleeł áko bąąhági át’éii nihaa neididoo’aał t’áá haishį́į́h bee iina łago anahyiilááłígíí. Ajooba’go dóó nináilyahígíí yaahalné éí biniinaa tsídá ałtsé bee nánitinígíí éí Jesus Christ joodlaa’ doo. Niha’niná’ilyahígíí biniinaa “anoonééł naahididooljah” (Alma 42:23), “áádóó nahazáándi bąąhági át’éii yikéh niná’idlą́” (Alma 34:8), bąąhágíát’éii.

Biláádi nihi bąąhági át’eii niha k’ééda’doolchǫǫł dóó niha yóó’adidoot’aał, Diyin aZhe’é Diyinii dóó biYeh ayóó’ánhoní ałdó naanałah nihikéh yinilá éí nihaa áhalyą́ą́h doo, áko bąąhági át’éii yichąą’ nihaa’áhalyą́ą́’ doo. Atsíís kéhjį’ éí iina ałtsé amá dóó azhe’é bee háhalzish. T’áá ałlah nihikáh analwo’go dineelsééł. Doo ákót’éiigoo éí ach’í nahwíínanígíí t’áá nihi bee neilnishgo bilá díídaał.

Yá’aashdi Nihizhe’e binahat’á naanałah nihiká’adoolwoł nanhilǫ́go kwe’é iinajį’ biyí’yíídaałgo. Díígo nihiká’ádoolwołígíí baa hodeeshní. T’áá shǫǫdi doo t’áá dį́į́’ t’éíyá nósiní háálá, díí áká’analwo’ii’ígíí lá t’áá iidą́ą́’bee áká’eelwod. Bilaadoo, nanałah jooba’yeeh naa’ádahalyąąh doo.

Áłtsé éí, Christ biniłch’í bee ídinídiin. Naaltsoos Mormon Wolyéhígíí biyidę́ę́’ Moroni bize’é binanitin yaah ahalné, “Diyin Christ biniłch’į́ t’áá ałtso diné baa haasyah, áko doo yá’áshoonii dóó yá’át’ééhii bił bee hózin doo” (Moroni 7:16). Díí ałdó t’áá aniidgo yá’aashdę́ę́’ nihił hané.

“Nahasdzáán bikaagi Diyin bi Niłch’į́ t’áá at’é diné baa yiilyéh; áko Niłch’i binahjį’ diné bił éédahozíí’ niłch’i dah yiists’ąągo” (Diyingo Naʼnitin dóó Bee Ahadaʼdeestʼáanii 84:46).

“Háálá shi Niłch’į́ nahasdzáánjį’ diné bił ééhoziniish bits’ą́ądoo bá’dahojooba’í adinidíín bee hódooleeł biiyéh niyah, dóó doo yá’áshǫǫnii yik’jiį’ yásti’” (Diyingo Naʼnitin dóó Bee Ahadaʼdeestʼáanii 136:33).

Naat’aanii President Joseph Fielding Smith kot’áó yaahalné, “Diyin God doo diné ch’ééh t’áá anii ádaat’éígíí héínit’ááh dah doo, ndi t’áá at’é diné … Christ biniłch’į́ t’áá aniihii dóó bee adinidíín bee nabidintin dóó nabilǫ́ áko t’áá bí bił ééhozin doo.”

Naakí góne’ Diyin God yee nihikáhiiyeedígíí éí t’óó ahayóí diyin bizaad biyídi bike’eshch’į́ (yisdaa’iidee binahast’ą́) éí binahjį’ t’áá nihi nihá yá’át’ééhígíí nididiil yééł. Díí éí diyin bibeehasąąnii, bibeeó’oolį́į́hi dóó bilághadeet’ani ádaat’é.

Bibeehaz’áanii bikéhgo atiin niha ayiilááh áko naasgoo hool’áágoo iina bich’į́ yiidaal doo. Diné łah Diyin God bibeehazáanii bikehgo t’áá háíshį́į́h atídeidoolíił nizinígíí éí doo Diyin God bee ayóó’óó’ní yisdaa’iidee yináhaz’ą́’ígíí doo bił bee hózin da. Diyin God bibee atiinjį’, hazho’ó Yisdałiinííłii bee hodiilzį́į́ł dóó bibé’adziilii yee nihiká’adoolwoł áko Diyin God yiidaalígíí niha yinizinjígo yiidaał doo. Diyin God t’áá ałtso shá’ałchíní tsídá áláádi celestial holyéédi shaanáhidookai nizin, áádí Yisdałiinííłii kéhatį́ dóó áádí iina áláádi baa haniihdi bił kééwíít’íí’ doo.

Bibee’ó’oolį́į́hii dóó bibee’áhádeet’anígíí éí bibee haz’áanii hool’áágoo iina bibee atiinjįł át’é. Diyin God bibee’ó’oolį́į́h dóó bił bee’áhádiit’anígíí éí binahjį’ bikéhgo be’átiinjí yiidaal doo. Bąąh nisíkeesgo éí Diyin God binahát’ą́ yikéhgo déiyikááhígíí éí tsídá áláádí ákihojidlí baa dah doolyééł, t’áá iidą́ą́’ bee báhá’oodziih.

