“Shiigha’jį’ Áninaah”

Shik’is dóó shilakee, ahéhee’ nooyáhígíí díí 186 Nahááh Ntsáo Áłah Alééh Jesus Christ Binahágha’ Dayoodlą́nígíí. Díí Bí biSodizin Bá hooghan. Áłahsíídlį́į́h kin dóó hooghan nahasdzáán bikaagi bizhí binahjí ádeełné.

Diyin bízhi’ ákididíít’aago inda bił haz’ą́ądi yah adiidáał. Diyin God biYéh át’į́ naadiizą́h dóó bitsádinidíín. Nihi bíla’ashda’ii éí aniné dóó bąąhigiat’éii niheii hólǫ́. Ndi, ayóó’an’hó’ní, dóó hágo shííghago nininaah.

“Shiigha’ áninááh dóó shí níígha’jį’ ádeeshááł; yéego hashinítah dóó shik’ídiinááł; yinkéédígíí naadoolyééł; naníłtsingo, dóó nich’į’ ’ąą’ ádoolnííł.”

Łahda Jesus Christ t’áá ayidídoo nihíígha hólǫ́ǫ́’ łeh. Ndi ładí t’áá kwe’é nihich’į́ nahwíínąągo, nizaadi naagha niidzin łeh, dóó daatsí bił beehózin nihijéí biyídi’ígíi dóó ayóó’an’hó’ní daatsí.

Yisda’iinííłii hágó nihił ninígíí éí ayóó’óó’ní yił hágó nihiłní. T’áá akwííjí bineeniihgo t’áá ayidigo bił needahoo. Diyin bizaad jołt’ágo ałdó t’áá ayidigo naagha łeh. Yéígo nihijéí biyídę́ę́’ NihiZhe’é Diyinii bich’í sodilzingo áko biYeh t’áá ayidigo nihił naaghaa doo.

Doo nantł’ahgoo bąą nisí’íkéésgo át’é. Díí akójíít’ííh doo hak’is t’áá hódíínah yaahdą́ą́’ joo’ííhgo. Bikidiníit’ááłgo bich’į́ hadíídzih, dóó bizaad yił nizhóní doo, dóó t’áá ałtsohjí biká ádiilwoł.

Lá’ádi akójít’į́į́hgo, ayóó’óó’ní bidziil yilééh, dóó t’áá aysíí’ ayidigoo ak’is jilį́į́h yiłééh. Ndi nizaad nahajiishgo doo ałch’í hojilnégo éí dóó yéígo ak’is ádlíyaah doo bidziil dah yilééh.

Jesus Christ t’áá aniitso ayóó’á’yó’ní. Woshdę́ę́’ t’áá ayidigoo shaa hókaah. Jo t’áá ákot’áó hak’is baa áhójilyah łeh, ałjishyájilt’ígo, dóó Diyin God bich’i sodizingo, dóó yeeh hwiłhané’ígíí bikéhgo joogaałígíí biká’ajiishts’ąągo, t’áá dóó hoł hozhǫǫgo diné bikáh anijilwo’go. Wónaasgoo nihikidhojidlííh doo áko t’áá ayidígo naagha łeh.

Ániinaashá’haadą́ą́’ Hasda’iinííłii shił hózhǫǫ’go t’áá ayidígo shiighágo naagha nt’ę́ę́’, t’óó ałtsíígo aashtínígíí t’óó bibeehas’ąąnii bikéhoniishį́ nt’ę́ę́’. Baah dóó tó bee hodiyingo éí hiłch’į́go baa nina’aldah nt’ę́ę́’. T’ahdíí bénaashnį́į́h, tsoosts’idiin dóó ba’ąą ashdla’ naahai yaadą́ą́’, tłóódí chahałheeł dóó deesk’aash. Bénaashniih diyin bisodizin góne’ haneeztóh háálá baa ákóníízį́į́h diyin bibeehaz’aanii bikéhoniish’į́ nt’ę́ę́’ dóó dahoodlání bił áłah silį́į́h bąąh dóó tó ádeelyaah Diyin God biłáhadiníít’á’yaah dóó biYé bee deelniiih dóó bibeehaz’aanii bikéhgo yiidaal doo.

Sin bee ałch’í’analnééh “Shił honilǫǫ’ doo k’ad éí hiłch’į́ hooleeł,” saad bee haniih, “Hasda’iinííłii t’áá shǫǫdi diitł’ééh t’áá shił honilǫǫ’ doo.

Azhá ashkii yázhí nishlíí ndi nilchłí násiinaah. Hasda’iinííłii bee áyóó’óó’nínii dóó t’áá ayidígíí nasíínaah Diyin Niłch’ínii binahjį’.

