Áłchíní Yázhí Nahalingo

Jesus éí ats’íís k’ehgo bee iiná akéedi nááhááhgo Bihastóí Naakits’áadah Bik’ihodiinii’ígíí íiyisí nei’diniitą́ą́’. Ndi Bina’nitiní dóó Binahagha’ náásgóó doolwołgo, hastóí naakits’áadah t’áá diné ádaat’éégo dabijéí na’nitiní ła’ náaná bi’dadoo’niłgo t’áá naadiin dóó bí’aan dį́į́’ ndeeziłgo doo hazhó’ó Yéédahoosįįd da.

Ła’ jı̨́ı̨́go Jesus éí Hastóí Naakits’áadah ałhinídadiiltłáádgo jiiłtsą́ dóó t’ah íinda na’íjídééłkid, “Haʼátʼíí baa nídaahtʼı̨́ı̨́ nítʼééʼ?” T’áá ashjání ya yádaniizíí’go, “tʼáadoo hadaasdzíiʼ da,” naaltsoos aníí. Ndi díí nda’nitiní biláahdi ájítʼéégo éí dahajéí biyiʼdi baa nitsídadzikeesígíí bił bééhoozingo dóó t’áá sahdi naazínígo ádaa dahaʼniihí ałtséedi biniitsįʼ daniichii’go yaa ákoniizı̨́ı̨́’. Ákogo “áłchíní yázhí łaʼ hágo bizhdííniidgo, …

“Áko ájíní, T’áá aaníígóó ánihidishní, Doo łahgo át’éego dahinohnáágóó índa doo áłchínígi át’éego ída’doołyaagóó, yá’ąąshii bee bóhólníihgo bił haz’áanii ts’ídá doo biih dadoohkah da.

“Éí bąą t’áá háiida díí áłchíní yázhígi át’éego a’ohgo ádaa nitsídzíkeesígíí, éí yá’ąąshdi bee bóhólníihgo bił haz’áanii biyi’di aláahgo ayóó át’éii jílį́.”

Saad áłts’íísí naaltsoos bikáá’ ádoolnííłgo Christ t’ahdoo bidichį́į́h yę́ę́dą́ą́’, Áláadi naat’áanii Benjamin dahdiighááhgo na’neeztą́ą́’ éí áłchíní yázhí bi’aʼohgo ádaa nitsídzíkeesii bił yiltą’go íiyisí yaa haadzíí’. Bikáá’go aní, “Háálá diné atsʼíískʼehgo ntsékeesígíí Diyin God yitsʼą́ą́jí nilį́, … dóó tʼáá ákótʼéego, ahoolʼáa dooleeł, tʼáá hazhóʼó … Bóhólníihii Christ bee nináʼílyáhígíí binahjįʼ Bóhólníihii yá sizį́ silį́įʼgo, dóó áłchínígi átʼé silį́įʼgo, akʼeh hółʼį́, … hojoobaʼ áhwiinidzin, … ayóó óʼóʼníinii tʼáá íiyisíí biiʼ hólǫ́, … áłchíní bizhéʼé [yikʼeh hółʼínígi] átʼéego.”

K’ad shǫǫh, awéé’ nahalingo ájoonííłii t’áá bééhozínígo éí nihí bee ádadoołííł doo nihidii’níí da. Naadiin dóó bí’aan ashdlą’ nááhaiyę́ę́dą́ą́’, shitsoi ashkiígíí táá’ bibádí ashdlą’ binááhaigo bigaan yishhash. Shihá’áyééh, kóne’é tł’eego áłchíní yaa’áhályą́ą́go, bił yéé’go ádił niʼiidzííh yóóʼahidíʼaah t’áá at’é binda’nitiní yaa niséekees yíneel’ą́ą́go bitsi’ na’neeztą́ą́’, bitsílí agaan ła’ hwiidoołhashígíí hait’ée do doo shį́į́ bił bééhozíngóó éí jiniizį́į́’. Éí azhe’égo t’áádoo baa niséhékeesí saad yee haadzį́į́’ígíí éí t’ááłá’í, éí dooda t’ááłá’í dóó ałníí’ dah da’alziní adeeskidgo t’éí bá ádzaa, áádóó k’asdą́ą́’ tsésǫ diitaa’go áłchíní da’nijahí gone’é hajíícha, kóne’é shitsoi at’éédígíí t’áá hazhǫ́’ǫ́go ání, “K’ad éí bił bééhózin.”

