« E aha te mea e ta’a ’ē ai tā ’oe ’Ēkālesia »

Tē uiui nei au e aha tā’u e parau atu mai te peu e ui mai te hō’ē ta’ata, « e aha te mea e ta’a ’ē ai tā ’oe ’ēkālesia ? » I muri iho, ’ua pohe tā’ue noa tā māua tamaiti matahiapo, ma te vaiiho mai i tāna vahine fa’aipoipo fa’ahiahia ’e tāna e maha tamari’i. I roto i tō mātou ’oto, ’ua hōpoi mai te mau ha’api’ira’a o te ’evanelia tei fa’aho’ihia mai a Iesu Mesia ia mātou te māramarama ’e te tāmāhanahanara’a. E hōro’a māramarama mai te poro’i nō teie ’āva’e e toru o teie mau ha’api’ira’a ’ōtahi :

’A tahi, tē poro’i fa’auruhia nō te ’utuāfare e ha’api’i nei ia tātou ē « e fa’ati’a te fa’anahora’a hanahana nō te ’oa’oa i te mau aufēti’ira’a ’ia vai tāmau noa i muri a’e i te pohe ». (Hi’o ’api 26).

Te piti, nā roto i te ’Ēkālesia a te Fatu, e fa’ari’i tātou i te ha’amanara’a ’e te mana o te autahu’ara’a a te Atua—hō’ē ā mana tei poiete i te mau ao ’e e tāhō’ē i te mau ’utuāfare a muri noa atu. (Hi’o ’api 2).

Te toru, tē fa’aineine nei te nūna’a o te fafaura’a a te Fa’aora i roto i tāna ’Ēkālesia i tōna tae-piti-ra’a mai, ’o te hō’ē ïa tumu nō te ’oa’oa. (Hi’o mau ’api 18, 22).

’A ’imi māite ai ’outou i teie poro’i, tē pure nei au ’ia ’ite mai ’outou i teie mau parau mau nō ’outou iho ’e ’ia ’ite mai i tā ’outou mau pāhonora’a i te uira’a, « e aha te mea e ta’a ’ē ai i tā ’oe ’ēkālesia ? »