Anavai H.

Te tamnei iroun Stéphane Sayeb

A raure au karo, ao bon te bwai ae riki ae kauruakinano are e roota nanou ngke I uarereke. E rangi ni kangaanga irou bukina bwa I aki tangiriia bwa a na raure, ma I kunea te rau are I kainnanoia iroun Kristo. Bon te taneiai n tamnei i nanon te waaki ni maiu ae koaua!

I nanon taai ake a kangaanga akanne, I kunea te korakora i nanon ana taeka Kristo. A buokai reirei ake I karekei mairouia au karo ao taan kariiiri n kateimatoa au iango i aon Ana reirei. E riki te euangkerio bwa te katantan man are I kona ni karekea iai te korakora—te korakora ae kainnanoaki n kamatoa au onimaki n aia tai n rinanon te kangaanga au utu.

N te bong aei, I reitinako ni kunea te kimwareirei rinanon te euangkerio ao rinanon bwaai ake I rinanona n te tembora. I tangiria n reiakina riki taekan Kristo. I tangiria n ataia riki ao, i aon bwaai ni kabanea, N na iriira mwanekana. Iai au koaua bwa e kairiira ni kawaira Kristo ao bwa E na buokiira n tiku irouna, n aki tarai tabe ma taian kataaki.