Ákogo, ha’át’ííshą’ nihí éí áłchíníyázhí bee iina’ bibee ayóó ádajítʼéii dadinííl’įįł? Ha’át’ííshą’ t’áá at’é Naaltsoos Mormon Wolyéhígíí biyi’gi hojoobaʼgo nahaz’ą́ą́go Christ t’áá Bígo binééshtǫ’ deezna’? Jesus éí ha’át’íí yee na’nitin’go yá’ąąshdę́ę́’ bikǫ’ dóó diyin bá nda’al’aí ach’ą́ą́h ndaakaiígíí adah ayííł’aadgo éí áłchíní ahéédeezti’, diné daneeyánígíí “niha’áłchínígi danół’į́“ yidííniid?

Díí bóhoneest’ą́ą́go éí nihí doo nihił bééhózin da, ndi tʼáadoo bee bikʼíhótʼahígóó dóó doo bi’ádihodiiltʼiʼii daats’į́ nisin, bi’aʼohgo ádaa nitsíkeesii yił dabideezchį́į́go, áádóó ha’át’íí da éí bits’ą́ą́góó ndadiilyééł dooleełgo nihee’iina’ bił ndeikaigo.

Ha’át’ííshą’ biniyé dííshjı̨́ı̨́di nihił oo’ááłígíí éí “tʼáadoo biniyéhígóó edaʼalyaii bitʼáadoo biniyéhígóó danilíinii” bee nihi’dóójí? Haashą yit’éego díí “tʼáá ádzaagóó nitsídaakees daazlı̨́ı̨́ʼ dóó diné bee da’áłchíní t’óó ádaa haʼniih” dabizaadígíí éí kin ayóó at’éego dóó ntsaa nahaz’ą́ą́go yee yaa dahalne’, Lehi biyi’ bił ííshją́ą́ ályaaígíí ts’ídí diyingo daaztsą́? Áádóó Zoramites, éí dah yikahígíí t’áá bí t’éí ádaa nisídaakeesgo sodadilzin? Éí Alma yaa yáłti’, “O NihiTaa’ Diyin God, bizéé’ yee nich’į’ sodadilzingo, ádaa dadzódlíigo … nihookáá’góó tʼáá ádzaagóó edaʼalyaii bił.”

Łahgóó níl’ı̨́ı̨́go, áłchíní sodilzingo, éí ła’íísh łikaníígíí, ła’ nááná niłtólíii ádaatʼéígíí, éí dooda ła’ nááná ayáhígo íʼdílnéehígíí náá hadlǫ́ǫ da? Yá’ąąshdę́ę́’ da’nijahí góne’ hazlı̨́ı̨́’ nahalin. Diyin God dóó Christ éí íiyisí t’áá aníí hólǫ́, ndi diné náásdi bágo, bił ííshją́ą́ é’élyaaígíí t’óó náaná bił ádaadzaa daniizįįh.

Elder Richard L. Evans hastą́diin nááhaiyę́ę́dą́ą́’ ádííniid: “Nihí éí Oodlą́ní daniidlı̨́ bee háádeidzih, ákondi nihí … doo bił ndeikai da. … Nihí Bich’į’ aʼohgo ídiníílzin, ndi doo bikéé’ ndeikai da. … Yee haadzı̨́ı̨́’éé bee háádeidzih, ndi doo bik’e neidáá da.” “Nihí Éí tʼóó nihił dahóóyóí, ndi doo Bich’į’ sodiilzin da.”

Haashą’ yit’éego iiná ałʼąą ádoonííł nihookáá’góó Jesus ade’ádayósin dooleełę́ę́ óódziih na’łchǫǫhí t’éí ałkéé’ hahadzóóh bee nihił deilkeed.

Ndi áłchíní t’áá aníí Éí ayóó’ó’ádayó’ní, dóó éí ayóó’ó’ó’ni’ ła’ da’ahilk’éíígíí iiná bidaané’é bá haz’ánígi biyi’ náásdi bił doot’i. Bee nihoot’ą́ą́go, ániid béédááhaigo ndi, áłchíní ayóó’ada’ó’ní doo bá ndanitł’a da, t’áá tsííłgo há yóó’adadi’aah, bił nidahoozhǫǫh ndaadlohgo ajéí íiyisí sik’azgo yíítł’izgo ndoołhįh.