La’í naahai, aniinaashayaadą́ą́’ Bąąh dóó tó áłah álééhdi Yisda’iinííłii bíbee ayóó’óó’ní dóó t’áá ayididę́ę́’ nansiínaayaah nisingo baa nisiskees. Éí biniinaa bibeehazłáánii bikéhoniish’į́ dóó diyin bizaad biyí hanishtą́.

Luke binaatsoos biyi, yinishtahgo t’áá yiskanyaadą́ą́’ bidiiyį́ dóó Bits’iis éí tséní’ootseel góne’ adeestį́, da’oodlanígíí jikai, Yisda’iinííłii ayóó’á’da’jóní biniinaa, bits’iis ak’ah baa ádajidooleeł biniyéh jikai. Áádi jikai nt’ę́ę́’ tse nahji eelmáás lah, tséní’ootséél góne’ dahdeesį́į́h nt’ę́ę́’ bitsiis áádi adin.

Naaki diyin yá’naala’í sizį́, dóó nahwideelkid, há’átį́į́sh bee daaldzid, koníígo:

“Ha’át’íí biniyé dahiinánígíí andahaaskai bitah hadanohtą́?

“Jesus doo kwe’é da, nidi daaztsą́ą́dę́ę́’ náádiidzá: Gáliliidi t’ah naagháhą́ądą́ą́’ yee nihił hoolne’ígíí béédaałniih,

Áníígo, Diné biYé silį́į́’ii diné bąąhági ádaaníiłii bílák’eejį’ ninádidoot’áałgo tsin ałnáoszid bikáa’jį’ bił i’doolkał, áádóó tágí jį́ aleeh góne’ náádidoodááł.

Hiłch’į́go naaki idahooł’aahii Jerasalemdę́ę́’ atiinji naatassh Emmaus, nt’ę́ę́’ Diyin Naaditdzaahii bił dahdiikai.

Luke binaaltsoos biyídę́ę́’ hiłch’į́go bił yiikai:

“Ákohgo t’ahdii ahił hojilne’go áádóó baa níjít’į́įgo, nít’éé’ Jesus t’áá bí hwíighahgi yiizį’, áádóó bił nihijíkai.

“Nidi azhą́ jiníł’į́į nidi, doo bééhodzísin da áho’diilyaa.

“Áko Jesus áhodííniid, Ha’át’íishą’ bee ahił hołne’go woh’ash, áádóó yínííł nohłį́?

“Áko ła’, Klíyapas joolyéhígíí, hach’į’ haadzíi’go áháłní, Da’ t’áásh ni t’éiyá Jerúsalemgi łahdę́ę́’ naagháii nílį́, áko díí yoołkáłígíí biyi’ ákwe’é ádahóót’įįdígíísh doo nił bééhózin da?”

Yiniił jinizinígíí bee baa hójoolne’ Jesus daats’ah, éí Israel y

Haajooba’go Diyin hach’į́ haadziih háálá t’áá ájiłah yiniil bee jooaash.

T’áá naasgoo yiniishtahgo, saad shijéí yiniiłdóí, t’áá ashkii yázhí niishłį́į́’yaahdą́ą́’.

“Áko kin sinilgo jideeskaíjį’ áyídí hadziih: Nít’éé’ t’áá náás joogáał doogo áhozhdeeshchį́.

“Nidi náhojooskango áhojiní, Niha’ałk’ee niidoołkááł: háálá hííłch’į’ áádóó k’adę́ę e’e’aah. Áko ba’ałk’ee hwiidoołkááł biniyé bił yah ajííyá.”

Yisda’iinííłii yá’aasłį́į́’ yikéénaakai’ígíí bighan góne’ tł’ééhdi yah ííyah. Áádi yiłdah ííyąąh. Bąąh neidii’ą́, kiiyinit’į́go yásodoolzin, dóó haininił. Áko hanaa’ąą’i’dzaahgo, inda ba’hájoosiid. T’áá hanaał ásdįįd.

“Áko áhizhdi’ní, Atiindę́ę́’ bił yiikahgo nihich’į’ yáłti’go áádóó Diyin God bizaad bee ak’eda’ashchínígíí nihił ííshją́ą́ íyíílaago, nihiyi’di dooládó’ósh nihijéí dook’ą́ą́ł nahalin da nít’éé’?”

Naaki akéénaa’aashí tsxį́įgo Jerusalemgoo nahineelchaa’ dóó ła’tsáadah bił hojoolné hwiłáhoot’ííhígíí. T’áá baa hojilnégo Yisda’iinííłii hach’į́ íishjaní ádiilyaah.

Hatahsizį́į́hgo “kohodííniid, Bee nihich’į́ hodeesyéeł.” Áádóó ádahodoonííł nínę́ę yaah hoolné, nihá Nina’idahígíí éí t’áá ałtso Diyin God ba’ałchíní bá dóó anoonééł yá yikéhdeesdlį́į̨́h.