Diyin God nihiká’iiyéédgo yá’ádáát’ééhii nididiilyééł yił íiją́ą́ áyiilaaígíí Diyin Niłch’į́ Diyinii niheenilah. Diyin Niłch’í Iisizį́į́nii éí Talteego Diyin yił náhaastą́. Binaanish, diyin bizaadę́ę́’ éí Yá’aashiidę́ę́’ Nihizhé’é dóó biYeh t’áá aniih hólǫ́ yeenánitin, t’áá altso nihiká’analwo’go béłneelnííh, dóó t’áá aniiádaat’eiiji nanhilǫǫs. Diyin bizaad biyídę́ę́’ la’í Diyin NIłch’į́ hwiłííjaan alyaahígíí baa hané, Naaltsoos Mormon Wolyéhígíí, yindahídiłkid, da’ t’ááishanii át’é. Hwiłííjaan alyałałhígíí dóó tó bee hódiilzį́į́hgo Niłch’i Diyinii haayiłyééhígíí éí t’áá ałąąh át’e.

Diyin God tsídá áláádi bá’ałchíní yeeniláhígíí éí Niłch’i Diyinii. Díí baa hast’į́’igo niheenílahígíí éí diné hazhó’ó bee iina’ łahgo ánáyiidlaaígíí dóó tó bee bidízííhiigo bąąh yilyééh, (diyin bizaadę́ę́’ yaah halné) áko baa nisinyahígíí ná nahjį’ nihá kódoolnííł kǫ’ bee dóó Niłch’i Diyinii bee. (2 Nephi 31:17). Diné bąąhági át’éii bá nahjįł kólyaahígíí—dóó t’áá ákwííjį’ bee iina łahgo anáyiilį́į́hgo dóó diyin bił áha’deet’ánígíí yikéhgo Bąąh dóó Tó chóyoołį́į́hgo … bee há’óódzííh Niłchi Diyinii, “t’áá ákwííjį’… Niłchí Diyinii bił hólǫǫ’ doo.” (Diyingo Naʼnitin dóó Bee Ahadaʼdeestʼáanii 20:77).

“Hwinsékees diyinjį’ ąą’át’ííh, Diyin God yinizinígíí bikéhgo dóó bájólį́į́hgo t’áá anii át’éii bits’ąądę́ę́ hólǫ́, dóó ahéhee’ jinizingo dóó t’áá ákwííjį’ t’áá ałtso diné baajijooba’go, azhá tíhojoonį́į́h ndi, há’í’jolní, ba’át’e’ adin dóó diné t’áá ałtso bąąhjijoobá doo. T’áá háíshį́į́h díí bee hólǫǫ’ígíí ayóó’ílį́, dóó yá’ádaat’éhígíí t’ááyah jinizin łeh. Doo Niłch’í Diyinii haká’analwo’go hoolǫǫsgo éí atiin kézdonígíí dóó ałtsoosígííjį’ joogaałgo doo hábiigha’da.

T’óó ahayóí bee nihiká’ádoolwoł’ígíí hólǫ́, ndi baa yiniił hasin, lá’í diné dóó hast’é ádahdoolzin da yidaahdookai’ígíí Yisda’iinííłii Jesus Christ nádaahdi. Lá’ídí kwe’é ntsaago ałah áleehdi hané yázhí, neeznaah at’éédké bąąh hané éí hágó dahbidoonííd, ndi t’óó ashdla’ t’éíyá hast’é’ádahdoolzin lá.

Nihil bee dah hózin láh diyin yá’nidahneezt’ąą’ yaah, doo sodizindi nidaakai da, tséłkee dóó diyinjį’ nanitinjį’ doo áájí ndaahkai da, hastóí doo diyin bibee ádziil t’óó naasgoo bił dah hoolzish, diné dóó asdzááni, bimá dóó bizhe’é tsénaa nidahasbáás yaah dóó diyin bighan ntsaadi diyin yił’áha’dahdeest’ąąn yaah dóó yikégo deeyikaah da.

Lá’í dá’oodlą́nii diyin kéhjį’ yitsá’heeskai háálá doo diyin kéhjį’ nidaakai dah, doo sodadilzin da, doo Diyin God bizaad dah yołtą́’ da, dóó t’ááłahjį’ bee iina łahgo andeedlééh da. Łá doo Bąąh dóó Tó diyin yiłáhádiit’anígííyaah doo chódahyoołį́į́h da. Lá’ ádaaní, sodizin doo nisinígíí bee dah hólǫǫ’ da, t’áá bí t’éíyá adaah nisídaakees, dóó doo diyin binánitinjį’ ałtsé yaanisédaakees, áádóó doo diné yiłnidaalnish dóó doo yiká’anídaajah da.

Ajooba’ dóó Diyin bidadzólí éí bideełnígo yá’anídoozkaí. Naaltsoos Mormon Wolyéhígíí binanitin,“ t’áá háíshį́į́h Diyin God yidahilí’ígíí éí yikihojídlííh doo” (Helaman 12:1). Diyin God yidahólí’ígíí dóó báyádaaltį́’ígíí binanitin dóó bibee haz’áánii yikéhgo deiyikaahígíí éí t’áá diné binánitin dóó binsíkeesígíí doo dahyoodląą’ dah.

Lá’í ákáh’adoolwoł nihiZhe’é Diyinii ayóó’óóní bee bá’ałchíní yaah yiislah áko diyin bighaandi bił yah ánidookai. Diyingo bee nahast’ą́hígíí éí Diyin God bájólíígo dóó bee hákáhádoolwołígíi chojoołį́į́h doo, dóó áláádí éí Yisda’iinííłii Jesus Christ niná’idlahígí chojoołį́į́h doo. Nigha sodizin,tah nitty naasgo nihikidhojidlee doo, doo diyin naa’ahalyaah doo, Jesus Christ biz he, binahji, aamen.