Yisda’iinííłii Nadaah Biniyéh T’áá ni Ba’ Hasht’é’aashdinééh

Shik’is dóó shiláhkéí, kóhoot’éédą́ą́’ Ghą́ą́jį́ yiziłgo, Naataanii President Russell M. Nelson nanihineezt’ą́ą́’, “K’ad éí ni dóó shí haast’é’adidiilnį́į́ł háálá Yisda’iinííłii Jesus Christ Ńdoodáałgo biniyéh.” Naataanii President Nelson Jesus Christ Naaki góne’ nadaahígíí yá halne’go ’aa ’ákó ba hózhǫ́ laanaa nizin leh. Ákó ndi, ła’ at’éé yázhí aníd shił hólne’ díí nitsináshtł’i’ naashdleeh Naaki góne’ nadaahígíí bá hane’go. At’ééd aní, “Binásdzid jó’ doo yá’áhoot’ééhgóó ’áhodoonííł t’aadoo Jesus nádaahgo.”

Doo áłchíní t’éiyá ’ákódeinízinda. Yá’át’ééhii na’nitingo bá dóó, ná dóó shá éí Hasda’iiníilii bina’nitin bik’ehgo joogaał. Bina’nitin éí doo doo bee hozinyęehda dóó doo nanitł’ada. Bikéé yiikahgo éí doo nídeełdzid da éí doodai doo nitsinadeeltł’i’ da.

Díí Bina’nitin bikééjį’ hahoolzhíízhgo, Jesus Christ nábi’di’kid hahgóshą́ níhaa nídeedáał. Áádóó áníígo, Yee naneeztáá’ táago hane’ bee ak’idi’dootį́įłii, Matthew 25 biyi’ ályaa, éí hait’áo díí hasht’e’ádadidoołnííł Bidááh nidoohkahígíí biniyé — éí díí Christ Ńdoodáałgo éí doodai niyi’ iiná nanit’į’ silį́į́go. Díí binanitin éí t’áá ííyisíí deeno’ta’ jo’ íína’ ajił’ǫ́’ binaji’ t’áá hwii hasht’eeshdilnééhgo Baash dogaał.

Hasda’iiníilii ’áłtsé ya’ halne’ díí bee nanitinígíí ch’ikéí neeznált’éego baa hane’. Díí hane’ bee ak’idi’dootį́įłii biyi’ éí ch’ikéí neeznált’éego iigehdi nda’asdę́ę́’. ’Ashdla’go dahóyánígíí éí ak’ah iih nídoodziłígíí deiniijaa’ díí bee hool’iní ba, dóó ashdla’ doo ádahalyánígíí éí ak’ah t’áádoo deiniijaa’da. Ákohgo iiyehii níyá baa hóone’go, ch’ikéí doo ádahalyánígíí da’dikai ak’ah nideiyiiłniihgo. Díí nákaigo, doo bííghah da silį́į́’, dáádílkał bich’į́ hodílzingo áłah ná’ádleehígíí bich’ą́ą́h dah deeskaal

Jesus t’áágo hane’ bee ak’idi’dootį́įłii nihich’į́ ch’ííní’ą́ áko nihíká’adoolwoł. Yaa koní:

Bóhólníihii áníí lá, “Áádóó beiníłką́ągo shi’ayóó’át’éii bee nanísdzą́ągo, neznált’éego ch’ikéí baa hane’yę́ę be’dool’nííł.

“Haalá dahoyąnii dóó t’áá aaníínii nideidiiláhíí, dóó Diyin Ii’sizį́ yinahjį deiyikáhii, dóó t’ahdoo doo yá’át’éehii bida’didléeh dahígíí—ts’ídá yéigo anihidishní, doo k’ídahidoolniił da dóó doo kǫ’ biihidooltł’íł da, ndi éí Bóhólníihii dííjį́ yił dahólǫ́ǫ doo.”

