Eżatt Quddiem Għajnejna

Ħuti, jien tant grat li ninsab magħkom. Aħna nħobbukom, aħna grati lejkom, u nħossuna mberkin bit-talb tagħkom.

Il-President Russell M. Nelson, fl-aħħar konferenza tagħna, qal: “Qed taraw x’qed jiġri eżatt quddiem għajnejna? Nitlob li ma mmorrux ma nindunawx x’mument majestuż hu dan! Nitlob li ma nitilfux il-maestà ta’ dan il-mument! Il-Mulej qiegħed tabilħaqq iħaffef il-ħidma tiegħu.”

Iħaffef il-ħidma Tiegħu. “Iħaffef” hija kelma importanti. Tissuġġerixxi li nimxu malajr, naċċelleraw, u saħansitra tisħaqq urġenza. Fit-tkabbir tal-Knisja u l-pjan ta’ Kristu, kollox qed iħaffef. U aħna lkoll parti minn dan.

F’April 1834 f’Kirtland, Ohio, il-Profeta Joseph Smith ġabar lil dawk kollha li żammew is-saċerdozju fi djar ċkejkna tal-iskola madwar 14-il pied (4.3 m) kwadru. Stajna niffittjaw għexieren ta’ dawk id-djar tal-iskola f’dan iċ-Ċentru tal-Konferenzi, u jkun fadal l-ispazju. Joseph Smith qal, “Huwa biss ftit mis-Saċerdozju li qed taraw hawn illejla, imma din il-Knisja se timla l-Amerika ta’ Fuq u t’Isfel—se timla d-dinja.”

Din il-profezija qed titwettaq “quddiem għajnejna.” Il-Knisja ta’ Ġesù Kristu tal-Qaddisin tal-Aħħar Żmien qed tikber fil-membri u fil-familji, fil-missjonijiet u fil-missjunarji, fis-swali tal-laqgħat u fit-tempji, u fl-iskrizzjoni fis-seminarji, fl-istituti, u fl-universitajiet tagħna madwar id-dinja kollha.

Aħna grati li qegħdin fuq l-art meta l-Knisja qed tiżdied fin-numri u fl-influwenza, imma aktar importanti fil-qlub u fil-ħajja tal-membri tagħha. Aħna magħrufin bħala dixxipli ta’ Ġesù Kristu. Aħna naqsmu t-testimonjanzi tagħna dwaru, dwar il-Knisja tiegħu, dwar triqatu, u dwar it-triq tal-patt tiegħu. Aħna l-poplu tiegħu, u Hu s-Salvatur tagħna.

Nimmeravilja ruħi għal dak li l-President Nelson isejjaħ il -“maestà ta’ dan il-mument” u nesprimi gratitudni profonda lejn il-Mulej għall-ħidma tiegħu. Nistħajjilna nieqfu fit-tul bħala dixxipli tiegħu, xhieda tat-twettiq tal-profezija, kemm tal-qedem kif ukoll tal-modern.

Hemm uħud li dejjem kontra u li jgħajtu, “‘Arawha, hemm!” u … “Arawha, hawn!’” eżatt kif għamlu fi żmien il-Profeta Joseph Smith. Madankollu, huma se jkunu mhux ħlief sempliċi noti f’qiegħ il-paġna f’dan ix-xogħol nobbli. Il-Profeta Joseph Smith iddikjara: “L-istandard tal-verità ġie mgħolli; l-ebda id mhux qaddisa ma tista’ twaqqaf din il-ħidma milli tibqa’ miexja ’l quddiem … ; il-verità ta’ Alla tibqa’ miexja ’l quddiem b’fermezza u b’mod nobbli u indipendenti, sakemm tippenetra kull kontinent, iżżur kull klima, tgħaddi minn fuq kull pajjiż, u tinstama’ f’kull widna, sakemm l-għanijiet ta’ Alla jitwettqu u l-Kbir Ġehovah jgħid il-ħidma lesta.”

Fl-inkarigi tiegħi din is-sena, kelli s-siġġu tar-ringiela ta’ quddiem lill-Mulej iħaffef il-ħidma tiegħu. Il-Knisja qed tibni tempji b’pass liemabħalu, u qed tagħti opportunità lil aktar membri biex iqimuh f’dar il-Mulej. It-tieni, il-ħidma missjunarja qed tiġbor numri rekord għall-merħla tar-Ragħaj it-Tajjeb, Ġesù Kristu. U t-tielet, l-edukazzjoni tal-Knisja f’ħafna konfigurazzjonijiet tinsab f’livell għoli ġdid fit-tagħlim ta’ dawk li “jfittxu lil dan Ġesù.”

