Bwakan: Atam ao Ewa

Mote 2–4; Karikanbai 2–3

Aia Karaki

Te Onaroka

Atam ao Ewa a maeka n te Onaroka are i Eten—te onaroka ae tamaroa are aki namakina iai te maraki, te kangaanga, te mate ke te kimwareirei. A kona naba ni kimwareirei n raonaki iroun te Atua.

Te Kaririaki

Tamara are i Karawa e tuangiia bwa a na karikiia natiia ao a na aki kana uaan te kai n ataakin te raoiroi ao te buakaka.” A kaririiaki Atam ao Ewa iroun Tatan bwa a na kana uaan te kai.

Te Rinerine

Ewa ao Atam a rineia bwa e na kana uaan te kai. A tuangaki bwa a na kiitana te onaroka ao ana kiitana te Atua, a na rinanon te kammarakaki, ao n tokina a mate. Ma a kona naba ni karekea te kukurei, ni kawakin ana tua te Atua ni karikiia natiia ao n rikirake nakon te maiu are akea tokina.

Te Babaire

N te moan, Atam ao Ewa a karabai rabwataia. Ma ataakin ana babaire Tamara are i Karawa, a ataia bwa aia rinerine e karekea aia tai natin Tamara are i Karawa bwa a na roko nako aon te aba. A ataia bwa Tamara are i Karawa e na kanakoa Iesu Kristo bwa e na kamaiuiia (ao ngaira) man ara bure ao te mate.

Am Karaki

N ai aron Atam ao Ewa, ko maeka n te aonaaba ae kangaanga ao kariiri, ao n tabetai kona bae n namakina ae kona karabako ke n namakina te maaku. Ma ibukina bwa iai Iesu Kristo, ko kona n raira nanom ao ni bitaki. N te bong teuana kona mangauti ao ni kona n oki ni maeka ma Ngaia.