Mārōra’a i te vāhi pūhapara’a
E aha te mea tā ’oe e rave ra ? Teie te vāhi tā’u e fa’ati’a i te fare ’ie !
’O te mau tumu rā’au maita’i roa a’e ho’i teie nō te ro’i ’ie.
’Auē ! E rave noa iho ā ’oe i te mau mea tano ’ore ato’a !
E mea ta’ahoa roa ’o Clara. ’Aita roa ’oia e fa’aro’o mai iā’u !
E nehenehe ’oe e ’ore e fa’ari’i i tōna mana’o, ’aita rā te reira i te aura’a ē e’ita ’ōrua e nehenehe e rave ’āmui i te ’ohipa.
E mau mātēria ta’a ’ē roa te ’ōfa’i hōahi ’e te faira, ’e rāua ’ōtahi ana’e, e’ita te auahi e nehenehe e ’ama. ’Ia ’āmui-ana’e-hia rā rāua, e purapura mai te reira i te hu’a auahi. E roa’a mai te māramarama ’e te ve’ave’a nō te mea ’ua ’ohipa ’āmui te ’ōfa’i hōahi ’e te faira.
’Ua hāmani te Atua ia tātou ’ei mea ta’a ’ē, ’ia nehenehe ia tātou ’ia fa’atupu ’āmui i te mau mea fa’ahiahia.
Penei a’e e nehenehe māua Clara e tauto’o rahi atu ā ’ia ’āfaro mai māua.
E hina’aro ānei ’oe e tauturu mai iā’u nō te fa’ati’a i te fare ’ie i’ō nei ? E’ita ïa te reira e ha’afifi i te hi’ora’a maita’i mai te ro’i ’ie mai !
Nā reira !