Illum il-Knisja għandha 367 tempju f’diversi stadji ta’ disinn, kostruzzjoni, jew operazzjoni. U għal liema skop? It-tweġiba tiġi mxandra fuq kull tempju: “Qdusija lill-Mulej.” It-tempju jiftaħ it-triq għall-ogħla barkiet li Missierna fis-Sema għandu għal kull wieħed u waħda minna. Ħuti, aħna qegħdin nħaffu l-qdusija tagħna aħna u ngħixu denji għat-tempju, aħna u nqimu f’dar il-Mulej, u aħna u nagħmlu patti ma’ Alla għalina nfusna u f’isem l-antenati tagħna li jinsabu fuq in-naħa l-oħra tal-velu.

Il-President Nelson qal: “L-attakki tal-avversarju qed jiżdiedu b’mod esponenzjali, intensiv u varjat. Il-bżonn tagħna li nkunu fit-tempju fuq bażi regulari qatt ma kien akbar. Nitlob miegħek biex tagħti ħarsa bit-talb lejn kif tqatta’ l-ħin tiegħek.” F’daru nistgħu nħossu l-preżenza tal-Mulej u l-paċi traxxendentali.

Is-sena l-oħra kelli l-privileġġ li nippresjedi fid-dedikazzjoni tat-tempju tal-Arġentina ta’ Mendoza. Fil-messaġġ tiegħi, irreferejt għall-profezija tal-Presbiteru Melvin J. Ballard tal-1926 li xogħol il-Mulej kien se jikber bilmod għal xi żmien fl-Amerika t’Isfel, “bħalma ballut jikber bilmod minn ġandra. Mhux se jispunta f’ġurnata,” imma eluf kienu se jingħaqdu mal-Knisja, u l-ġnus tal-Amerika t’Isfel kienu se jsiru “qawwa fil-Knisja.” Rajt li l-profezija mwettqa eżatt quddiem għajnejja.

Mendoza, darba ġandra żgħira, sar ballut għammiel. Dak it-tkabbir qed jiġi ripetut madwar il-kontinenti u l-gżejjer.

Naraw lill-Mulej iħaffef il-ħidma tiegħu fil-missjonijiet. Fl-2024, 80,000 missjunarju kienu qed jaqdu f’450 missjoni. Sitta u tletin minn dawk huma missjonijiet ġodda. Is-sena l-oħra l-ħidma missjunarja ġabet aktar minn 308,000 membri ġodda fil-Knisja. Aktar min-numri, l-ispirtu tal-ġabra qed iġib l-erwieħ lejn Ġesu Kristu u l-vanġelu Tiegħu.

Jiġuni f’moħħi l-Appostli Brigham Young u Heber C. Kimball, li fl-1839 marru bħala missjunarji fil-Gżejjer Brittaniċi. Kienu morda; ħallew familji morda u fqar. Minkejja dan, it-tnejn li huma telgħu f’vagun, u waqt li kienu għadhom qed jaraw lill - maħbubin tagħhom, Ħeber qal, “Ejja nqumu u nxejrulhom.” It-tnejn tħabtu biex iqumu fuq saqajhom u bdew jgħajtu, “Hurrah, hurrah għal Iżrael.”

Rajt dak l-istess entużjażmu għall-ħidma tal-Mulej f’Lima, il-Peru, meta ltqajt ma’ missjunarji miċ-ċentru tat-taħriġ missjunarju u missjonijiet f’Lima. X’vista! Rajt l-ħeffa eżatt quddiem għajnejja. Issa hemm seba’ missjonijiet fil-belt ta’ Lima biss.

Fi tmiem il-laqgħa tagħna, il-missjunarji kellhom sorpriża speċjali għalija. Qamu u ferħu, “Hurrah għal Iżrael.” Qatt mhu se ninsa dak il-mument; xtaqtkom kontu lkoll hemmhekk. Eżatt quddiem għajnejja kien hemm missjunarji li kienu warrbu “l-ħwejjeġ ta’ din id-dinja” biex jaqdu lill-Mulej u jgħinu jħaffu l-miġja tiegħu.

Naraw lill-Mulej iħaffef l-opportunitajiet edukattivi għall-membri tagħna u anke dawk mhux tal-fidi tagħna madwar id-dinja. Waħda mill-affarijiet li tiddistingwina bħala knisja hija l-enfasi tagħna fuq l-edukazzjoni. Il-Mulej ikkmanda fl-ewwel żminijiet tar-Restawr biex “ifittex it-tagħlim, anki bl-istudju u wkoll bil-fidi.” Dan qed iseħħ illum u huwa denju ta’ “hurrah”.

Bħalissa aktar minn 800,000 student madwar id-dinja huma rreġistrati fis-seminarju u l-istitut, l-ogħla reġistrazzjoni fl-istorja tal-Knisja. Iż-żgħażagħ tagħna jinġabru b’diversi modi, minn kmieni filgħodu, bi nhar, u filgħaxija sa studju onlajn u fid-dar. Huma battaljun setgħan u twajjeb, li jiksbu s-saħħa minn xulxin huma u jsiru jafu b’Ġesu Kristu, isegwu, u jixhdu lilu bħala l-Iben ta’ Alla.