Ákogo, bił ła’ náaná bíhidiidzóóh. Niłtólíii? Ba’ódlí? Bich’į’ Hadził? Át’éegi?

Shił dookah NihiTaa’ God bidááhdóó aʼohgo ádaa nitsíkeesii ła’ diné ánii naaghá, íiyisí shik’is nilį́į́go yee áyiilaa dadinííl’įįł.

Yasniłt’ees ashdlą’, naadiin dimííl yázhí dóó bí’aan naadiin ashdlą’ nááhaiyę́ę́dą́ą́’—náhást’éí dóó bí’aan t’ááłá’í yoołkááł yę́ę́dą́ą́’—Easton Darrin Jolley Diyin Bibe’adziilii Aaronic bik’ihodiinii dóó Jesus Christ Binahagha’ Akée’di Dayoołkáałgo Yá Naazínígíí biyi’ deacon ho’doolzį́į́’.

Easton éí Bóhóníihii Bidiyingo Adą́ bibááh dóó tó bik’ih sohodizin diné yitaa dookááłgo hanizáájį’shį́į́ yiká niizį́į́’. Ndi díí diyingo bihóhéedzą́ągo éí doo yee íidoolííł da hwindzingo habid biyi’ doo hats’ííd da bił náhádzidgo bił yéétą’, t’óó bída’jiits’i doo éí dooda bí dóó yił dabighanígíí yayádadínóozįįł.

Nił’į́ shǫǫh, Easton éí naałniih ákótʼéhígíí doo lą’í hólǫ́ǫ́ da dóó tsʼídá hodoołchxǫǫłii bidííłnii’, Ullrich congenital muscular dystrophy wolyéego adoh bee bich’į’ náhóót’i’. Ániid nagháago bee iina’ t’áá yéego bichʼįʼ hwidiizʼnáá’go bił háde’ ádzaa náasdi bibíká hoł chohooʼíinii dóó baa nidziizyeel yę́ę bits’ą́ą́’ dadiitaa’. Hodíína’go doo nikináádidoodááłgóó ił naalbąąsí bii’ jinóódaał. Yił dabighanígíí éí bikéedóó áhodoonííłígíí doo yaa yádaałti’ da.

Bik’ihodiinii’ bikéedóó Dimóo góne’é, Easton bááh dóó tó bik’ih sohodizin diné yitaa dookááłgo áłtséedi bich’į’ hayííłką́. Áádóó bidááhgóó jidoozįįł dóó díí dadiyingo bee yitʼį́įgo béédahániihii bizhe’é bich’į’ dookááłgo éí t’áá sahdi jiniizı̨́ı̨́ʼ, biward bishop nilı̨́įgo. Jílééhígíí nayólíigo yibaʼ ájitʼéego, yaa ná’oozkąn dóó yá yighadiʼnítʼą́ dóó yaa yícha dóó yaa ná’oozkąn, doo haida bá lą́ adoołeeł da nayólíígo, doo haida bikáá’ adoolwoł da. Biniyéhígíí t’óó ayóí hólǫ́ǫ ndi, t’áá sahdi jiniizı̨́įʼgo, t’áá sahdi ázhdoolííł dóó doo bíkáá ádoolwoł da jiniizı̨́ı̨́ʼ.

Priest’ígíí bááh nayiizt’i’ dóó yiki sodoolzingo bikéédóó—Christ bits’íís neheeztǫ’go éí diyingo bee yitʼį́įgo bééhániihii at’é—Easton, bits’íís neheeztǫ’go, na’niłwodgo bee na’akáhí náídiiką́. Akót’ée ndi, sodizin bá hoghan bii’ álah ná’ádleeh ni’góó dóó bikáá’ na’azı̨́ı̨́gi yádaałt’i’jį’ éí bá bííghahgo táádi dah nida’diltałígíi nízáád. Akóhgo, bee na’akáhí náídiiką́ą́go bikéédóó, déego yíneel’áníjį’ deezts’ǫ́ǫ́d dóó bibee na’akáhí nít’iígíi bikáá neiní’ą́. Akóhgo, dah nida’diltałígíi wódahdiígíí ła’ yiką́ą́’ dahneezdáágo, bila’ t’áá ałch’ijí bijáád nisną́ą́jígíí dah nida’diltałígíi áłtséígíi yiką́ą́’ hayííshóód. Áádóó bijáád nistł’ajígíí dah nida’diltałígíi t’áá éídígíí yiką́ą́’ hayííshóód, dóó akóhgo déego náásgóó áyooliił, yiníłjilgo, t’áá sahdi biDził Everest táádi dah nihidiiltáálgo yiką́ą́’ hááswod.

