T’áá Nihi’naa’ Bilíyá’jį́’

Shik’is dóó shiláhkéí, yá’át’ééh lą́’ nihił nishlǫ́’. Áyóó ádanihíínííní; naa ahééh danidzin, dóó nihisodizin ádaał’á’ígíí bee nihik’idhojisdlí.

President Russell M. Nelson yee haadziih ałtsé nitsáago álah siidlííh yaadą́ą́’: “Dao’į́įsh díí t’áá nihi’naa’ bilíyá’jį́’ ahooniłígíí daoį́į́da? Niha sodizin Be’aláadi át’éii baa nisókeesgo t’ánit’ééh doo doosí da! Diyin k’ad tsį́į́łó bina’anish yeeh naalnish.”

Tsį́į́łó Bina’anish Yeeh naalnish “Tsį́į́łó” ei saad t’áá ííyisíí ani. Éí tsį́į́łó nijíínao, k’íhineestahgo, dóó áádoo tsį́į́ł hóósihgoo. Sodizin bá hooghan nooseeł biyi’ dóó Christ binahat’a’, tsį́į́łó ahoonił. Dóó t’áá anííl tsxó bits’ą́ą́dǫ́ǫ́ danidlį́’.

T’ą́ą́chil 1834 biyi’, Kirtland, Ohiodi, Diyin yá yáłti’í Joseph Smith t’áá áłtso dine’ Diyin bibe’adziilii dadahyoolééłígíí áłah iyííl’á’ ólta’ bighan, díí’ts’ą́adahgo ’adées’eez dik’ą́ago biyi’. Dikwiidishį́į́ bilaah naakits’aadahgo ólta’ bighan biyi áłah na’ádleehígíí biighah, t’áá bił ła ’aa’ hazáago. Joseph Smith ani, “T’áá ałch’į́į́dígo Diyin bibe’adziilii dadahyoolééłígíí dao’į́’ ditł’éé’, ndi Sodizin bá hooghan America Náhookǫsjigo dóó Shádi’ááhjigo bi’ hádidoolbiił—nahasdzaan bi’ hádidoolbiił.”

Diyin bik’ehgo áhodooníłígíí ádzaa “t’áá nihi’naa’ bilíyá’jį́’.” Jesus Christ Bisodizin Bá Hooghan Dííshjį́į́góó Yá Naazínígíí ei nooseel díí t’áá ałtsogo nahasdzaan biyi’ sodizin bá hooghan da’atahígíí doo yił haajéé’i, Diyin yá nda’nitinígíí bá haz’ą́ągi dóó Diyin yá nda’nitinígíí, sodizin bá dahooghaangóó, dóó Diyin bighan dantsaaígíí, dóó Seminary biniye’ naaltsoos hadéédiilá’ígíí, neeyá nahagha’ bínaniltinígíí dóó hódago daólta’ígíí bee.

Bá’ áhééh hwiinidzin nahasdzáán t’áá bikáa’ nideekaigo díí Sodizin bá hooghan dah’ooldahígíí yéigo nitsaa yileeł dóó bee na’íilnági, ndi t’áá ííyisíí sodizin bá hooghan da’atahígíí dabijéí biyi’ dóó íína’ bee át’é. Jesus Christ bikéé’ naazíinii danidl’į́į́go bee niheehódóólzin. Biba’hane’ t’áá aanínígíí, BiSodizin bá hooghan, Ííł’į́nígíí dóó Bibee aha’deet’aah gone’ deinikaago ba’dahwiilne’. Bi’dine’i’ danidl’į́, doo Nihi Yisdá’iiníiłii nil’į́.

Ayóó’ shił nizhóní President Nelson ííyizhi’ígíí “K’ad be’aláadi át’éii” dóó Diyin Bóhólníihii Bina’anish yich’į́ ayóó yá’áhééh yinizin. Nihineeshdlį́įgo anihidishni Bikéé’ naazíinii na’hólǫ́’ dánóneezgo nidasoozí, Diyin bik’ehgo áhodooníłígíí bich’į́’ oo’íinii danoł’į́į́’go, éí t’áá ’ałah shiidąądii yę́ę́ dóó dííjį́di

