Te Kiraati ae Boou, Tibwanga ae Boou
Mwaing nakon te kiraati ae boou ke te kooram? Aikai tabeua bwaai aika kona butimwaai!
Tamnei ni kabwarabwara iroun Cinta Fosch
Moan waakinan te ririki ae boou e uoti bitaki aika a bubura—n raonaki ma karaoan te mwaing nakon kiraati aika a kaokoro ke kooram n te ekaretia! Tao kiitanakin te Moanrinan, n rinnako n te Bootaki n Aine ke te kooram n unimwaane, ke bon ti te mwaing nakon aia kiraati Ataeinnaine are imwiina ke kooram n Nakoa nibonga n te Aaron, aikai bwaai aika teniua aika kona ingainga nako iai.
1. Aomata aika a Boou
E kona n tara ni kakamaku te mena n te kiraaki ma kaina aika ikawai riki nakoim, ma e mwaiti riki bwaai aika ko taneiai iai nakon are ko iangoia. Ngkami ni kabane ana reirei Iesu Kristo aika a kataia n iriiria. Bitakin te kiraati bon te tai n ongora iango aika a boou mairouia aomata aika a kakaokoro aia taneiai ma ngkoe—ao te tai ni karekeia raoraom aika a boou.
2. Waaki ni Kakukurei aika a Boou
E kaunga aia burokuraem Ataeinimwaane ao Ataeinaine! E kona n iai kawai n reitaki nakoia kairake tabeman aika a boou, n raonaki ma kiraati ao waaki ni kakukurei n te kooram ao kaembwa. Ngkana ai 14 am ririki, ko kona naba n ira te maungatabu n te FSY, te taenti, ao te tieminarii.
Ngkanga te kairake n ikawai, ko kona n ira te intitiute ao waaki ni kakukurei ake a baireaki irouia am Bootaki n Aine, aia kooram unimwaane, ke ikawai ake a tuai n iein ke taabo ni bootaki.
3. Tibwanga aika a Boou
Ngkai ko tabe n ikawai, kona karekei riki tibwangam ni beku n te Ekaretia, n aron karaoan te bwabetito ibukiia mate, kakabwaian te toa, ke katian te beku (n raonaki ma katabeaki n te mwakuri n ibuobuoki). Kabonganai raoi tibwanga aikai ibukin rikirakem n te maiu n tamnei ao kakureiko n aron kakorakoraam mai iai n am reitaki ma Tamara are i Karawa, Iesu Kristo, ao aomata ake ko beku ibukiia.
Ngkai ko karaoi bitaki nakon kiraati aika a boou, uringnga bwa, “ti temanna ngkami ni kabaneingkami inanon Kristo Iesu” (I-Karatia 3:28). Ngkai ko kabotoa am taneiai n te ekaretia Irouna, E na buokiko ni karekea te kimwareirei n tabo nako ake ko mena iai.