Ła’ íí’áágo yich’į’ ee’na’go níyá yinahjį’ neidoodzįįł biniyé. Bee na’akáhí yich’į’ náádzá. Díkwííshı̨́ı̨́ dah nihi’diiltáálgo dóó bibishop yidááhi yiizį’, bizhé’é, éídígíí, binééshto’ bináá’ hoditłéeʼ dóó binii’ bąąh náálı̨́įgo, haye’ ádihodiiltʼeʼgo chánah íʼdóólzin dóó oodlą́ą́go hazéédoochiłgo ndi nat’ą́ą́’ jósin. Áádóó Easton, binii’ ałtso bił nihoníyáago bik’ee hwiih jizlį́į́’ dóó hóteelgo joodloh, t’óó daats’í didooniił, “[Shizhé’é] ayóó ánítʼéego áshł’aa, dóó naanish [shaa dííníʼánígíí] ałtso łaʼyishłaa.”

Óódlą’, baʼahódlíii, niłtólíii, haa dzólí, ił ídlı̨́ı̨́jí, dóó, akéedi, éídígíí bizhé’é ayóó’ayó’níigo éí yaa bił hózhǫ́ǫ doo tsʼídá yídin niizį́į́’. Díí dóó naakiits’áádahgo ła’ bee áníít’éhígíí éí nihí ałdó’ adii’ní “Éí bąą tʼáá háiida … díí áłchíní yázhígi átʼéego aʼohgo ádaa nitsídzíkeesígíí, éí yáʼąąshii bee bóhólníihgo bił hazʼáanii biyiʼdi aláahgo ayóó átʼéii jílı̨́.”

Shilahkéí dóó shikʼisóó dóó shik’is, nihił ííshją́ą́ ádaalyaayę́ę́ awéé dóó áłchíní dóó anoosééł éí wódahdi danilı̨́ hoł béédahózin dóó doo bą́ą́h dah íílı̨́į da dííshdi baa yáti’ę́ę́. T’áá aníí adishníígo NihiTaa’ God bił haz’ą́ą́di nahasdzáán bikáági t’áá átʼé bee bidziil dóó baa hózhǫ́ní nihił ííshją́ą́ ádaalyaa.

Hazaad t’áá aanínígíí t’áá éí diyingo, t’áá aníí baa hodeeshne anoosééł nilı̨́įgo, Joseph Smith ha’át’ííshı̨́ı̨́ jiiłtsą́nę́ę́ jiiłtsą́ dóó yił ałch’į’ haadzíí’ę́ę́ ninę́ę́ yił ałch’į’ haadzíí’. T’áá aníí adishníígo aʼohgo ádílzin dóó niłtólí Russell M. Nelson éí diyin yá yáłti’í dóó bik’i hodiinii’ dóó haʼalyéí nilı̨́. Naaltsoos yíníshta’go shee’iiná biyi’ shił hodeeshzhiizhgo, éí t’áá aníigo bee baa hodeeshneʼ Naaltsoos Mormon Wolyéhígíí éí íiyisí aa’ilyéí naaltsoos yííłta’ dóó shighandi áhoołts’íísígo tʼóó ahayóigo dahooghan nahaz’ą́ą́go tʼáá ałtso nihinahaghaʼ bídéétʼiʼígíí átʼé. Shí éí bee baa hodeeshneʼ éí diyin be’adziilii dóó sodizin éí shee iina hanáádilnééh—Christ bidiyin bibe’adziilii dóó nihisodizin. Shí éí díí t’áá at’é shił bééhózin t’áá aníí ádaat’é dóó t’áá aníigo bee baa dahodeeshne íiyisí baʼahódlíii dóó hojoobaʼ áhwiinidzin t’áá at’é NihiTaa’ God dabiye’ bizhi’ binahjį’ dóó —Alpha dóó Omega, Ayóó Átʼéii Nishłí, tsin ałnáoszid bąąhjįʼ shił oʼoolkaal, shee óodlą’ binahjį’ yiiłtsą́ągo nishłí—Bóhóníihii Jesus Christ éí ndi, Tʼáá ákótʼée doo.