Łá’ dooda danini da’dilhósh, “Shoh, kwé’é!’dóó … ’Shoh, níléídi!” t’áá niléí Diyin yá yáłti’í Joseph Smith bi’ yihahą́ądą́ą́’ na’hólǫ́’. Ákóndi, éí díí k’ad dóó naasgo ałtsíísígo bik’e’eshch’į́įdo díí nitsáago na’anish biyi’. Joseph Smith bizaad beedááłni: “Bila’ doo diyinii naas ohnishígíí doo yidinoołtł’ą da; é’da’éts’ihígíí da’ ndadohbááh, … ndi Diyin God t’áá áníí ánínígíí bitsxé’go, ayóó át’éii dóó t’áá bi át’éii naasgo adoonił, kéhdaya t’áá ałtso bikáágoo baa ííjigo nda, ináhaazláii bikaago tádííyáago, t’áá ałtso kéyahgo yik’íínyáago dóó t’áá ałtso ’ajaayi’ bi’ dahódeests’ąągo, nda’ Diyin God bá’ádoolnííł biniyé hasht’eyiiláago dóó Ayóó’ Át’éii Jehovah naanish ałtsxo diníídgo nda.”

Naanish sha’ dít’áánígíí tádíí yihááhę́ęgi’ biyi’, ’alą́ąji’ sidáago shinááł Diyin Bóhólníihii tsį́į́łó Bina’anish Yeeh naalnish. Sodizin bá hooghan dah’ooldahígíí éí tsį́į́łó Diyin bighan ntsáaígíí nideinil, ákó lą’ígo sodizin bá hooghan da’atahígíí Diyin Bóhólníihii bighan biyi sohodizin adeił’į́’. Naaki góne’, Diyin yá na’nitiní biná’anish daólta’ígíí ’áłah ’ádayiilaa Yá’át’éehgo Dibé Yaa áhályáanii , Jesus Christ bich’i’ naas ahą́ą́hnííldeelgo. Dóó táá’ góne’, Sodizin bá hooghan ba’ dajólta lą́’í’ bá’naasdzó’ígíí éí nanitin aniid bilááh sil’į́į́’ díí “Jesus há’deintá’igii.”

Díí jį́ Sodizin bá Hooghan Dah’ooldahígíí éí 367 Diyin bighan ntsaaígíí lą́’ígo łahgo ádáat’eego dahóólzíísh éí díí nindáasch’ą́ągo, ádaalyáago éí doodai dá’ííiníísh biyi’. Dóó ha’át’ííshą’ biniyé’? Yaa hadoodzihgi Diyin bighan ntsaaígíí dabikaa: “Diyin Bóhólníihii Bich’í Hodilzin.” Diyin bighan ntsaaígíí t’aa ííyisíí hódahdi ak’ihojídlí nihá ąą iyííl’į́į́h díí nihiTaa’ Yá’ąąshdi hólóonii nihaa neilééh t’ááłá’í nidzíígo. Shik’is dóó shiláhkéí, nihi íína’ Diyin bighan ntsaaígíí biih yiidááh nahólǫ́ adéíl’į́į́go éí tsííł dahódíílzingo adéíl’į́, Diyin Bóhólníihii bighan biyi sodadíílzingo, dóó t’áá nihi Diyin God bił ałha’dadeet’ą́ago dóó Nihizází łá’jį́ bich’ą́ą́h bidadinbáálígíí ba’.

President Nelson ani: “Ch’į́į́dii éí t́áá ayisii nihainití, ayóó bitsxé’go dóó ’ał’ąą át’éego. Diyin bighan ntsaaígíí biniyé’ t’áá ’áłahji’ yá’áninidee’já’go t’áá ííyisíí hwindzin. T’áá shǫǫdí nanihooshkąąh sodizin bee danoł’į́’ haitéego nihi íína ’ádaał’į́’.” Bighan biyi Diyin Bóhólníihii diyingo nihił hólǫ́ dóó bił hodizyeel.

Kóhoot’éedáá’ t’áa shǫ́ǫ́ Diyin bighan ntsaaígíí Mendoza Argentinadi yiidlishígi álneehgo bik’idéé’į́į́. Bee haazdzi’ígíí biyi’, Elder Melvin J. Ballard aninééh baahwééshné’ díí 1926 yę́ę́dą́ą́’ Diyin bik’éhgo áhodooníłígíí éí Diyin Bóhólníihii South Americadi biná’ánish t’áá hazhó’ógo noosééł hanizą́’ji shį́į́ ’ahoolzhiizh, “niléí chéch’il hajoobá’ágo bik’ǫ́ǫ́’ bits’ą́ą́dóó noosééł nahólǫ́. Dóó téíya t’áá łá’í’jiigo dinóóseel da, “ndi dimiil Sodizin bá hooghan dah’ooldahígíí yididookááh, dóó South America dahniłts’ą́ą́dę́ę́’ “Sodizin bá hooghan dah’ooldahígíí bee adzíílii danil’į́į’do.” Diyin bik’éhgo áhodooníłígíí t’áá shi’naa’ bilíyá’jį́’ yíiłtsą́.

