Karinean Rabwatau

Kamataata n te tamnei iroun Katelyn Budge

I nakon te reirei are a mwaiti aine aika a kunnikainiia n onea aia oti iai rabwataia, a mooi koobe, ao a karaoi rinerine aika a aki bootau ma au kainibaire.

Te Ibukin Kakorakoraia Kairake kairi e a tia ni buokai n teimatoa ni koaua nakon tuua ao au koaua. Te katoto, I ira Tuan te Mauri, bwa ngkana a kaoai raraou bwa tina mooi kobee, I karautaeka nakoia n ataakin ae riai. Ngkana a kaungai aekakin nako kunnikai, I rinei kunnikai aika I namakina te mweengaraoi iai ao n tararaoi. I kakoaua kabonganaakin onea aika raraoi bwa e kakaawaki ibukina bwa rabwatara bon taian tembora. Ngkana I rinei onea aika a mano, I kaota au karinerine nakon rabwatau ao au kakaitau nakon te Atua.

I kataia ni karaoi reirein te euangkerio inanon maiu ni katoabong, ao ngkana I kaitara ma kakaewenako, I rairaki nakon kamatebwaian koroboki aika a tabu ibukin kairakiu ao te kaotioti. I ataia bwa a tangiriira Tamara are i Karawa ao Iesu Kristo. Tamara are i Karawa e kairiira n tainako ao e kataniira ngkai ti ukoukoria. Riki inanon kawai aika a uarereke, E kakabwaiaira ni katoabong.