“Áádóó ábizhdííniid, Jó, bee ak’e’ashchį́, éí Christ ti’hwiidoonih áádóó tágí jį́ aleeh góne’ daaztsą́ą́dę́ę́’ náádidoodááł:

“Áko házhi’ bee na’nitingo łahgo át’éego tsínáhodiikeesgo bąąhági át’éii bits’á’iildééh índa á yóó’ahidit’aahii ał’ąą dine’é t’áá ałtso bee bił dahane’ dooleełgo Jerúsalemdóó hadoot’ih.

“Díí ádahóót’įįdígíí nihí oo’íinii danohłį́.”

Diyin bikéénaakai’í nahalingo t’áá at’é Diyin God ba’ałchíní tó bee bidiilzííhgo éí Diyin yiłáha’deest’ah ooíínii bá jilį́į́h doo dóó t’áá háíshį́į́h bich’íánahoot’í’ígíí biká’ánijilwo’ doo hwéé’íínah ninit’í jí. Naaltsoos Mormon Wolyéhígíí biyídę́ę́’ ałkidą́ą́’ Alma Diyin God baashádeet’ááhígíí yee nahneezt’ąąh To’ Mormon wolyéhígíí biighadi.

“Alma bina’nitin, “Nihí yee’ Diyin God bidideeshááł nohsin, dóó bidine’é bee nihi’dójí, dóó biyéél danidáázii biká ahiilyééd, akó aszólí ndahalééh doo;

“Aoo’, dóó yínííł danilíinii bił yínííł danohsingo bíká adoohjah; aoo’, dóó doo bił dahatsʼíidii bee bił hatsʼííd bee bíká oohjeeh, dóó tʼáá áłahjįʼ dóó tʼáá ałtsoní bii’, dóó t’áá ałtsogóó naháago bii’, Diyin God bá ndasoozį́, azhą́ ádin dasoolį́į’jį’ ndi, áko Diyin God nihá niná’nídláa dooleeł, dóó tsʼídá áłtsé náá’diijeehdi daʼnohtah dooleeł, áko hool’áágóó Diyin bił hinohnáa dooleeł.”

Biłaghadeet’anígíí baa áhójilyaahgo, Diyin God éí yeehaadziihígíí yikeesizį́ áko t’áá ła’í nolį́į́h doo áko niyeel azoli doo. Áko nizhonígo bee honizin doo, dóó holzishgo t’áá Bi nahalingo yinaał doo, dóó “hadinit’ééh doo.” Diné biká’ánanwógo, t’áá ayidigoo bighadi nanąą’ doo.

La’í diné ayóó’íí’ní’ni’ígíí diyin hool’aagoo bibe’atiinjí yitsáhaaskai. Baanisinkéés háíléét’áó nát’ąąh bił nideeskai. Né’oodla bee biká’ánanwógo dóó Diyin God ba’íínilį́į́hgo hazhó’ó bił nanish doo.

Bénahnííh daasí Diyin God yich’í haadziih, Joseph Smith dóó Sidney Rigdon Diyin yá’naalnishgo dóó nizaadi bá’áłchíní, “Shik’is Sidney dóó Joseph, niha’ałchíní éí baa áhá’aishyah dóó biká’ánaashwo’ doo, háálá shí éí t’áá ałtso shidziilígíí bee.”

Diné átídzaaígíí biká’ánalwógo, Diyin bibee’adziil bee niká’ánalwo’ doo. Ní dóó Diyin God bigaan ąą’áyosingo bá’ałchíní bee bikidhojidlí doo.

T’áá háíshį́į́h Diyin God yiłaha’deetanígíí bikéhgo diné yikéhojidlį́į́h doo dóó yiká’áná’alwo’ dóó dine’ biká’analwo’ doo. Áko bibee ayóó’ó’óó’ní nidahbiłnaago dóó bił dah hozhǫǫ’go t’áá ayidigo yichi’ádoogaał.

T’áá shí ooį́į́nii nishłį́ Diyin God Naadiitsah, t’áá naaki oodlanígíí Emmaus atiin yi’aashidigí’át’áó shił bee hózin. T’áá aaníí shił bee hozin, éí Bí hiná.

Díí Jesus Christ Bisodizin bá Hooghan át’é. Anihoot’aahdi t’áá aniitso Diyin Yisda’iinííłii bidaahdę́ę́’ yidiidziił. T’áá háíshį́į́h t’áá ayidíyééh Diyin yééh hóósin yá naalnishgo éí ayóó bił dah hózǫǫ’ doo. dóó díí saad yididootsííł: “Yá’át’ééhgo shá nan’ágo t’óó ahayóídi íínlaahígíí baa shił hózǫ́’.”

T’áá anii shił bee hózin Yisda’iinííłii naadiitsah, Jesus Christ bízhí binahji, amen.