Kót’ao aní, doo éí yá nídajíldzid da éí doodai doo nitsininádájíltł’į’da jó’ hasdáhazhdookaa dóó náásgóó ada’jit’į́į doo. Bik’eh daazhdeesdlį́į’do.

Dáhoneeyą́ago éí “t’áá aníinii nihaa doolyééł Jesus Christ bizaad bee diyin kʼehjí bibeeʼádziilgo dóó bił aha’deet’ąnígíí nízhdiiléé. Áádóó, Diyin Niłch’ihii bąąh nideilnishgo áko t’áá akwííjí nihił hólǫ́ǫ’ doo. Díi bee hólónígí éí t’áá’ła’í nídzínígo dóó t’áá hwiih ájit’éego, bee nishóhoot’eeh. T’áá áłahjį’ dóó t’áá’sáhí siidzihgo dóó táá hwiih ałhił’ídlį́ ájil’ǫ́’ Diyin Íi’sizį́įnii náásgóó niwoolóós.

Táá’ góne’ bee haz’ánígíí Jesus yaa halne’ígíí éí yooch’iid bits’aaji’ nákai. Yisdá’iiníiłii ha’adółzííd adííniid:

“Ádaa ádahołyą́, ákó diné doo ła’ yóó’adanihidínóo’ah da.

“Lą’í shízhi’ yee ádadójíigo nidahidookah, Shí Christ ásht’į́! daaníigo, ákó lą’í yóó’adeidínóo’ah.”

Yisdá’iiníiłii ááydą́ą́’ bił beehozin díi nábininíi’aa’ígíi dine’ yinda’alo’go dóó lą’í akéé’naazíinii yinda’aslo’do. Áádoo daodláanii díi t’áá ’ádzaagóó diyinji bínahodi’niltin ’ádeił’įnígíí dóó t’áádoo kǫ́ǫ́ ndákai honoojí nahalingo éí doodai dahooghan ninideił’inígíí biyi’ yooch’íidgo ninideinitinígíí.

Naaltsoos Mormon Wolyéhígíí yína’niłtin haitéego ’ał’ąą át’é díi binda’adlo’ii dóó Diyin yikéé’naazíinii hait’ao beehozin. Akéé’naazíinii áakó Diyin God dayoodlá da’níigo dóó Bá ndaalnish dóó yá’át’ééhjigo ’ádeił’į Doo éí niyíndáazhdoo’lo’ da díi ba’íidoodlíił há’dádini’tį́ dóó bina’nitin nínidadíyééł oodlání Hasda’iiníilii yikee’ naazíinii bits’ą́ą́dóó.

T’áá ałahdi diyin bighan ntsaadi yá’aneehjaahgo éí náʼadlo’ bits’ą́ą́ji kódeil’íído. Díi nihíká ’análwo’ ákó holaago nihił’ ehozindoo dóó nihich’ą́ą́h naagháa bił aha’deet’ą́nígíí ła’ yits’ąągi’ ’anhosingo.

Díi t’áá ’áyísí na’nitinígíí bídahwiil’aah díi ch’ikéí neeznált’éego éí jó dahwiinííyą́ą́go bina’nitin nihee yiila’ dóó Diyin Íi’sizį́į nihił hólǫ́ǫdo bíká ádeit’į́ dóó yooch’ííd bits’ą́ą́ji. Díi ’ashdla’go ch’ikéí dahóyánígíí éí ’áádoo akahkǫ’í bee ád’ádinígíí deiniijaadaígíí yiká ’iijee’da; doo éí ya ła’ bina’nitin ná’ bił níidoo dóó Diyin Íi’sizį́į kǫ́ǫ́ nihóolóósdo dóó yooch’ííd bits’ą́ą́ji niha kǫ́t’į́ doo. T’áá nihi ádéét’į́į́go t’eiyá.

