Baebae n newe n te Tataro n Toa

Kamataata n te tamnei iroun Katelyn Budge

Iai au kanganga n te taetae are e karika baebaen neweu n taai aika a kakaokoro, n raonaki ma kakabwaian te toa. N te moan tai, bon te kangaanga ni koaua. I iangoia naba bwa N nang aki manga kakabwaia te toa.

Ma I waaki n tataro nakon Tamau are i Karawa. I tataro nakoina n tainako, ni bubutia Ana ibuobuoki. I kakoaua bwa E ongo ara tataro. Imwiin tabeua te tai, I moana n aki bati ni baebae neweu.

N tainako I teimatoa ni baebae neweu, ma te Tia Kamaiu e a tia ni buokai n tokanikai n te kangaanga aei. Rinanon korakaina n te Onaroka are i Keketemwane, E matata n te bwai are I namakinna n te aro aei.

I kaitara naba te kangaanga aei n te reirei. N te moan tai, e bon kangaanga ibukina bwa a ngangareakinai aomata. Ma I namakina ana tangira te Tia Kamaiu inanon maiu. E karaua nanou ao e buokai.