E aha Ziona ?

I roto i te mau pāpa’ira’a mo’a, te ta’o Ziona e nehenehe te aura’a :

• « Tei mā te ’ā’au » (Te Ha’api’ira’a Tumu ’e te mau Fafaura’a 97: 21).

• Te nūna’a o te Fatu, ’aore rā te ’Ēkālesia ’e tōna mau titi (hi’o Te Ha’api’ira’a Tumu ’e te mau Fafaura’a 82:14).

• Hō’ē vāhi pāpū maita’i i reira te nūna’a o te Fatu e ora ai ’e e putuputu ai, mai :

  1. Te ’oire o Enoha (hi’o Mose 7:18).

  2. Te ’oire tahito o Ierusalema (hi’o 2 Samuela 5:6–7 ; 1 Te mau Arii 8:1 ; 2 Te mau Arii 9:28).

  3. Te Ierusalema ’āpī—hō’ē ’oire e patuhia i te mau mahana hope’a nei i te mata’eina’a nō Jackson, Missouri, Marite (hi’o Te Ha’api’ira’a Tumu ’e te mau Fafaura’a 45:66–67 ; Te Hīro’a Fa’aro’o 1:10).

Noa atu ā ’aita te mau melo o te ’Ēkālesia i teie mahana e putuputu nei i te hō’ē vāhi tumu, « tē ’āmui nei tātou i roto i te hō’ē ’ōpuara’a rahi nō te ha’amau ia Ziona ’ei fa’aineinera’a nō te ho’ira’a mai o te Fatu ». ’Ua ha’api’i tō tātou feiā fa’atere ia tātou ’ia ha’amau ia Ziona ’e ’ia ha’apūai i te ’Ēkālesia i te mau vāhi ato’a tā tātou e ora nei. E rave tātou i te reira, ’ei tuha’a, ma te ’imira’a ’ia ora mai te nūna’a ora ’o « Ziona ». ’Ei hi’ora’a, i roto Mose 7:18 tē ha’api’i mai nei tātou :

• E « hō’ē ā tō rātou ’ā’au ’e hō’ē ā tō rātou ferurira’a ».

• E ora noa rātou ma te parauti’a.

• ’Aita e « ta’ata veve i rotopū ia rātou ».