Mendoza, łá’ ałtsíísígo ak’ǫ́ǫ́ át’é’ ntę́ę́’, k’ad éí ayóó at’éego chéch’il silį́į́’. Kéyah ’ał’ąą bikáá’ tsé’naa dóó tónteel bibąąhgóó kéyah táyi’dę́ę́’ hadaaz’áágóó éí noosééł náá’áłdó dóó náá’áłdó.

Diyin Bóhólníihii naʼnitin bee hak’ihodiinii’ni tsį́į́łó bina’anish yeeh naalnishgo deit’į́įh. 2024 biyi’, 80,000 Diyin yá na’nitiní niléí 450 naʼnitin bee hak’ihodiinii’ni ndaalnish yidą́ą́’. Tádiin hastą́ą́ éí ániidígo naʼnitin bee hak’ihodiinii’. Kóhoot’éedáá’ Diyin yá na’danitiní éí 308,000 aníídi sodizin da’atahígíí éí Sodizin bá hooghan dah’ooldahígíí góne’ yá’ádeezhéézh. ’Ánéelt’e’ígíí bilááh át’é’, ii’ sizį́ bee áłhą’ánalnéehgi éí Jesus Christ dóó Binahat’á bee yisdá’iildéehii hwii’istíín bich’į́’ ádeil’é’.

Baa ntséskees díí Hastóí Bik’ihodiinii’ígíí Brigham Young dóó Heber C. Kimball, éí 1839 biyi’ yihahą́ądą́ą́’ British Isles bich’į́’ Diyin yá na’nitiní biniyé’ dádi’aash. Bita’ honeezgai; hoghaandí iłhaajeehígíí bita’ dahoneezgai dóó badajooba’į́’go yits’ą́ą́’ dádi’aash. Ákót’ée ndi, t’áá ’áłah tsinaabąąs yikáá’ haas’na’, dóó ayóó ádeiyóóníinii t’áá yoo’į́į́’go, Heber ani, “Diidzį́ł dóó bich’į́’ hadidíílhósh.” ’Ał’ąą ná’hwidiitáá bikee’ji dóó hadóólghą́ą́sh, “Hówáá, hówáá Israel bá’.”

T’áá ákótéego Diyin Bóhólníihii bina’anish yidaneedlį́įgo yiłtsá’ niléí Lima, Perudi, Diyin yá nida’nitiní bił áłhéédahosisiid Diyin yá nda’nitinígíí bá haz’ą́ągi dóó naʼnitin bee hak’ihodiinii’gi éí Lima biyi’. Doo lá dó’ hójííł’tsé’dá! Tsííło ’ahóóníłgo t’áá shi’naa’ bilíyá’jį́’go yiłtsą́’. K’ad éí t’áá tsoots’id Diyin yá nda’nitinígíí bá haz’ą́ągi sinil Lima kin dasijaa’ígíí.

’Ałtso bił áłah sidlį́įgo, Diyin yá nda’nitinígíí baa hozhǫ́nigii łą́ shaa adéíl’iyíílá’. Ndi’jeeh dóó hadadóólghą́ą́sh, “Hówáá Israel bá’.” Doo bá’yóóshnee’da díí, t’áá ’ánółtso shíł nakaiido ńt’ę́ę́’ nisin. T’áá shi’naa’ bilíyá’jį́’ Diyin yá nda’nitinígíí éí hasht’e ninidéésnil “díí nihokáá’ bidoole’é” Diyin Bóhólníihii yá nidadoołnish dóó yiká adóojah tsííł Christ Ńdoodáałji.

Diyin Bóhólníihii tsííł bóhó’aahígíí dá’hólǫ́’ díí sodizin bá hooghan da’atahígíí bá’ déít’į́’ dóó doo da oodla’nígíí nahasdzaan binaago ndi bá’. Lá’ ádaat’ée ánhosin díí sodizin bá hooghan dah’ooldahígíí éí yéígo ólta bił hazą́agi. Hane’ yá’át’ééhii ndoot’aał t’óó bee hahoolzhiizh yę́ędą́ą́’ Diyin Bóhólníihii na’anitin “’ídahojiił’aahgo hádąąshdéés’į́’, ndi díí béé’dáázhdeetáago dóó ná’ ałdó’ oodlą’ béé’.” K’ad ákóhó nił díí jį́ dóó díí bíneel’ą́ą bighą́ą́h hadóóghą́ą́shgo “hówáá.”

