Am Mwabe n Okira Mweengam
Bukin tera ngkai e kakawaki te maataata n te babaire ni kamaiu?
Tamnei ni kabwarabwara iroun Mackenzie Alexander
N ana Boki Moomon, te burabeti Iarom e waakina korean ana rekooti ni kangai, “Bwa teraa ae N na kona ni koroi riki aika e tuai ni koroi tamau? Bwa e koaua ae a tuai ni kaota taekan te babaire ni kamaiu? (Iarom 1:2)
Ngkana e taku bwa akanne ni kabane aika ti kainnanoi, te babaire ni kamaiu e bae n rang ni kakaawaki!
Ao e bon kakaawaki!. Bon te mwabe ae kororaoi ibukin maiura. E taekinna n te taina Beretitenti Russell M. Nelson, “Ataakin ana baire te Atua aika kamimi e na bon karekea te kakai inanon maiura ao taai aika a na roko.”
Ngkanne e kanga te babaire ni kamaiu aei ni buokiko ni borauakina bwaai aika akea atakiia n te maiu?
I Roko Mai Ia?
Te Atua bon ngaia Tamam are i Karawa. Ko maeka ma Ngaia imwain ae ko bungiaki. E Tangiriko!
Unimwaane Alan T. Phillips man te Itingaun e kabwarabwara, “Tiaki ngkoe te bwai ae riki n aki akaka, te aomata ae akea ana karo, ke mwiin bwaai ake a manga okiri aroia. Ngkana iai te bwai ae koreaki, ao e na bon iai te tia koreia.”
Ngkana e rikirake te maiu ni matoatoa, e karaunano bwa kona ataia bwa iai bukin rokom ao ko tararuaaki iroun Tamara arei Karawa ae tatangira.
Te tabo raa ae N na nako iai?
Ko aki roko ikai bwa kona ririaki n akea bukina—iai tokin kawaim! Tamara are i Karawa e tangiriko bwa kona oki nakoina ao n riki n ai Arona. E katauraoa te babaire ni kamaiu bwa ko aonga ni karekei ni kabane kakabwaia n Abanueana (taraa Reirei ao Berita aika Tabu 14:7).
Ataakin ana baire Tamara are i Karawa e na buokiko n rinanon te maiu. Ngkana ko “kabwabwaka am taratara” ao n iangoa tiretio, a na mwaiti rinerine aika a na beebete karaoakiia—n raonaki ma rinean iriiran Iesu Kristo.
N na Kanga n Roko Ikekei?
Irarikin anganakira tokin kawaira, te babaire ni kamaiu e kaota naba te kawai are tina roko iai ikekei.
Iesu Kristo bon te banna ni katotoo ae kororaoi n iriirakin te kawai n okira mweengara. Ngkana ko tararake nakoIna—ao n nakonako ma Ngaia—E na bon buokiko n oki nakon Tamara are i Karawa ao n riki n ai Arona. N aron are e kabwarabwara Unimwaane Sergio R. Vargas man te Itingauna, “Inanora ngaira n tatabemaniira bon te kan oki rikaaki nakon mweengara i karawa, ao Iesu Kristo bon kawain kairakira i karawa. Bon ngaia te Kawai.”
Ngkana arona I kuba ni Bua?
Engae ngke iai te mwabe, kona bon kona naba n toua te kawai ae bure. Kona teimatoa ni karaoi kairua. Ma tai raraoma! Tamara are i Karawa e katauraoa te Tia Kabooi Maiura bwa ko aonga ni kona n rairannano n tainako, n rairaki nakoIna, ao n riki n ai arona. Uringnga: “Ti aki tiku i aon kawain te berita ngkana ti tuai man karaoa te kairua. Tei tiku iaon te kawai man te rairannano ni katobaong.”
Ngkai ko kamatebwaia te babaire ni kamaiu, uringnga bwa e karaoaki man te tangira. Tamara arei Karawa e tangiriko bwa kona okira mweengam. Ao ngkana ko iriira Ana babaire ni kamaiu, E na bon buokiko bwa kona roko ikekei.