Stap selebretem Ista
Mo Long Semmak Taem, Tingbaot Se Hem I Abaot Huia
6 Ista tradisen raon long wol mo olsem wanem oli save helpem yumi blong tingbaot Jisas Kraes.
Ol pikja droing i kam long Judy Bloomfield
|
Tradisen |
Koneksen wetem Kraes |
|---|---|
|
1. Ol Ista Eg Ol eg, ol eg, ol eg. Raon long wol, oli flasem, lukaotem, rolem, brekem mo kakae ol Ista eg. Long Jemani mo Ostria, oli hangem ol Ista eg long ol tri (Ostereierbaum). Long Meksiko, oli mekem hol long ol eg mo fulumap wetem ol kala pepa (cascarones) mo afta oli brekem long hed blong wan. |
I tru, plante man oli yusum ol eg blong selebretem Ista be oli no lukluk long Sevya nating. I stap long yumi blong lukluk moa long Sevya long ol Ista tradisen blong yumi. Ol eg oli wan saen blong niu laef, wan smol saen blong laef bakegen long ded. Sam kalja oli yusum red peint blong ripresentem sakrifaes blong Sevya. Mo taem yumi brekem wan eg, sel blong hem i rimaenem yumi long emti tumb mo Sevya we i Laef Bakegen long Ded. !Sapos yu no konektem ol Ista tradisen blong yu wetem Hem, naoia i taem blong yu statem hemia! |
|
2. Ol Ista Faea Blong mekem wan faea i wan nomol Ista tradisen, speseli long Jemani, Nedalan, Kroesia, mo Finlan. |
Faea long taem blong Ista i save rimaenem yumi blong lukluk long Sevya, we i givim laet mo glad long wol, mo i tru se Hem Hemwan i Laet blong Wol (luk long Jon 8:12). |
|
3. Ol Spesel Kaekae Raon long wol long taem blong Ista, oli stap kakae tu spesel kakae: smol sipsip mo bred. |
Smol sipsip i ripresentem Smol Sipsip blong God—we i Sevya Hemwan. Bred i rimaenem yumi long Jisas Kraes, we Hem i Bred ia blong Laef (luk long Jon 6:35). |
|
4. Tanem Lif blong Pam Tri Long sam kantri, olsem Itali, Spen, Filipin, Meksiko, Ijip mo Etiopia, oli tanem ol lif blong pam tri o ol narafala plant long Pam Sandei. |
Pam Sandei hem i Sandei ia bifo Ista we i makem viktri blong Jisas taem i kam insaed long Jerusalem, mo taem ol pipol oli putum ol lif blong pam tri long rod blong Hem. |
|
5. Mekem Kaet I Flae !Long taem blong Ista long Bermuda, ol pipol i mekem ol kala kaet oli flae antap! |
Tradisen ia hem i wan hapi rimaenda abaot Laef Bakegen long Ded blong Sevya mo olsem wanem Hem i go antap long heven afta. |
|
6. Jos Wosip !Yumi no fogetem wan long ol impoten Ista tradisen—we i blong go long jos! Yumi go long Jos long Ista Sandei blong tekpat long sakramen mo tingbaot Sevya. (Sapos jeneral konfrens i stap long Ista, yumi save tingbaot Hem taem yumi lisin long ol toktok—afta tekempat long sakramen bakegen long nekis wik.) |
Taem yumi kipim mo riniu ol kavenan blong yumi tru long sakramen, yumi gat blesing ia blong oltaem gat Spirit i stap wetem yumi. Hemia i save helpem yumi blong konek wetem Sevya long Ista mo long evri narafala dei tu. |
Ol Yut Oli Stap Tekempat: Ista Tradisen blong Wanwan Man.
“Mi givim ol joklet Ista eg long ol misinari long wod blong mi.”
Jennyfer M., 23 yia, Pernambuco, Brasil
“Famli blong mifala i bin mekem wan las sapa, mo naoia mifala i traehad blong mekem i kam wan tradisen.”
Alice F.,16 yia, Yuta, YSA
“Mi mo famli blong mi i go long wan simetri, singsing long ol hym tugeta, mo serem testemoni blong mifala.”
Rachel G.,19 yia, Vijinia, YSA
“Long Ista wiken mi bin go long tempol.”
Avery A.,17 yia, Nevada, YSA
“!Mi ridim Ol Gospel mo histri blong laef blong Jisas! Hem i wan bigfala glad blong lanem abaot Hem long taem blong Ista.”
Esteban A.,15 yia, San Yosi, Kosta Rika
“Long Franis Polinesia, mifala i bin gat wan yut Ista konset bitwin ol defdefren relijin. Mifala i fesem hadtaem, be Lod i mekem naet ia i wan naet blong ol merikel, glad mo yuniti.”
Tehina C.T., 24 yia, Tupua‘i, Franis Polinesia
“Long yia ia mi lukluk moa blong stadi long wanem we Kraes i mekem long holi wik.”
Maddysen R.,18 yia, Yuta, YSA