Il-ħarifa li għaddiet tkellimt f’devozzjoni lejn arena mimlija studenti tas-seminarju u tal-istituti u l-ġenituri tagħhom fl-Università ta’ Utah. L-attendenza tagħhom kienet tgħid ħafna dwar ix-xewqa tagħhom li jkunu jafu u jsegwu lil Ġesù Kristu. Il-messaġġ tiegħi lil dawk l-istudenti kien ċar: agħti lill-Mulej l-istess ħin. Tajthom parir biex jibbilanċjaw l-istudji tagħhom mat-tagħlim ogħla veru, saħansitra studju ta’ “Bin Alla l-ħaj.”

Jien illum nistaqsi l-istess lil kulħadd: Hu x’inhu fil-lista tiegħek li tagħmel, agħti ħin indaqs, mhux ħin żejjed, lill-Mulej fl-istudju tal-iskrittura personali, l-istudju tal-familja ta’ Come, Follow Me, it-talb, is-sejħiet tal-Knisja, l-amministrazzjoni, it-teħid tas-sagrament, it-tifħir fit-tempju, u l-meditazzjoni tal-ħwejjeġ t’Alla. Il-Mulej u s-Salvatur tagħna qal: “Tgħallem minni … u ssib serħan għal ruħek.” Ħuduh fil-kelma. U tih ħin indaqs.

Il-President Nelson qal: “Nitlobkom tħallu lill Alla jiddomina f’ħajjitkom. Agħtih sehem ġust minn ħinek. Hekk kif tagħmlu dan, innotaw x’jiġri fl-ispinta spiritwali pożittiv tiegħek.”

Naraw dak l-ispinta fil-bini ta’ seminarji, istituti, u universitajiet tal-Knisja. F’dawn l-ambjenti, il-Mulej huwa prijorità. Hekk għandu jkun Hu f’ħajjitna.

Qasam ieħor li juri l-firxa dejjem tikber tal-edukazzjoni fil-Knisja huwa L-BYU-Pathway madwar id-dinja. Madwar id-dinja, ir-reġistrazzjoni laħqet kważi 75,000 u qed tkompli tikber b’rata mgħaġġla. Il-biċċa l-kbira huma membri, u aktar minn terz huma mill-Afrika. It-triq hija kollha dwar l-aċċess għall-edukazzjoni. It-tlestija tal-korsijiet tfisser aċċess għax-xogħol, u l-aċċess għax-xogħol ifisser ħajja aħjar għall-familji u aktar opportunitajiet biex jaqdu lill-Mulej.

Meta kont qed niltaqa’ mal-mexxejja tal-wited fl-Uganda, sirt naf li l-presidenza kollha tal-wited kienet irreġistrata fil-BYU-Pathway. Iktar ma nkunu preparati temporalment u spiritwalment, iktar nistgħu nfixklu l-attakki qarrieqa tal-avversarju. Ftakar fil-kliem ta’ Pietru: “Ix-xitan, bħala ljun feroċi li jgħajjat, idur ifittex lil min ser jibla’.”

Nagħraf li f’nofs l-aħbar it-tajba tal-evanġelju, hemm min jitħabat, li għandu sfidi ta’ fidi, dubji, u mistoqsijiet mingħajr tweġibiet. Ħuti, Ġesu Kristu huwa t-tweġiba. Ibda Bih Fittex l-Idu f’ħajtek. Isimgħu minnu. “Tħallux qalbkom titnikket,” Hu qal fl-aħħar sigħat tiegħu lid-dixxipli tiegħu qabel il-Ġetsemani, qabel ma ġarr is-salib tiegħu mit-toroq ta’ Ġerusalemm, qabel il-Golgota, fejn Hu temm is-sagrifiċċju tal-espjazzjoni tiegħu—dak li Hu biss, l-Iben imnissel ta’ Alla, seta jagħmel.

Kun af li Hu jifhem. Hu ħa fuqu nnifsu dnubietna kollha, żbalji, miżerji, u jiem koroh ħafna li nistgħu nerġgħu ngħixu ma’ Missierna fis-Smewwiet fl-eternità. Huwa qal, “Ħares lejja f’kull ħsieb; tiddubitax, tibżax.” Il-fidi f’Ġesu Kristu tista’ terfagħkom ‘l fuq u tfejqilkom il-ġrieħi tagħkom Afdah u se jitħaffef ir-ritorn tiegħek f’“dirgħajn imħabbtu.”

Nerġa’ nenfasizza l-kliem tal-profeta ħaj tagħna: “Qed tara x’qed jiġri eżatt quddiem għajnejna? Nitlob li ma mmorrux ma nindunawx x’mument majestuż hu dan! Nitlob li ma nitilfux il-maestà ta’ dan il-mument! Il-Mulej tassew qed iħaffef il-ħidma tiegħu.” Jalla aħna bħala dixxipli ta’ żmienna ngħajtu, “Hurrah għal Israel” aħna u nippreparaw għar-ritorn ta’ Sidna u s-Salvatur. F’isem Ġesù Kristu, ammen.