Hasda’iiníilii tálent bina’nitinígíí ya’ halne’. Díí na’nitin biyi’, hastiin le’ béeso ’ał’ąą ’ádaat’éego tálents wolyé’go. táá nidaała’ii yich’į́ neeznii. Ła’ nidaała’ii éí ’ashdla’go tálents yeenil, áádóó nana ła’ naaki yeenil dóó táá gone’ éí t’áálá’ígo yeeni’ą́. Náás hoolzhishgo, ’áłtsé naaki nidaała’ii bee yít’nildó éí naaki ahą́ą́h nániilyáago bighą́ą́h áyiilaa. Ndi táá góne’ nidaała’iígíí éí bitálent łeeh yiyí’ą. Táá ’áłah nidaała’ii naaki ahą́ą́h nániilyáago bighą́ą́h áyiilaa yę́e, hastiin ani, “Áko hananit’a’í áhodííniid, Yá’át’éhígi íinidzaa, yá’át’éehgo índa ba’ahódlíigo naal’a’í nílíinii; t’įįhdígo bee na’ahoosdli’ígíí yá’át’éehgo ninaanish silį́į́’, k’ad éí lą’í bee nóhólníihgo ándeeshłííł; ninanit’a’í yaa bił hózhóonii bee ná’íldįįh doo.”

Hastiin díí nidaała’i bitálent łeeh yiyí’ągo yá’nééłhaał kóniigo “t’óó na’ih dóó ’ayóo nił hóye’.” Díí nidaała’i bitálent bits’ą́ą́’ níndeidííl lá’ dóó ch’íbidílghan. Haash la’, nidaała’i bitálent naaki ahą́ą́h nániilyáago bighą́ą́h áyiilaa goshą́’, bí ’ałdó’ yá’át’éhígi adzaago bee háhódzíín dóó ba’doolyééł nt’éé’.

Díí hane’ bee ak’idi’dootį́įłii éí Diyin God t’áá aaníinii e’íílį́į́ niheinílá’ígíí t’áá íiyisíí yéigo ak’ijidlí’, ’ákóndi doo éí ya bee e’íílį́į́nii nanała’ bił ałghą́ą́h ninádéénil da Nizin. Díí ba’ ákwiinzin Hasidic 1800 náahai yę́ędą́ą́’, Anipoldi Zusya ólta’i nilinígíi ba’ hane’. Zusya éí olta’í nil’ǫ́ ayóó beehó’dilzingo naaldzid anoonééł yich’į’ deeyáago. Bikéé’ naazíinii ninidábidééłkid, “bóhólníihii, ha’át’íishą biniiyé dadinitsxis? Yá’át’éégo ni ’iiná iníilá’; ákó Diyin God shíí t’áá íiyisíí yá’át’ééhígíí néiidoolééł.”

Zusya ani: “Diyin God áshídiníidgo, ’Zusya, ha’át’éegoshą’ doo naniłá’ Moses nilį́’da?’ Adidíish níił, “Jó’ ádoo shiiʼ sizíinii bá’dzólninígíi sheinla’ da díi Moses beinla’ígíi.” Dóó kwe’é Diyin God bidááh sézį́į́go dóó Ani, ’Zusya, ha’át’éegoshą’ doo naniłá’ Solomon nilį́’da?’ Adidíish níił, “Jó’ ádoo Solomon bits’ą́ą́dę́ę́ bee éédahózinígíí sheinla’ da.” Ákó shą́’, ha’át’íida deeshniił Áshiilaaígíí bidááhdóó sézį́į́go dóó shiłníigo, ’Zusya, ha’át’éegoshą’ doo Zusya nilį́’da?’ Ha’át’éegoshą’ doo hastiin diileeł biniye’ nanila’ígíí t’áadoo sinilį́’ da?’ ’Ąą’, éí biniinaa dadinitsxis.”

