Aia Kibu ni Koora Kairake 2026
“Nakonako ma Ngai”—I nanon Kawai aika a Kakaokoro
Ti teniua taeka abwakin te boto ni iango n te ririki aei, ma a bati reireiara man taeka ake teniua akanne.
N aron aia boto ni iango kairake n te ririki ae nako, “Taraa Kristo,” te boto ni iango n te ririki aei—“Nakonako ma Ngai”—bon te taetae ae nano. N te maiu aei, a na mwaiti mai buakora ae a na aki reke aia tai n noora ke n nakonako ma te Tia Kamaiu. Ma ngaia are tera ae nanonaki n te “nakonako” ma temanna ae aki kona n nooraki rabwatana? Ti na tibwatibwaia ni kamaenakoa.
Nakonako
Ngke e wetea Enoka te Uea bwa e na riki bwa te burabeti, E anga nakoina te berita: “ Am taeka ni kabane N na kariaia; ao a na mwaing maunga imwaaim, ao karaanga a na bita kawaia; ao ko na mena irou, ao Ngai iroum, ngaia are nakonako ma ngai” (Mote 6:34).
Ngkana ko a tia n beritanaki bwa nanon te nakonako ma te Atua E na boutokai am taeka nako, kanakoi kangaanga man kawaim, ao e na memena iroum—ngaia are, bukin tera ko na aki nakonako ma Ngaia?
Te rongorongo ae raoiroi: Ko a tia ni beritanaki n aio, tao ai tibwa te Tabati ae nako aei. Ngkana ko anaa te toa, ko berita ibon iroum bwa ko na “ururingnga n taainako ao ni kawakina Ana tua nako”—n taekana teuana, ko na nakonako ma Ngaia. Ao bukin tera ko karaoa aio? “Bwa [ko] aonga ngke ni karekea Tamneina n tainako [iroum]”(Reirei ao Berita aika Tabu 20:77;e kairaki ma katuruturuana).
Ko na nooria ngkai bwa e aki tuanga Enoka te Uea “Tei ikai ao tarataranako ma ngai.” E aki taekina “tekateka ao motirawa ma ngai tabeua te tai.” E taku, “Nakonako ma ngai.” Ti riai ni mwakuri i aon te wirikiriki n tamnei are ti karekea. Ti riai ni karaoa ao n taekina are ti kakoaua bwa e koaua.
N aron ae kaotia Beretitenti Marion G. Romney (1897–1988), te kauntira n te Moan Beretitentii, “E kona n ti kairiira kawaira ngkana ti kamwaingii waera.”
Ma ataia bwa tera riki ae e aki taekinna te Uea. E aki kangai, “Biribiri ma ngai.” E aki kangai, “Waekiekie n te aro ae akea uaana i aon am kangaanga ni kabane ma ngai. ” E aki tuangiira bwa ti na “kabirimwakaira riki nakon korakorara are [iai iroura]” (Motiaea 4:27). E aki kantaningaia bwa ti na mwaing n te aro ae rangi ni korakora. E aki kantaningaia bwa ti na karaoi kaairua ke ni karekea te bwarannano. E ti tangiriira bwa ti na waaki nako.
Ma
Ti nakonako ma te Tia Kamaiu. N aki rimoana. Ao n aki kararoaira mai Irouna!
Ngkana ko nakonako raoi ma temanna, ko nakonako i rarikiia. Ma te kabotau aei, ti tiku teuana i akuun te Tia Kamaiu. E kairiiri, ao ti ririmwiina n iriiria—ni kaanira.
Ngkana ko mena i aon te kawai ae eti, E aki “kairiira” te kawai nakon Iesu—E bon mena naba i aona! Ururinga te toa! E memena te Uea n taainako iroum rinanon Tamneina, ngkai ko kateimatoa ni kaoiia.
A aki rangi n raraoma Tamara are i Karawa ao Iesu Kristo bwa ko mena iaa i aon te kawai ngkai Ngaiia ake a kairiko ni kawaim are ko kaitara ma ngaia. A na kaitibo ma ngke n taabo ake ko mena iai. E aki kangai bwa tao ko rangi ni waeremwe, naba.
Ngai
Ti riai ni mwakuriia (NAKONAKO). Ti riai ni karaoia ni kaineti ma ana tua nako te Atua ao ana wirikiriki te Tamnei (MA). Ao ti riai ni karaoi aikai ni kabane ma akea riki bwa ti Iesu Kristo (NGAI).
(Ngkai ti temanna Iesu Kristo, Tamana are i Karawa ao te Tamnei ae Raoiroi—taraa Ioane 10:30; 17:21; Reirei ao Berita aika Tabu 35:2—e eti taekinana bwa ko “nakonako ma te Atua,” “ko nakonako ma te Tia Kamaiu,” “ko nakonako ma te Tamnei,” ke te bwai teuana ae ai aroia.)
A mwaiti bwanaa aika a kona n iriiraki n te aonaaba aei. E aki karako aomata aika a korakora mwiia nakon te maiu, aomata aika a rangi n tanoata, ao kaain te tautaeka ake a tangiriko bwa ko na “nakonako” ma ngaiia (ke tao n anganiia te mwane). A kona ni bongana bwaai ake a taekinna tabeman aomata, ma ti ngkana a kaineti ma ana reirei nako te Tia Kamaiu.
Nakonako ma Ngaia.