Tāmāhanahanara’a o te ’āmuira’a

Fa’ahōho’ara’a nā Katelyn Budge

’Ua anihia vau ’ia paraparau i te ’āmuira’a titi. ’Ua mana’o rā vau ’aita tō’u e taime nō te fa’aineine, nō te mea tē vai ra tā’u mau ’ohipa ha’api’ira’a nō te fa’aho’i atu.

Nō reira, ’a feruri fa’ahou ai au i tā’u a’ora’a, tē vai ra hō’ē ’āmuira’a rahi e tupu ra. ’Ua ha’api’i Elder Carl B. Cook « te fa’a’ohipara’a i te fa’aro’o i tō tātou Fa’aora, ’o Iesu Mesia, e tauturu ia tātou ’ia upo’oti’a i ni’a i te mana’o paruparu, noa atu te mau huru fifi ’o tā tātou e fa’aruru atu ».

’Ua ha’amana’o vau e mea nāhea tō te Fatu tauturura’a iā’u, ’ia rave fa’aoti i tā’u mau hōpoi’a i muta’a ra. ’A tū’ati ai au i te ’ohipa i tupu nō’u iho ’e te ’itera’a pāpū o Elder Cook, ’ua ta’a iā’u ē e ti’a roa iā’u e a’o i tā’u a’ora’a i te ’āmuira’a titi ma te mata’u ’ore.

Tē fa’a’ite pāpū nei au ē, ’ia putapū ana’e au i te hepohepo ’e te mata’u, e fa’auru mai te Mesia iā’u nā roto i te mau parau a te mau peropheta ’e te tahi atu feiā fa’atere o te ’Ēkālesia, te mau pāpa’ira’a mo’a ’e te mau ta’ata e ha’ati nei iā’u.