T’áá ’áánii, Diyin God bąąh nidahwiiłkaad dii doo bada’ííníidlíigo Hasda’iiníilii be’woosbą’, dóó be’ajooba’, dóó bidiyingo jooba’ t’áá íiyisíí yéigo e’íílį́į́go binahjį’ niheinílá’ígíí. Bee Ayóó’ó’ó’ni’ nihiká’ análwo’go, t’áá íiyisíí t’áá nihi anitéego yá’át’ééh danidlį’do Nízin. T’áá ’ał’ąą niheinílá’ígíí bee hahodoolzhish nidi éí doo bi’deit’į’da Bich’į’. Ákóndi nihi ch’į’ shíí teiya.

Ałtsxo’jį’, Hasda’iiníilii dibé doo tł’ízí bina’nitinígíí ya’ halne’. Ákohgo Bí ayóó’anoolníngo nídoodááł., “Áádóó ał’ąą dine’é t’áá ałtso t’áá’łá’í’ ninitį́į́go áłah íidoolííł, índa na’niłkaadii bidibé éí tł’ízí yits’áyiiníłígi át’éego, éí t’ááłá’í nítínígo ałts’áidoonił: dóó nish’náájígo dibé ’ahanibidi’neelkaad dóó tł’ízí éí nishtł’ajígo

Nish’náájígo danilínígíí Bił hazʼągi dayoosbą́, dóó Nishtł’ajígo danilínígíí doo ła’ baa dadeest’ą́ą da. Hait’ao bee ééhózingo éí dichin Nizingo dá’ts’į́’ ya’dá’íístsóód dóó Dibáá’ nizingo dá’ts’į́’ tó beeką́ dóó De’áyoní nilį́į́go dá’ts’į́’ bá hooł’a’ dóó Áá łichíí’go dá’ts’į́’ éé bee yiníl dóó Daatsaahgo éí doodago Awáalyaa góne’ Sidáago dá’ts’į́’ banidaneeztą́ą’.

T’áá ałtso dine’ nisi’íldee’, t’áá ’ałch’ishdę́ę́’ la’ nish’náájígo dóó nówóch’í nishtł’ajígo. Nidadééłkidgo hádáá’ éí doodai doo la hádáá’da, ch’iyáán dóó tó dóó éé Bee yinil éí doodai Bikáh ádááswod Bich’į anahoot’ígo. Hasda’iiníilii ni, “T’áá’aaníí ándishní, nihí t’áá díidi nihík’is a’óhsilį́į’gi bee biká óołwodíí, nihí t’áá akót’áo shiká óołwod.”

Bee nánít’ínígíí t́áá baahoziníígo halne’: ła’ biká ’andeelwo’go, Diyin God bá nideiil’a’;doo adeet’įigo, nihanáhodóokał. Bee danóhłinígíí, daohchį́į́hígíí dóó ádaoł’į́nígíí chodaoł’į́į́h Nízin ákó NihiTaa’ yá’ąąshdi hólóonii bá ’ałchíní bee bik’idajiniidlíido Diyinii bee íizhdoolííłígíí jinizingo naas bee ’aazhdolwoł éí díí saad ła’ bee hoot’į́ ya’halne’ 1900 náahai yę́ędą́ą́’ díí Johan Ludvig Runeberg saad Finnish bik’ego ayíílaa. Bił háájéé’í dóó shi ałchíní danidléedą́ą́ díkwíídi shį́į́ saad “Farmer Paavo” nideesííłtsąąh. Saad biyi’ ani, Paavo k’e’diléhe baa hojooba’ii nilį́įgo be’esdząą dóó bá ałchíní yił bighan tó binaagóó Finland ałnį́į́do ha’hódzódi. Díkwíí shį́į́ náhai, k’eh dadíísyáneeh naastséédgo, díí daango yas nídaalyį́į’ígíí yę́ę adahaaz’éél éí doodai shį́go níló tsoh ninahałtį́į́hgo éí doodai ’ániid ’aak’eego shó bee natį́į́h. ’Akonee’ nihilzhíshgo ’álch’į́dí nida’nt’ą’go, k’e’diléhe be’esdząą ani, “Paavo, Paavo, niladó doodah da hastiin sáni, Diyin God yóó’anihidíí’ą́ą.” Paavo, doo bee ’ihodiit’i’go nahalingo yich’į́’ hanádzíí’, “Tsin bahásht’óózh ak’áán bił ’ałtah bááh bee ’áníléeh ákó ałchíní doo dichin danil’į́’da. Dá’ák’eh tó’zhó’ sinilį́’iigíí yéego bá’dishgeed. Diyin God nanihínítááh, ndi nihá’ Shoidoołt’eeł.”