K’ad éí dá’ólta’ígíí 800,000 bilááhdi nahasdzáán bikaa’gi seminary dóó neeyá nahagha’ bínaniltinígíí há’dadíílá’go bił dá’ólta, díí há’dadíílá’ígíí daolta t’áá ííyisíí hódahdi silíí’ díí sodizin bá hooghan dah’ooldahígíí binákéé’ bahane’ biyi’. Nihi tsiłkéí lá’i’go ’ał’ąą ádaat’éego nidéíyil’ą́ą, díí áłtsé’ t’áá íyisí abíínídą́ą́’, jįgo dóó i’íí’ą́ągo dá’ólta béesh ntsíkeesii biyi’dę́ę́’ dóó t’áá hoghandi óltago. Ayóó ádaat’éegó dóó yá’át’ééhgo yá ndaabáahí ádaat’é, t’áá bi’alts’áádóó bibee ’ádzííli nidéíyil’ą́ągo Jesus Christ binanitin yidahóół’ááhgo, yikee’ deikáá’go dóó Diyin God Biye’ Nil’ǫ́’ yee hádaosdzí’.

Aak’eedą́ą́ łį́į́’ bighan hádéébįįdgo seminary dóó neeyá nahagha’ bínaniltinígíí biyi’ dá’ólta’í’ dóó dábimá dóó dábizh’é’é bich’į́’ hódilzindi bee hásdzi niléí hódago ólta’ University of Utahdi. Nihoos’kai’ígíí éí yá’ halné’ Jesus Christ t’áá ííyisíí bił béédahódoolzįįłgo dóó yikéé déíkáádo dánízin. Shá’ hane’ dá’ólta’í’ t’ó’ baahózinígo bich’į́ ííshlaa: Diyin Bóhólníihii ’oolk’iłígíí ’aheełt’éego baadini’aah. Bina’nisiiłtááh yidahooł’aahígíí dóó hodahgo ólta’ígíí bił ’aheełt’éego ádaal’į́, díí ndi “Diyin God hinánii BiYe’ nílį́” boho’aahígíí.

Jį́dą́ą́’ t’áá áłtsó dine’ ’aheełt’éego nabideełk’id: Ha’at’ííshį́į́ naaltsoos bina’anish áázhdolííłígíí biyi’ ajííl’áago, ’oolk’iłígíí ’aheełt’éego baadini’aah, doo ei ’oolk’iłígíí ła’ sha’díní’ááh ha’níigo, díí Diyin Bóhólníihii bich’į́’ ádá nahat’á Diyin bizaad bee ak’eda’ashchínígíí boho’aahígíí biyi’, hooghan haz’ą́ą́ígíí ího’aahígíí díí Hago, Shikee Yinaał, sodizin, Sodizin báhoghan bik’ihodiinii’ígíí, diyin k’ehgo áká’aná’áwo’ígíí, bááh dóó tó dílzingo yidánígi, diyin bighan biyi’ sohodizinígíí dóó Diyin God bee ádaat’éíi bá’ntsehéékeesgo. Nihi Diyin Bóhólníihii dóó Yisdá’iiníiłii ani, “Shik’i’dootįįh … dóó áko bik’ídoohaał háá’áyį́į́h niyí’sízíínii bá ádííłiił.” Bizaad aníini Ba’yoodlaał. Dóó ’oolk’iłígíí ’aheełt’éego Baadini’aah.

President Nelson aní: “T’áá shǫǫdí nanihooshkąąh yéígo Diyin God áninígíí bik’ehgo ne’iina’ áníłį́įgo yinaał doo. Diyin God t’áá’akwiiji béénílniih doo oolkiłígíí ła’ baadini’aah. Éí be’íniłį́įgo, bá ’ákonindzin há’doonííł díí yá’át’ééh diinįįhgo naasgo bee adzíílígíí.”

Díí naasgo bee adzíílígíí ádaal’íígo nilei seminarydi, neeyá nahagha’ bínaniltindi dóó Sodizin báhoghan hodahgo oltadi deit’į́. Ákot’éego bił haz’ą́ǫ, Diyin Bóhólníihii t’áá ííyisíí álááji ’ájił’į́į́go yá’át’ééh. Ákóne’ lá’ nihi ’iiná Bił ádeel’į́į́do.

