Bukin tera a taekinaki Karikan te aonaaba n koroboki aika tabu?

The Creation [Te Karikibwai], iroun Annie Henrie Nader

A taekina te Karikibwai koroboki aika tabu bwa a na reireiniira bukin karikina nakon taekan aron karaoan ake a irekereke iai.

Ngke e tuanga te Uea Mote bwa e na “tua [nakoina] ni kaineti ma te aonaaba aei … ao karawa naba,” e taku te Uea, “Aio au mwakuri ao mimitongiu—ni karekea te aki mamate ao te maiu ae akea tokina ibukin te aomata” (Mote 1:36, 39).

Ngke e reireina Aberaam te Uea taekan te Karikibwai, E kaota te Kauntira i Karawa nakoina, ike a bootaki iai natin te Atua aika tamnei. E noora te maiu imwain te maiu n rabwata Aberaam are e kabwarabwara Kristo:

“Ti na nako n ruo, bwa iai te mwaawa ikekei, ao ti na uoti bwaai aikai, ao ti na karaoa te aonaba are a na kona ni maeka i aona naakai;

“Ao ti na kataiia ma ngkai, n nooria ngkana a na karaoi bwaai ni kabane are e na tuangiia te Uea ae Atuaia;

“… Ao naake a kawakina kauouan maekaia a na mwaiti riki mimitong i aon atuuia n aki totoki“ (Aberaam 3:24–26).

Ana karikibwai te Atua ae bubura man mimitong, ni ikotaki ma te aonaaba aio, bon kanoan Ana babaire are e na ibuobuoki nakoira, natina, ni karekea te kamaiuaki ao te karietataaki.