?Hao Nao Mi Save Helpem Ol Fren mo Ol Famli blong Mi?

Olsem wan we i laef bakegen long ded, Jisas Kraes i bin visitim Ol Man blong Nifae mo invaetem olgeta blong mekem wan samting we bae i kam wan tradisen mo bae ol disaepol blong hem blong tedei oli save mekem tu. Hem i talem:

“?Yufala i gat eniwan we i sik long medel blong yufala? ?Yufala i gat eniwan we bodi blong olgeta i nogud, o oli blaen, o … o we oli gat hadtaem long eni fasin? Karem olgeta oli kam long ples ia mo bae mi mekem olgeta i oraet, from mi mi gat sore long yufala” (3 Nifae 17:7).

Luk hao ol disaepol blong bifo oli bin ansa.

“Evri grup blong pipol … oli go fored wetem ol sikman blong olgeta, … mo wetem evriwan we i gat hadtaem long eni fasin; mo mo hem i bin mekem olgeta evriwan oli kam oraet” (3 Nifae 17:9).

Mi save Jisas Kraes i stap laef mo we Hem i sta yet olsem Masta blong Hilim man. Taem yumi ansa long invitesen blong Hem blong karem ol fren mo ol famli blong yumi i kam long Hem, Hem bae i hilim olgeta folem wei blong Hemwan.

“Mo olgeta evriwan, olgeta we oli bin kam oraet tugeta wetem olgeta we oli bin stap gud nomo, oli bodaon long ol leg blong hem, mo oli wosipim hem” (3 Nifae 17:10).

Letem yumi wanwan i kam long Kraes taem yumi karem ol narawan i kam long Hem long Ista sisen ia.