Náánálá’ nihił haz’ánígí boho’aah nooseełígíí sodizin bá hooghan dah’ooldahígíí biyi’ éí BYU–Pathway Worldwide. Nahasdzáán bikaa’gi, díí há’dadíílá’go bił dá’óltaígíí k’aasdą́ą́’ 75,000 sil’į́į́’ dóó k’ad t’áá naas tsxííłgo óltaah. Lá’í’ éí sodizin bá hooghan da’atahígíí danil’į́’, dóó díí łá’ Afrika t’ááłá’í bilaah bidoolts’į́h, táá há’hoosdzógo biyi’dę́ę́’ ’ádaat’į́. Ch’í’í’tiin Pathway wolyé’ígíí éí t’áá áłtso ólta bá’ áhóót’į́’go át’é. Ninidá’jííłtáago éí naanish dá’jííłtsó’, dóó naanish hólǫ́ogo éí ama’ dóó azhe’é dóó áłchíní bee’iiná yá’át’ééhdo dóó Diyin Bóhólníihii bá nidoonishígíí lá’į́’go bá’ház’ą́.

Ídą́ą́’ stake bił hahoodzoh yik’ibódahólníihii bił áłahda’silį́įhgo niléí Ugandadi, shił beehózin t’áá át’é ts’ídá alą́ąjį’ stake bee bídahólníhígíí dá’ííłta lá’ niléí BYU–Pathway. T’áá ’alą́ąjį’ yéego bá’ hasht’é’ ádanílzingo éí bee nihits’íís dóó nihi’sizį́ bik’éhgo, ákót’áo ch’į́į́dii nihich’į́’ neeyííłná’nigii yéego bich’ą́ą́h ádeit’į́į́do. Peter bizaad aninę́ę́’ beedą́ą́łni: “Ch’į́į́dii, éí nashdóítsoh gíat’áo anǫ́ǫ, naanáádaał, yidoolgháłígíí haidéez’į́į́’.”

Bá’ ákonisin díí yá’ át’ééhgo bá’hane’ nahat’á bee yisdá’iildéehii, nda łá’ bich’į́’ ńda’hwiiná’, oodlą’ bá’ńdanitł’a’, bił naakigo danil’į́į́go, dóó ná’ídíkid bee dá’hólǫ́’ ndi ni’t’ą́ą́h bich’į́’ há’dádoodzi’igii doo hólǫ́’da nahólǫ́’. Shik’is dóó shiláhkéí, Jesus Christ lá’ nihá’ hádóódzį́’ígíí át’é. Bi áłtséedi bił ánilééh. Nihi iiná’ biyi’ Dá’doolnį’go hádádinóó’į́į́h. Dasinóółts’ą́ą́’. “Nijéé t’áadoo bee bąąh níni’í,” Ani Bikéé’ naazíinii bich’į́ díí k’éédę́ę́’ Bikeedi ahéé’ilkeed áhoolzhíízhjį t’áá Gethsemane bich’i’do, t’á’doo tsin ałnáozʼaʼí deedíítį́įhgo niléí Jerusalem da’í’tiingo biyi’, t’á’doo Golgotha bich’į́’do, niléí Bí éí nihe’iiná Yá ti’hoosnííh iyííláadi—t’áá Bi téíya, Diyin God BiYe’ Tááłá’í Yizhchíinii, íídoolį́į́łgo.

Nihił beehozin nihi k’idíítį́į́h gó’ át’é. T’áá Bi íínizingo nihee baahagi’ at’éii, nda’iilzihígíí, ti’hoo’nííhígíí dóó dikwiishjį́ doo nihiłhooshǫ́ǫ́da’ígíí nají iyiilaa ákó nihiTaa’ Yá’ąąshdi hólóonii bił danighando ’aa’ hool’ááhgo. Ánihił ni, “Ts’ídí t́áá ałtsoh ninisínkeesgi shich’į́ dini’į́į́; t’áá doo nanildzidí.” Jesus Christ yinidláago nánididóółteeł dóó ni’istíín bádaho’a’ yę́ę́’ néé’dóółdziih. T’áá báʼííniilį́į́go ákó tsííłgo báʼnididaał díí “be’ayóó ó’ó’níinii yee ádíshółtąʼ.”

Ts’ídá nitsaago bizaad nihi diyin yá yáłti’í hinánígíí aníígo nihich’į́ ánanáashdleeh: “Dao’į́įsh díí t’áá nihi’naa’ bilíyá’jį́’ ahooniłígíí daoį́į́da? Niha sodizin Be’aláadi át’éii baa nisókeesgo t’ánit’ééh doo doosí da! Diyin Bóhólníihii k’ad tsį́į́łó bina’anish yeeh naalnish.” Bikéé’ naazíinii danidl’į́į́go łá’ dííshji’ goné’ ’ałdó’ hádadíílhósh, “Hówáá Israel bá” díí Diyin Bóhólníihii dóó Yisdá’iiníiłii ndoodáałgo biniyé hasht’e’ádadiłnééhgo. Jesus Christ bízhi’ binahjį’, amen.