T’áá ’ákohgo k’eh dadéésyáneeh nínádatséédgo, Paavo be’esdząą yina’neezt’ąąh tsin bahásht’óózh naaki ahą́ą́h nániilyáago ak’áán bił ’ałtah ’áneil’į́’ ákó doo dichin danidzin da. ’Aadóó yéego naalnish, tó yá nida’azígeed áko daango doo ádáhódó’ółda dóó doo ’ániid ’aak’eego sho bee dootį́į́łda.

Díkwíí shį́į́ nanáhai ti’hoo’nííhgo, ’ákó nda’ Paavo t’áá íiyisíí yá’át’ééhgo aneest’ą. Be’esdząą ani, “Paavo, Paavo, díí k’ad bahózhó! K’ad tsin bahásht’óózh ch’íd ’aho’diiltł’iił dóó ła’ baah t’áá ak’áán bił ’ályaaígíí t’éiyá dootíís. Ndi Paavo be’esdząą bila’ t’áá hózhǫ́’ógo yiyííłtsood dóó ani, “T’áá ’ałní’idóó ak’áán tsin bahásht’óózh bił ’áníléeh, jó’ nihighagóó bił danihighanhígíí bidá’ák’eh daasdlį́.” Paavo dóó bighandóó yił háájéhígíí ba’indeel yę́ę díí bighagóó yił dabihighanhígíí baanahóókad dóó bich’į́’ náhwii’náago yika’eelwód.

Bíhwiidoo’áłígíí éí Hasda’iiníilii dibé doo tł’ízí binanitin díí nihee yílyáhígíí chodaol’į́—hoolzhishígíí dóó bá áda’iil’į́į dóó ba’kidjidlííhígíí—Yá’ąąshdi Honílóonii bá’ áłchíní bąą áká andeelwo’, t’áá íiyisíí yéigo bádahijooba’í dóó bich’į́’ andahaasti’ígíí.

Wóshdę́ę́’ bidishni áłchíní dóó nihich’į́’ t’ááłá’í nísózinigo, kwee’é áłtsé diniid, Jesus Christ bikéé’ yiikah dóó Diyin Íi’sizį́į ba’íinóhłí t’áá hak’is náhaló’. Ła’ ayóó ádano’níni dóó Hasda’iiníilii ayóó ádayo’nóo bada’íínołí. Diyin God nidolóósgo hanítá ákó e’ííłį́į́ nooseel dóó ła’ diné bikaʼánanilwo’go, ’azhą́ nanitł’á’ ndi. Hasht’idít’é ákó Hasda’iiníiłii bidááh dinááł dóó Naat’áanii Nelson bił ha’óníłíigo nihił hózhǫ́do. Bik’ehgo íínit’ǫ́’, nahasdz’aan hasht’e ’ałne’ ananiłwǫ́’go díí Jesus Christ Ńdoodáałgo bitséde’ ba’, dóó ákó nich’į́’ nik’ihójisdlí’ bił t’áá íiyisíí laanąą hasingo háá’áyį́į́h dóó ił hózhǫ́ Diyin bighan biyi’ ya’ádínaał, k’ad dóó naasgo.

Sin aniidí bee dahwiitaałgo:

Jesus Christ bízhi’ binahjį’, amen.