Selebretem Sevya

Pikja i kam long Katelyn Budge

Mi laekem Ista. Mi laekem taem mifala i kam tugeta olsem wan famli blong selebretem Jisas Kraes we i laef bakegen long ded. Blong spendem taem wetem famli i oltaem wan samting we mi laekem, be blong tingbaot evri samting we Sevya i mekem blong yumi i moa naes.

Taem mifala i stap rere blong lukaotem ol Ista eg, mifala i putum ol skripja insaed long ol eg. Mifala i ridim ol skripja ia taem mifala i faenem ol Ista eg. Wan taem, mifala i mekem wan smol tumb Afta mifala i raetem daon ol wari blong mifala, mo putum insaed long tumb ia, afta mifala i blokem wetem wan ston. Long nekis dei, oli karemaot evri pepa—we i rimaenem yumi long olsem wanem Sevya i save helpem yumi wetem ol wari blong yumi.

Jisas Kraes i Fren blong mi long Heven we i stret evriwan. Mi save se nomata long evri samting, bae Hem i tingbaot mi oltaem.