N na kanga n tibwa raoi ‘uaan te euangkerio ma tabeman n te aro bwa a aonga n noora kakawakina irou?”

“Maiuakina te euangkerio n aro ae akea te nanououa iai bwa ko kaokoro. Ngkana a nooriko aomata bwa ko kataia ni maiuakina ake ko kakoauai, ane a na kan ataia. Anne te tai ae tamaroa ibukin tibwaan am koaua, am tangira ibukin Kristo, ao ni kaota aron kukureim are e reke iroum man te euangkerio.”

Miguel A., 17, Asturias, Spain

“Te kimwareirei bon teuana man uaan te euangkerio. Tibwa te kimwareirei are ko kunea iroun Kristo man ti te wingare ao buokaia tabeman n aron are e karaoia Iesu. Ngkana a tuangko aomata bwa e uara am motirawa ae uarereke, tibwaa te bwai ane ko rinanona n te taromauri bwa e na buokiia n noora kakawakin Iesu Kristo nakoim.”

Eliza S., 16, Wicklow, Ireland

“I kona ni kaoiia aomata nakon te taromauri bwa a aonga n noora ae raoiroi ibukiia!”

Cal L., 11, Texas, USA

“I karekei taian kakabwaia aika a mwaiti rinanon Ana Mwakuri ni Kamaiu te Tia Kamaiu, are e kaona maiu n te kimwareirei. E karaua nanou ataakina bwa e mena irou Tamau are i Karawa ao e anganai te nanomatoa n tibwa te kimwareirei anne. Tibwaakin bwaintituaraoi ao kakabwaia ake irou ma tabeman a na bon kaota aron kakaawakin te euangkerio nakoiu.”

Mariata M., 16, Tuamasaga, Samoa

“Maiuakinan te euangkerio n te mweenga ao n ana tabo te botanaomata bon te moan mwaneka n te tibwatibwa ae na nakoraoi.! A na kona n rawa n ongo aomata te bwa are ko na taekinna, ma a na noora te bwai are ko karaoia, ao anne bon te koaua ae korakora.”

Esteicy M., 19, Paraíba, Brazil

“I kona n tibwaa ‘uaan’ te uangkerio ma tabeman aomata man karaoan ae tamaroa nakoia ao man kaoakiia nakon taian waaki n te ekaretia.”

McLayne B., 15, California, USA