Oli Salem I Go long Ijip

Joseph hem i fevret blong papa blong hem, Jekob. Jekob i mekem wan spesel kot blong Josef. Ol brata blong Josef oli jalus. (I mowas taem God i soem long Josef long wan drim se bae hem i rulum ol brata blong hem wan dei.)

Ol brata blong Josef oli salem hem long ol man we oli stap go long Ijip mo oli talem long Jekob se Josef i ded. Josef i kam wan slef long Ijip mo oli sakem hem long presin from wan samting we hem i no mekem. Oltaem hem i fetful long God, mo Lod i stap wetem hem mo i blesem hem.

Long en, Josef i talemaot mining blong drim blong Farao mo i givim advaes long hem blong rere from taem blong nogat kakae. Farao i mekem Josef i kam wan rula long Ijip. Sam taem afta, ol brata blong hem oli kam long Ijip blong pem kaekae. !Oli no luksave se oli stap askem help long brata ia we oli bin salem!

Long en Josef i soem hemwan long ol brata blong hem mo i givim kaekae long olgeta mo wan ples blong stap long hem. Hem i fogivim olgeta mo i sevem famli blong hem. Ol semmak brata ia oli kam olsem ol 12 Traeb blong Isrel.